گورنرخیبرپختونخوا فیصل کریم کنڈی کادورہ صوابی
اشاعت کی تاریخ: 27th, September 2025 GMT
صوابی(اُردو پوائنٹ اخبارتازہ ترین - این این آئی۔ 27 ستمبر2025ء)گورنر خیبرپختونخوا فیصل کریم کنڈی نے صوابی کا دورہ کیا جہاں انہوں نے گدون امازئی کے گائوں دالوڑی بالا میں کلائو ڈ برسٹ کے نتیجے میں 42 جاں بحق ہونے والے افراد کے لیے اجتماعی فاتحہ خوانی کی۔ ہلال احمر خیبرپختونخوا کے چیئرمین فرزند علی وزیر ، پیپلز پارٹی کے صوبائی ڈپٹی جنرل سیکرٹری ابرار سعید سواتی اور دیگر رہنما بھی انکے ہمراہ تھے ،اس موقع پر گورنر خیبرپختونخوا نے جاں بحق افراد کے لواحقین سے اظہارِ تعزیت کرتے ہوئے کہا کہ قدرتی آفات کے متاثرین کی مدد کے لیے ہمیں اپنی سیاسی وابستگیوں سے بالاتر ہو کر کام کرنا ہوگا۔
انہوں نے کہا کہ انسانی ہمدردی اور یکجہتی کا تقاضا ہے کہ مشکل کی اس گھڑی میں متاثرہ خاندانوں کے ساتھ کھڑے ہوں انہوں نے قدرتی آفات میں امدادی کارروائیوں کے دوران ہلالِ احمر خیبرپختونخوا کے کردار کو سراہتے ہوئے کہا کہ ادارے نے فوری اور مثر انداز میں ریلیف فراہم کر کے قابلِ تعریف خدمت انجام دی ہے۔(جاری ہے)
دورے کے دوران گورنر نے متاثرین کے مسائل سنے اور حکام کو ہدایت کی کہ امدادی کارروائیوں میں تیزی لائی جائے اور ہر ممکن سہولت فراہم کی جائی- انہوں نے کہا کہ متاثرہ علاقوں میں سڑکوں کی ازسرنو تعمیر و مرمت ، بجلی و نیٹ سروس کی بحالی اور پینے کی صاف پانی کی فراہمی ہماری وفاقی حکومت کی اولین ترجیح ہوگی ،اس مشکل گھڑی میں غم زدہ لواحقین اور اکیلے نہیں چھوڑیں گے ہماری تمام ہمدردیاں ان کے ساتھ ہیں، متاثرہ خاندانوں کی بحالی کے لیے عملی اقدامات اٹھائے جائیں گے ، اور اس کے لئے نہ صرف وفاقی حکومت بلکہ سندھ اور بلوچستان حکومت بھی بھرپور تعاون کرے گی ،اس قدرتی آفات میں لواحقین کے ساتھ تعزیت اور فاتحہ خوانی کے لیے یہاں آیا ہوں ، ہلال احمر کی جانب سے متاثرین کے لیے پینے کی صاف پانی کی فراہمی کے لیے تین عدد فلٹریشن اور ساٹھ عدد فوڈ پیکچز دئیے گئے اور اس کمی نہیں آنے دیں گے، ہم یہ نہ کہہ سکتے ہیں کہ متاثرین کو 100 فیصد امداد اور وسائل کو وسائل کو یقینی بنایا جا سکے لیکن ہم پوری کوشش کررہے ہیں جو بھی مل جائیں وہ اپنے متاثرہ بھائیوں میں منصفانہ طور پر تقسیم کر سکیں انہوں نے واضح کیا کہ وفاقی حکومت موسمیاتی تبدیلی کیلئیعملی اقدامات کررہی ہیں ہمیں زیادہ سے زیادہ درخت لگانا اور جنگلات کی تحفظ کیلئے عملی اقدامات کریں گے،
.
ذریعہ
ذریعہ: UrduPoint
کلیدی لفظ: تلاش کیجئے انہوں نے کہا کہ کے لیے
پڑھیں:
کارگو طیارہ حادثے میں جاں بحق عملے کے اہل خانہ کو کمپنی مالکان سے عدم تعاون کی شکایت
نجی کارگو ایئرلائن کے ٹو ایئرویز کے حادثے میں جاں بحق عملے کے اہل خانہ حادثے کی وجوہات جاننے کے منتظر ہیں۔ انہوں نے نجی کارگو کمپنی کے مالکان کی جانب سے عدم تعاون کی شکایت بھی کی ہے، متاثرین کیلئے اب تک کسی معاوضہ کا اعلان بھی نہیں ہوا۔
7 جولائی کو شارجہ سے کراچی آنے والا نجی کارگو کمپنی کے ٹو ایئرویز کا بوئنگ 737 طیارہ بلوچستان کے ساحل سے آگے گہرے سمندر میں گر کر تباہ ہو گیا تھا۔ حادثے کے مقام سے طیارے کا کچھ ملبہ ضرور ملا ہے لیکن سمندر کی تہہ میں پہنچ جانے والے طیارے کے بلیک باکس، کاکپٹ اور عملے کا تاحال کوئی سراغ نہیں مل سکا۔ متاثرین کا مطالبہ ہے کہ اس کام کیلئے غیر ملکی ماہر کمپنیوں سے مدد لی جائے۔
نجی کارگو طیارے کا ملبا تفتیشی ٹیم کے سپرد، بلیک باکس، عملے کے 5 ارکان کی تلاش جاریترجمان پاکستان ایئرپورٹ اتھارٹی (پی اے اے) کے مطابق کارگو طیارے کے مزید ملبے اور عملےکی تلاش گہرے سمندر میں جاری ہے حادثے کے شکار طیارے کے مزید پرزے اور ملبہ سمندر سے برآمد کر لیا گیا۔
شہید کپٹن رضوان کے اہل خانہ نے عملے اور طیارے کے ملبے کی تلاش کیلئے پاکستان نیوی اور دیگر اداروں پر اعتماد کا اظہار کیا لیکن کارگو کمپنی کی شدید بے حسی کی شکایت کی اور مطالبہ کیا کہ کے ٹو ایئرویز کے بیرون ملک موجود مالکان کو واپس لا کر تحقیقات میں شامل کیا جائے۔
متاثرین کے مطابق کے ٹو ایئرویز کی انتظامیہ کی بے حسی کا اندازہ اس سے بھی لگایا جا سکتا ہے کہ ملازمین کو 3 ماہ سے تنخواہیں نہیں ملی تھیں۔ یہ تنخواہ اس المناک حادثہ کے بعد ادا کی گئی۔
ایوی ایشن ماہرین کے مطابق بوئنگ 737 کارگو طیارے کا حادثہ کیوں اور کیسے پیش آیا، یہ اہل خانہ کو بتانا اور حادثہ متاثرین کو معاوضے کی ادائیگی یقینی بنانا حکومت اور ریاست کی ذمہ داری ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم