فلسطینی مزاحمت کا یمن کے کامیاب ڈرون حملوں پر مسرت اور تبریک کا اظہار
اشاعت کی تاریخ: 25th, September 2025 GMT
بیان میں مزید کہا گیا کہ یمن میں مبارک آپریشن، ایمانداری سے کام کرنے کا عزم اور یمنی فوج اور عوام کا پختہ اور غیر متزلزل عزم امت اسلامیہ کی آواز اور مزاحمت کا حقیقی نمونہ ہے۔ اسلام ٹائمز۔ صیہونی اور امریکی ظلم و جبر کیخلاف برسرپیکار فلسطینی مزاحمت نے مقبوضہ علاقوں میں یمن کے کامیاب ڈرون حملوں پر مبارکباد پیش کی ہے، ان حملوں میں صیہونیوں کو بھاری جانی نقصان پہنچا۔ فلسطینی مزاحمت نے اس بات پر زور دیا ہے کہ یمنیوں نے غاصبوں کے غرور اور تکبر کو نیست و نابود کر دیا ہے اور اسرائیل کے دفاعی، فوجی اور انٹیلی جنس نظام کی نزاکت اور کمزوری کو بے نقاب کیا ہے۔ بیان میں کہا گیا ہے کہ وہ اپنے مجاہد بھائیوں اور یمنی حکام کو مبارکباد پیش کرتے ہیں۔
فلسطینی مزاحمتی کمیٹیوں نے مزید کہا ہے کہ ایلات میں یمنیوں کا بہادرانہ آپریشن اس بات کا ثبوت ہے کہ یمنی مسلح افواج تخلیقی صلاحیتوں، مہارت، درستگی اور ترقی کے اس درجے پر پہنچ گئی ہیں جو انہیں صیہونیوں کے استکبار اور جھوٹے غرور کو چکنا چور کرنے اور تباہ کرنے کے قابل بناتی ہے۔ بیان میں مزید کہا گیا کہ یمن میں مبارک آپریشن، ایمانداری سے کام کرنے کا عزم اور یمنی فوج اور عوام کا پختہ اور غیر متزلزل عزم امت اسلامیہ کی آواز اور مزاحمت کا حقیقی نمونہ ہے۔
فلسطینی مزاحمتی کمیٹیوں نے تاکید کی ہے یمنیوں کا عزم اور ہمت ثابت کرتا ہے کہ یمنی عوام ناقابل تسخیر ہیں اور وہ جو قربانیاں اور بھاری قیمت ادا کر رہے ہیں وہ درحقیقت دشمنوں کو بھاری ضربوں سے نمٹنے کا محرک بنتے ہیں۔ بیان کے مطابق آپریشن ایلات نے اسرائیلی حکومت کے فضائی دفاع اور پورے فوجی اور انٹیلی جنس آلات کی نزاکت اور کمزوری کو بے نقاب کیا اور یہ ظاہر کیا کہ نیتن یاہو اور اس کی نسل کشی کرنے والی صہیونی کابینہ میں موجود مجرم گروہ صیہونی عوام کو دھوکہ دے رہے ہیں۔
بیان کے آخر میں تاکید کرتے ہوئے کہا گیا ہے کہ ہم جہاد و مزاحمت کی سرزمین یمن میں اپنے بھائیوں اور یمن کی بہادر فوج، تحریک انصار اللہ اور یمن کی دلیر قیادت کو سلام پیش کرتے ہیں جو فلسطینی عوام اور ان کی مزاحمت کے حقیقی حامی ہیں۔ یہ بیان یمنی مسلح افواج کے ترجمان یحییٰ سریع کی جانب سے گزشتہ رات ایک بیان جاری کرنے کے بعد سامنے آیا ہے جس میں اعلان کیا گیا تھا کہ یمنی مسلح افواج نے دو ڈرونز سے مقبوضہ بندرگاہ میں دو اہداف کو کامیابی سے نشانہ بنایا ہے۔
واضح رہے یہ یمن کا گزشتہ 24 گھنٹوں میں یہ دوسرا آپریشن تھا۔ قابل غور ہے کہ اسرائیلی میڈیا نے یمنی ڈرون کا مقابلہ کرنے میں متعدد دفاعی نظام کی ناکامی کا اعتراف کرتے ہوئے اس ناکامی کی وجوہات کے بارے میں قابض حکومت کی فضائیہ کی تحقیقات کو رپورٹ کیا۔ آئرن ڈوم سسٹم کو روکنے کے لیے داغے گئے دو میزائل یمنی ڈرون کو نشانہ بنانے میں ناکام رہے اور ڈرون مقبوضہ علاقوں پر جا گرا۔ جب کہ قابضین ہمیشہ اپنی ہلاکتوں کے اعداد و شمار کو چھپاتے اور سنسر کر رہے ہیں۔
عبرانی زبان کے ذرائع نے اطلاع دی ہے کہ مقبوضہ علاقوں پر یمنی ڈرون حملے میں زخمی ہونے والوں کی تعداد پچاس ہو گئی ہے۔ عبرانی اخبار یروشلم پوسٹ نے اس حوالے سے کہا کہ یمنیوں کو اسرائیل کی کمزوریوں کا پتہ چل چکا ہے، اور ان کا اثر مسلسل، تباہ کن اور بالآخر مہلک ہے۔ صہیونی اخبار نے اس بات کا ذکر کرتے ہوئے کہ یمنی ڈرونز کی قیمت میزائلوں سے کم ہے لیکن اس نے کافی نقصان پہنچایا ہے، طویل ہوتی جنگ میں خطرات متنوع ہو چکے ہیں۔ یمنی اسرائیل کے دفاعی نظام میں خلا کو عبور کرنے میں کامیاب ہو گئے ہیں۔
ذریعہ: Islam Times
کلیدی لفظ: فلسطینی مزاحمت کہا گیا کہ یمنی اور یمن کہ یمن
پڑھیں:
آزادی اظہار پر کسی قسم کا قدغن قبول نہیں،جاوید قصوری
data-id="863a0a8" data-element_type="widget" data-widget_type="theme-post-content.default">
250924-11-17
لاہور (وقائع نگارخصوصی) امیر جماعت اسلامی پنجاب وسطی محمد جاوید قصوری نے صحافیوں کو ہراساں کرنے، غیر قانونی نوٹس بھیجنے اور گھروں میں چھاپے مارنے کے اقدام کے خلاف اپنے مذمتی بیان میں کہا ہے کہ صوبائی حکومت اپنے خلاف اٹھنے والی آواز کو دبانے کے لئے ایسے اوچھے ہتھکنڈوں پر اتر آئی ہے، آزادی اظہار رائے پر کسی قسم کا کوئی قدغن قبول نہیں کریں گے۔ہم اپنے صحافی بھائیوں کے ساتھ اظہار یکجہتی کرتے ہیں۔پیکا ایکٹ کالے قانون جس کا مقصد مخالفین کو سائیڈ لائن لگانا ہے۔ان کا کہنا تھا کہ موجودہ حکمرانوں نے مایوسی کے سوا کچھ نہیں دیا، ملکی و غیر ملکی مانیٹرنگ کرنے والے ادارے حکمرانوں کی نا قص کارکردگی پر سوالات اٹھا رہے ہیں۔ اعداد و شما ر کو پیش کرکے بہتری کے نعرے لگانے والے عوام کو ریلیف فراہم کرنے میں بری طرح ناکام دکھائی دیتے ہیں۔ انہوں نے پلس کنسلٹنٹ کی رپورٹ جس میں انکشاف کیا گیا ہے کہ 51فیصد لوگوں کی زندگی مشکل ترین حالات سے دوچار ہے پر اپنا ردعمل دیتے ہوئے کہا ہے کہ کم آمدن نے عوام سے خوشیاں بھی چھین لی ہیں۔لوگوں کی زندگی میں بچت نام کی کوئی چیز نہیں۔ حالات سوچوں سے بھی زیادہ گھمبیر ہو چکے ہیں۔ حکمرانوں کو اقتدار انجوائے کرنے اور فوٹو شوٹ کے علاوہ کوئی کام نہیں۔مافیا نے ہر چیز پر قبضہ جما رکھا ہے۔ عوام کو درپیش مشکلات کے حل سے کسی کو بھی کوئی غرض نہیں۔ انہوں نے مزید کہا ہے کہ آڈٹ رپورٹ2024-25ء کے مطابق پنجاب کی 4 ہزار 907ا یکڑ 4 کنال سرکاری اراضی پر قبضہ ہے۔3 ہزار 1527 ایکڑ اراضی جو کہ جھنگ، خانیوال، جہانگیر آباد میں واقع ہے کے معاہدے 2009 ء سے 2012ء میں ختم ہوئے تا ہم اراضی وا گزار نہ کروائی گئی۔محکمہ لائیواسٹاک کی 1 ہزار 380 ایکڑ اراضی پر ناجائز قبضہ ہے جبکہ کرایے کی مدمیں ایک ارب22کروڑ 87لاکھ82ہزار روپے بھی ادا نہیں کئے گئے۔یہ کام حکومتی اداروں میں موجود کالی بھیڑوں کے بغیر ممکن نہیں۔ رشوت کا بازار گرم ہے۔
کھیلوں میں سیاست گھسیٹنے والے بھارت کو دھچکا، انٹرنیشنل اولمپک کمیٹی نے ورکنگ گروپ کا اعلان کردیا