آئندہ سیاسی گفتگو نہ کریں، آئی سی سی نے بھارتی کپتان سوریا کمار یادو کو خبردار
اشاعت کی تاریخ: 25th, September 2025 GMT
انٹرنیشنل کرکٹ کونسل نے بھارتی کپتان سوریا کمار یادو کو خبردار کیا ہے کہ وہ آئندہ سیاسی بیانات دینے سے گریز کریں۔
یہ فیصلہ دبئی میں میچ ریفری رچی رچرڈسن کی سربراہی میں ہونے والی سماعت کے بعد سامنے آیا، فی الحال یہ واضح نہیں کہ سوریا کمار پر مزید کوئی پابندی یا جرمانہ عائد کیا جائے گا یا نہیں۔
یہ بھی پڑھیں:ایشیا کپ، سیاسی بیان کے بعد سوریا کمار یادو مشکل میں، آئی سی سی نے تحقیقات شروع کر دیں
پاکستانی ٹیم مینجمنٹ نے الزام لگایا تھا کہ سوریا کمار نے 14 ستمبر کو ایشیا کپ کے گروپ میچ میں پاکستان کے خلاف کامیابی کے بعد پریس کانفرنس میں سیاسی نوعیت کے ریمارکس دیے، پاکستان کرکٹ بورڈ کے اعلیٰ حکام نے گزشتہ ہفتے لاہور میں پریس کانفرنس کے دوران اس شکایت کی تصدیق بھی کی تھی۔
"We stand by the victims of the families of Pahalgam.
– Surya Kumar Yadav ???? pic.twitter.com/YGvA3MIkEY
— Moon (@momo_premi) September 14, 2025
اطلاعات کے مطابق سوریا کمار نے اپنی گفتگو میں آپریشن سندور کا حوالہ دیا تھا، بھارتی کپتان نے اس موقع پر کامیابی کو دہشتگردی کے متاثرین اور بھارتی مسلح افواج کے نام کیا تھا۔
یہ معاملہ اس وقت مزید حساس ہوگیا جب پاکستان نے میچ ریفری اینڈی پائی کرافٹ کے رویے پر بھی باقاعدہ احتجاج درج کرایا، پاکستان کا مؤقف تھا کہ پائی کرافٹ نے بھارت کے خلاف میچ کے دوران ٹاس سے قبل دونوں کپتانوں کو مصافحہ نہ کرنے کا کہا تھا۔ بعدازاں میچ ریفری نے اسے غلط فہمی قرار دیتے ہوئے معافی مانگی۔
یہ بھی پڑھیں: ’اب پاکستان سے کوئی مقابلہ نہیں‘، اعداد و شمار نے بھارتی کپتان سوریا کمار یادو کو غلط ثابت کردیا
اسی دوران بھارت نے بھی آئی سی سی میں پاکستان کے 2 کھلاڑیوں، صاحبزادہ فرحان اور حارث رؤف کے خلاف شکایت درج کرائی ہے۔ بھارتی مؤقف ہے کہ دونوں کھلاڑیوں نے سپر فورز کے میچ میں نامناسب اشارے کیے۔ اس شکایت کی سماعت جمعہ کو متوقع ہے۔
صاحبزادہ فرحان نے ایک پریس کانفرنس میں اپنی مشین گن اسٹائل جشن پر وضاحت دیتے ہوئے کہا تھا کہ وہ عام طور پر ففٹی کے بعد زیادہ جشن نہیں مناتے، تاہم اس دن اچانک یہ خیال آیا اور انہوں نے یہ انداز اپنایا، اس پر لوگوں کا ردعمل جو بھی ہو، انہیں اس کی پروا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی بھارت پاکستان سوریا کمار یادو سیاسی بیان وارننگ
ذریعہ
ذریعہ: WE News
کلیدی لفظ: بھارت پاکستان سوریا کمار یادو سیاسی بیان وارننگ سوریا کمار یادو بھارتی کپتان کے بعد
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ