ملتان، جنوبی پنجاب کی سب سے بڑی تعلیمی درسگاہ میں ایک اور جنسی اسکینڈل سامنے آگیا
اشاعت کی تاریخ: 30th, September 2025 GMT
دوسری جانب خاتون اسسٹنٹ پروفیسر کی مدعیت میں مقدمہ درج کرلیا گیا ہے، جامعہ زکریا فاریسٹری ڈیپارٹمنٹ کے ہیڈ پروفیسر احسان قادر کے خلاف تھانہ ڈی ایچ اے ملتان میں دفعہ 376 تعزیراتِ پاکستان کے تحت زنا بالجبر (ریپ) کی ایف آئی آردرج کر لی گئی ہے۔ اسلام ٹائمز۔ جنوبی پنجاب کی سب سے بڑی درسگاہ میں ایک اور جنسی اسکینڈل سامنے آگیا، بہاالدین زکریا یونیورسٹی میں ہراسگی کیس پر فوری کارروائی، اسسٹنٹ پروفیسر ڈاکٹر شازیہ افضل نے اپنے ہی شعبے کے چیئرمین پروفیسر ڈاکٹر احسان قادر کے خلاف ریپ، جسمانی تشدد، ہراسانی اور سنگین دھمکیوں کی شکایت جمع کروائی، یونیورسٹی انتظامیہ نے معاملے کی سنگینی کو دیکھتے ہوئے فوری ایکشن لیتے ہوئے پروفیسر احسان قادر کو چیئرمین کے عہدے سے ہٹا کر فوری طور پر معطل کر دیا ہے۔ نوٹیفکیشن 30 ستمبر 2025 کو جاری کیا گیا۔ مزید انکوائری جاری ہے۔ دوسری جانب خاتون اسسٹنٹ پروفیسر کی مدعیت میں مقدمہ درج کرلیا گیا ہے، جامعہ زکریا فاریسٹری ڈیپارٹمنٹ کے ہیڈ پروفیسر احسان قادر کے خلاف تھانہ ڈی ایچ اے ملتان میں دفعہ 376 تعزیراتِ پاکستان کے تحت زنا بالجبر (ریپ) کی ایف آئی آردرج کر لی گئی ہے۔
.
ذریعہ
ذریعہ: Islam Times
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
پاکستان نے ورلڈ کپ 2028 کیلیے براہ راست کوالیفائی کر لیا