آزاد کشمیر: عوامی ایکشن کمیٹی کے خلاف مسلم کانفرنس میدان میں آ گئی، 29 ستمبر کو امن مارچ کا اعلان
اشاعت کی تاریخ: 27th, September 2025 GMT
آل جموں و کشمیر مسلم کانفرنس کی مرکزی قیادت نے جوائنٹ ایکشن کمیٹی کے رویے پر شدید تحفظات کا اظہار کرتے ہوئے اعلان کیا ہے کہ 29 ستمبر کو کھاوڑہ میں تمام دکانیں کھلی رکھی جائیں گی اور مرکزی پریس کلب سے اپر ڈا تک امن مارچ کیا جائے گا۔ یہ اعلان مرکزی چیف آرگنائزر ثاقب مجید راجا کی کال پر ڈویژن مظفرآباد کے ہنگامی اجلاس میں کیا گیا، جس میں ڈویژن بھر سے پارٹی کارکنان نے بھرپور شرکت کی۔
اجلاس کی صدارت ثاقب مجید راجا نے کی اور انہوں نے خطاب میں کہا کہ جوائنٹ ایکشن کمیٹی جان بوجھ کر انتشار پھیلا رہی ہے اور مذاکرات سے راہِ فرار اختیار کیا گیا۔
انہوں نے الزام لگایا کہ کمیٹی کے بعض عناصر نادیدہ قوتوں اور ہینڈلرز کے زیرِ اثر ہیں اور کسی بھی قابلِ عمل حل کو تسلیم کرنے سے انکاری رہے۔ ثاقب مجید نے واضح کیا کہ اگر کسی گروپ نے آزادکشمیر کے تشخص، قومی ہیروز یا پاکستان کے جھنڈے کی بے حرمتی کی کوشش کی تو اس کے سخت نتائج ہوں گے۔
مزید پڑھیں: جموں کشمیر جوائنٹ ایکشن کمیٹی کے متحرک رہنما شوکت نواز میر کون ہیں؟
ثاقب مجید نے مزید کہا کہ کسی کو زبردستی دکانیں بند کروانے کی اجازت ہرگز نہیں دی جائے گی۔ انہوں نے ٹرانسپورٹرز، تاجروں، سول سوسائٹی، نوجوانوں اور طلبہ سے اپیل کی کہ وہ امن کے قیام میں اپنا کردار ادا کریں اور ریاستی اداروں کے ساتھ تعاون برقرار رکھیں۔
ان کا کہنا تھا کہ ریاست ہے تو سب کچھ ہے، ریاست ہی سے کاروبار جڑا ہوا ہے اور اگر کسی نے دکانیں بند کروانے کی کوشش کی تو اس کا بندوبست کیا جائے گا۔
اجلاس میں شریک مقررین نے وزیراعظم شہباز شریف اور فیلڈ مارشل عاصم منیر کو سراہا اور کہا کہ دونوں نے سفارتی اور دفاعی محاذ پر اہم کامیابیاں حاصل کی ہیں۔
خطاب کرنے والوں میں سابق وزیرِ حکومت شمیم علی ملک، سمعیہ ساجد، یاسر نقوی ایڈووکیٹ، سلیم اعوان، احسن کاظمی، تصور موسوی، راجا جابر خان، سجاد عباسی، راجا عامر ظفر، راجا لیاقت، قذافی الطاف، چوہدری باسط علی ایڈووکیٹ، راجا عبدالوحید، جبار عباسی، راجا نور حسین، راجا نسیم، راجا مبشر، سیٹھ ظہور، اکمل ظفر، منظور انقلابی، قاضی محمودالرحمن، راجا وقار، حاجی اقبال وغیرہ شامل تھے۔
مزید پڑھیں: آزاد کشمیر حکومت اور عوامی جوائنٹ ایکشن کمیٹی کے مذاکرات کیوں ناکام ہوئے؟
سابق وزیرِ حکومت شمیم علی ملک نے اپنے جذباتی خطاب میں کہا کہ ان کے خاندان نے اس ریاست کے لیے قربانیاں دی ہیں اور وہ الحاقِ پاکستان کے حامی ہیں۔ انہوں نے نوجوانوں سے اپیل کی کہ وہ خود مختاری کے بجائے قانون سازی کے ذریعے اپنا مؤقف اسمبلی میں لے کر آئیں اور ریاست کے سابق وزرا کے خلاف نازیبا زبان کو ہرگز قبول نہ کیا جائے۔
اجلاس میں فیصلہ کیا گیا کہ 29 ستمبر کو ہونے والا امن مارچ اور دکانوں کا کھلا رہنا پرامن طور پر یقینی بنایا جائے گا اور کسی بھی اشتعال انگیزی یا زبردستی کو برداشت نہیں کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
29 ستمبر آل جموں و کشمیر مسلم کانفرنس امن مارچ ثاقب مجید راجا جوائنٹ ایکشن کمیٹی.
ذریعہ
ذریعہ: WE News
کلیدی لفظ: آل جموں و کشمیر مسلم کانفرنس جوائنٹ ایکشن کمیٹی جوائنٹ ایکشن کمیٹی ایکشن کمیٹی کے کیا جائے انہوں نے جائے گا کہا کہ
پڑھیں:
ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور (اُردو پوائنٹ اخبارتازہ ترین - این این آئی۔ 02 جون2026ء) رکن پنجاب اسمبلی ثاقب چدھڑ کے اثاثوں اور انتخابی دستاویزات کی تفصیلات حاصل کرنے کیلئے الیکشن کمیشن میں درخواست دائر کر دی گئی۔یہ درخواست میاں آصف محمود ایڈووکیٹ کی جانب سے جمع کرائی گئی، جس میں ثاقب چدھڑ کے کاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔درخواست میں موقف اختیار کیا گیا ہے کہ ثاقب چدھڑ کے خلاف سپیکر پنجاب اسمبلی کے پاس نااہلی کی درخواست پہلے ہی دائر کی جا چکی ہے لہٰذا ان کی رکنیت برقرار رہنے یا نہ رہنے کے معاملے کی جانچ پڑتال کے لئے انتخابی ریکارڈ کا معائنہ ناگزیر ہے۔درخواست گزار کے مطابق رکن اسمبلی پر ایک خاتون کو مہنگی گاڑیاں، قیمتی تحائف اور جائیداد بطور تحفہ دینے کے الزامات سامنے آئے ہیں، جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ بن چکا ہے۔(جاری ہے)
درخواست میں مزید کہا گیا ہے کہ منتخب نمائندے قانون کے تحت اپنے اثاثے ظاہر کرنے کے پابند ہیں، اس لئے ثاقب چدھڑ، ان کی اہلیہ اور زیر کفالت افراد کے تمام موجودہ اور سابقہ اثاثوں کا ریکارڈ فراہم کیا جائے۔درخواست گزار نے موقف اپنایا کہ شفافیت اور احتساب کے تقاضوں کو پورا کرنے کیلئے متعلقہ انتخابی اور مالی ریکارڈ تک رسائی ضروری ہے، تاکہ حقائق کی بنیاد پر معاملے کا جائزہ لیا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ