آصف رائس ملز نے 58 ارب روپے چاول کی برآمد پر گولڈ میڈل اورٹرافی حاصل کرلی
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) پاکستان کی سب سے بڑی زرعی برآمدی کمپنی آصف رائس ملز کے ڈائریکٹر کاشف شیخ نے گولڈ میڈل اور ڈائریکٹرعزیر شیخ نے بہترین ایکسپورٹ ایوارڈ حاصل کرلیا۔ پاکستان کی سب سے بڑی زرعی برآمدی کمپنی آصف رائس ملز گزشتہ دو دہائیوں سے عالمی فوڈ ٹریڈ میں قیادت کر رہی ہے۔ کمپنی نے مالی سال 2024-25میں ایک تاریخی سنگِ میل عبور کیا کہ جب اس نے 58 ارب روپے کی مجموعی برآمدات کے ساتھ پاکستان کی نمبر ون برآمدی کمپنی ہونے کا اعزاز حاصل کیا۔دنیا کے63 سے زائد ممالک میں مضبوط موجودگی کے ساتھ، آصف رائس ملز بین الاقوامی منڈیوں کو اعلیٰ معیار کا چاول، مکئی، اور تل فراہم کرنے پر فخر محسوس کرتی ہے۔اس کی شاندار کارکردگی کے اعتراف میں رائس ایکسپورٹرز ایسوسی ایشن آف پاکستان (ریپ) کی 17ویں رائس ایکسپورٹ ایوارڈ تقریب میں آصف رائس ملزنے سب سے بڑے نان باسمتی چاول برآمد کنندہ کا گولڈ میڈل اور ٹرافی چیئرمین سینیٹ سید یوسف رضا گیلانی سے(قائم مقام صدرِ پاکستان کی حیثیت سے) وصول کی۔ایوارڈ تقریب میں کے چیئرمین فیصل جہانگیر،وائس چیئرمین جاوید جیلانی، عبدالرحیم جانو ،رفیق سلیمان،سابق وزیراعظم محمدمیاں سومرو،علی حسام اصغر اوردیگر رائس ایکسپورٹرز بھی موجود ہی تھے۔
ذریعہ
ذریعہ: Jasarat News
کلیدی لفظ: پاکستان کی
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا