بھارتی فوج کے ہاتھوں 6 ماؤ نواز باغی ہلاک
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی (انٹرنیشنل ڈیسک) بھارتی فوج نے ماؤ نواز گوریلوں کے خلاف کارروائی کرتے ہوئے 6 جنگجوؤں کو ہلاک کر دیا ۔ یہ کارروائی ان گوریلوں کے کئی ہفتے پہلے کیے گئے اس اعلان کے بعد سامنے آئی ہے جس میں ماؤ نواز گوریلوں نے کئی دہائیوں پر پھیلی اپنی مسلح جدوجہد کو روکنے کا اعلان کیا تھا۔ بھارت نے ان ماؤ نوازوں کے خلاف بھرپور جارحانہ مہم کا اعلان ماہ مارچ میں کیا تھا تاکہ ان کا صفایا کر سکے۔ تازہ ترین کارروائی بھارتی سیکورٹی فورسز نے چھتیس گڑھ کے علاقے بیجاپور میں کی ہے۔ حکام کا کہنا ہے کہ باغیوں کے ساتھ ہونے والی شدید جھڑپ کے بعد ہم نے جنگل سے لاشیں نکال لی ہیں۔ سیکورٹی فورسز نے پولیس کی مدد سے مشترکہ آپریشن شروع کیا اور 6 باغیوں کو ہلاک کیا، جبکہ بھاری مقدار میں اسلحہ بھی قبضے میں لے لیا ہے۔پولیس کے مطابق باغیوں کے سینئر کمانڈر مارے گئے ہیں، تاہم انہوں نے اس کی تفصیل نہیں دی ہے۔یاد رہے کہ تقریباً 2ماہ پہلے ماؤ نواز باغیوں نے اپنی مسلح کارروائیوں کو معطل کرنے کا اعلان کیا تھا اور پیشکش کی تھی کہ وہ حکومت کے ساتھ مذاکرات کرنے کو تیار ہیں۔ بھارتی وزیر داخلہ امیت شا نے جواب دیتے ہوئے کہا تھا جو بھی ہتھیار ڈالنا چاہے ہم اس کا خیر مقدم کریں گے اور جو بندوق نہیں چھوڑنا چاہے ہم اس کا مقابلہ کریں گے۔ 1967 ء سے بھارتی دیہاتوں میں جاگیرداروں کے خلاف شروع ہونے والی اس ماؤ نواز تحریک سے وابستہ اب تک 12 ہزار افراد کو ہلاک کیا جا چکا ہے۔
ذریعہ: Jasarat News
پڑھیں:
سوڈانی فوج کے دارفور میں باغی فورسز پر حملے
data-id="863a0a8" data-element_type="widget" data-widget_type="theme-post-content.default">
خرطوم (انٹرنیشنل ڈیسک) سوڈانی فوج نے جنوبی دارفور کے شہر نیالا کے ہوائی اڈے پر فضائی حملے کیے۔ شمالی کردفان کے شہر الابیض میں بھی فوج نے تعیناتی کی کارروائیاں انجام دیں اور ریپڈ سپورٹ فورسز کے حملوں کا مقابلہ کیا۔ دوسری جانب دارفور میں حکومت کے میڈیا ذمے دار عقاد بن کونی نے اس خبر کی تردید کی کہ ریپڈ سپورٹ فورسز نے شمالی کردفان کے شہر الابیض پر قبضہ کر لیا ہے۔ ان کا کہنا تھا کہ فوج الابیض اور اس کے گردونواح میں تعینات ہے اور کسی بھی حملے کا بھرپور جواب دے رہی ہے۔ دارفور کی حکومت کے اطلاعاتی افسر کے مطابق ریپڈ سپورٹ فورسز نے الفاشر شہر میں شہریوں کا محاصرہ کر رکھا ہے، انہیں شہر سے طویلہ کی سمت فرار ہونے سے روک رہی ہیں اور انسانی تنظیموں کو بے گھر افراد تک امداد پہنچانے سے بھی منع کر رہی ہیں۔ اس سے قبل اتوار کے روز سوڈانی فوج نے مغربی کردفان کے شہر بابنوسہ میں ریپڈ سپورٹ فورسز کے حملوں کا سامنا کیا۔ عینی شاہدین نے بتایا کہ ریپڈ سپورٹ فورسز نے شہر پر توپ خانے سے گولہ باری کی اور جنگی گاڑیوں کے ذریعے حملہ کیا، تاہم فوج نے ان حملوں کو پسپا کر دیا۔ سوڈانی فوج کے اہل کاروں نے سوشل میڈیا پر وڈیوز بھی جاری کیں جن میں انھوں نے دعویٰ کیا کہ ریپڈ سپورٹ فورسز کو پسپا کر دیا گیا ہے اور بابنوسہ کے گردونواح کے علاقوں کو کلیئر کیا جا رہا ہے۔ اس حوالے سے ایک امدادی کمیٹی نے اپنے بیان میں کہا کہ فوج نے ریپڈ سپورٹ فورسز کے اس حملے کو ناکام بنایا جو مسلح افواج کی 22 ویں بریگیڈ پر کیا گیا تھا، تاہم حملے کے نتائج کے بارے میں مزید تفصیلات نہیں بتائیں۔ کمیٹی نے واضح کیا کہ فوج گزشتہ 22 ماہ سے شہر میں ریپڈ سپورٹ فورسز کے حملوں کا مقابلہ کر رہی ہے۔بیان کے مطابق شہر اب مکمل طور پر خالی ہو چکا ہے۔ واضح رہے کہ فوج اور ریپڈ سپورٹ فورسز کے درمیان جنوری 2024 ء سے جاری جھڑپوں کے نتیجے میں تقریباً ایک لاکھ 77 ہزار افراد نقل مکانی کر چکے ہیں۔ ہفتے کے روز مغربی کردفان میں ریپڈ سپورٹ فورسز نے اعلان کیا تھا کہ وہ بابنوسہ میں لڑائی کے لیے تیار ہیں۔ مزید یہ کہ وہ شہر پر قبضہ کریں گی اور فوج کو شکست دیں گی۔
عمرہ پر جانے سے روکنے کا معاملہ، شیخ رشید نے توہین عدالت کی درخواست دائر کر دی