فیلڈ مارشل صاحب آپ 25 کروڑ عوام کے سپہ سالار ہیں، پوری قوم فوج کے ساتھ کھڑی ہے
اشاعت کی تاریخ: 27th, September 2025 GMT
پشاور میں پاکستان تحریک انصاف کے جلسے کے دوران وزیراعلیٰ خیبر پختونخوا علی امین گنڈاپور نے خطاب کرتے ہوئے کہا کہ فیلڈ مارشل صاحب آپ 25 کروڑ عوام کے سپہ سالار ہیں، بانی پی ٹی آئی کی ہدایت پر پوری قوم فوج کے ساتھ کھڑی ہے. بھارت کے ساتھ جنگ کے دوران بھی بانی پی ٹی آئی نے عوام کو فوج کا ساتھ دینے کا کہا تھا۔
انہوں نے کہا کہ بانی پی ٹی آئی، ان کی اہلیہ، رہنماؤں اور کارکنوں کو انصاف دیا جائے، کیونکہ جب تک تمام ادارے آئین کے تحت کام نہیں کریں گے، آواز بلند کرتے رہیں گے۔ حقیقی آزادی کی جنگ جاری رہے گی اور عدلیہ کو پیغام دیتے ہیں کہ وہ آئین کے مطابق انصاف فراہم کرے۔
مزید پڑھیں: پشاور: پی ٹی آئی کا 5 لاکھ افراد لانے کا دعویٰ، جلسہ گاہ تاحال سنسان
جلسے کے دوران صورتِحال کشیدہ بھی رہی جب کارکنوں نے خطاب کے دوران اسٹیج کی جانب بوتلیں پھینکیں اور وزیراعلیٰ کو جوتے دکھائے اور ان کے خلاف نعرے بازی کی۔
جلسے میں بدنظمی بھی دیکھی گئی جب پی ٹی آئی کارکن خواتین کے انکلوژر میں داخل ہوگئے اور ان کی نشستوں پر بیٹھ گئے۔ پولیس نے فوری کارروائی کرتے ہوئے کارکنوں کو دھکے دے کر وہاں سے باہر نکالا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
25 کروڑ عوام کے سپہ سالار بانی پی ٹی آئی بوتلیں پھینکیں پاکستان تحریک انصاف پشاور علی امین گنڈا پور فیلڈ مارشل.ذریعہ: WE News
کلیدی لفظ: بانی پی ٹی آئی بوتلیں پھینکیں پاکستان تحریک انصاف پشاور علی امین گنڈا پور فیلڈ مارشل بانی پی ٹی آئی کے دوران
پڑھیں:
10 ماہ بعد 9 کروڑ کی لاگت سے پی ٹی آئی کاجلسہ
data-id="863a0a8" data-element_type="widget" data-widget_type="theme-post-content.default">
پشاور:پی ٹی آئی کا 10 ماہ بعد 9 کروڑ روپے کی لاگت سے جلسہ،پاکستان تحریک انصاف آج پشاور کے رنگ روڈ پر دس ماہ بعد ایک بڑے سیاسی شو کا انعقاد کرنے جا رہی ہے، جسے ”بانی کی رہائی و حقیقی آزادی“ کا عنوان دیا گیا ہے۔ جلسہ گاہ میں انتظامات مکمل کر لیے گئے ہیں، جہاں 30 فٹ اونچا اور 60 فٹ لمبا مرکزی اسٹیج تیار کر دیا گیا ہے جبکہ کارکنوں کے لیے 5 ہزار کرسیاں نصب کی گئی ہیں۔جلسے سے پارٹی چیئرمین بیرسٹر گوہر، وزیراعلیٰ خیبرپختونخوا علی امین گنڈاپور، سلمان اکرم راجا، اسد قیصر اور جنید اکبر سمیت دیگر قائدین خطاب کریں گے۔
بانی پی ٹی آئی کی بہنیں علیمہ خان، عظمیٰ خان اور نورین نیازی بھی جلسہ گاہ میں خصوصی طور پر شرکت کریں گی۔میڈیا میں جلسے کے حوالے سے خبروں کی کوریج تقریباً نہ ہونے کے باعث پی ٹی آئی رہنما سوشل میڈیا پر عوام سے جلسہ کامیاب بنانے کی اپیلی کرتے نظر آرہے ہیں۔پی ٹی آئی رہنما اسد قیصر نے تو یہاں تک کہہ دیا کہ اگر جلسہ گاہ نہیں بھر پائے تو وہ سیاست چھوڑ دیں گے۔سیکورٹی کے حوالے سے بھی غیر معمولی اقدامات کیے گئے ہیں۔ شہر کے داخلی و خارجی راستوں پر خصوصی ناکہ بندیاں قائم کی گئی ہیں جبکہ جلسہ گاہ کے اطراف دو ہزار پولیس اہلکار تعینات ہیں۔ بم ڈسپوزل یونٹ (بی ڈی یو) کی ٹیمیں، سنیفر ڈاگز یونٹس، لیڈیز پولیس، واک تھرو گیٹس اور ماہر اسنائپرز بھی سیکورٹی پلان کا حصہ ہیں۔
جلسہ گاہ کے اطراف اور عمارتوں کی چھتوں پر تربیت یافتہ اسنائپرز موجود ہوں گے۔ ایس ایس پی آپریشنز مسعود احمد خود سیکورٹی انتظامات کی نگرانی کر رہے ہیں جبکہ ٹریفک پلان کی براہ راست نگرانی چیف ٹریفک آفیسر پشاور کے ذمہ ہے۔ٹریفک کی روانی برقرار رکھنے کے لیے ابابیل اسکواڈ، سٹی پٹرولنگ فورس اور ٹریفک پولیس مسلسل گشت کریں گی۔جلسہ گاہ میں داخلے کے لیے شرکا کو مکمل چیکنگ سے گزرنا ہوگا۔ کسی بھی ایمرجنسی صورتحال سے نمٹنے کے لیے 14 ایمبولینسز، دو فائر وہیکل، ایک موونگ ہسپتال اور میڈیکل کیمپ بھی قائم کیا گیا ہے۔
گزشتہ روز وزیراعلیٰ علی امین گنڈاپور نے جلسہ گاہ کا دورہ بھی کیا تھا۔ اس موقع پر کارکنوں کی بڑی تعداد اسٹیج پر چڑھنے کی کوشش میں آگے بڑھی جس پر سیکورٹی اہلکاروں اور کارکنان میں دھکم پیل ہوئی۔ اس دوران ایک پولیس اہلکار زخمی ہوا اور وی آئی پی گیٹ ٹوٹ گیا۔جلسے کے لیے مجموعی طور پر ساڑھے 9 کروڑ روپے کے اخراجات کیے گئے ہیں اور پارٹی ذرائع کے مطابق پشاور سمیت خیبرپختونخوا کے مختلف اضلاع اور ملک بھر سے کارکنوں کی بڑی تعداد جلسے میں شرکت کرے گی۔
تجارت و سرمایہ کاری کو فروغ دینے کیلئے قابلِ عمل منصوبوں پر کام کیا جائے، وزیر اعظم کی ہدایت