آئی ایم ایف نے نیشنل فنانس کمشن پر پیش رفت رپورٹ مانگ لی
اشاعت کی تاریخ: 1st, October 2025 GMT
اسلام آباد (نوائے وقت رپورٹ+ آئی این پی) پاکستان اور آئی ایم ایف کے درمیان اقتصادی جائزہ مذاکرات ہوئے۔ ذرائع کے مطابق آئی ایم ایف نے نیشنل فنانس کمیشن سے متعلق پیش رفت رپورٹ مانگ لی۔ آئی ایم ایف کو صوبوں کی مشاورت سے جلد این ایف سی اجلاس بلانے کی یقین دہانی کرائی گئی۔ مذاکرات میں مرکز و صوبوں کے وسائل کی تقسیم اہم نکتہ قرار دیا گیا۔ آئی ایم ایف نے صحت‘ تعلیم کے بجٹ میں کمی سے بچنے کے اقدامات‘ لیبر فورس‘ ہاؤس ہولڈ اور پی ایس ایل ایم سروے مکمل کرنے پر زور دیا۔ آئی ایم ایف کو مالی سال 2025ء کے ترقیاتی اخراجات اور 2026ء کے فریم ورک پر بریفنگ دی گئی۔ آئی ایم ایف کی جانب سے ٹریڈ بیسڈ منی لانڈرنگ اور رسک پر مبنی نگرانی پر سوالات اٹھائے گئے۔ آئی ایم ایف کو ای پیڈز پروکیورمنٹ سسٹم اور بیرونی آڈٹ رپورٹس پر بریفنگ دی گئی۔ مذاکرات میں بینی فشل اونرشپ رجسٹری‘ نان فنانشل پروفیشنز کی نگرانی کا معاملہ زیربحث آیا۔ ذرائع کے مطابق وفاقی حکومت نے ملک بھر کے سیلاب متاثرین کیلئے 389 ارب روپے کے ریلیف پیکیج کی تیاری مکمل کر لی۔ وفاقی بجٹ میں مختص 389 ارب روپے کے ایمرجنسی فنڈز کی رقم سے وزیراعظم پیکج متعارف کرایا جائے گا۔ ذرائع نے بتایا کہ وفاقی حکومت آئی ایم ایف کو سیلاب متاثرین کی بحالی کیلئے وزیراعظم پیکیج دینے کی درخواست کرے گی۔ آئی ایم ایف نے سیلاب کے باعث نقصانات پر بنیادی ضروریات کے تخمینے کی رپورٹ مانگ لی ہے۔ آئی ایم ایف کے ساتھ مذاکرات کے پانچویں روز این ایف سی اور سیلاب کے باعث نقصانات پر سیشنز ہوئے۔ وزارت خزانہ، سندھ، کے پی کے اور بلوچستان کے ساتھ بھی مذاکرات ہوئے۔
.ذریعہ: Nawaiwaqt
کلیدی لفظ: ئی ایم ایف کو ئی ایم ایف نے ا ئی ایم ایف آئی ایم ایف
پڑھیں:
امن مذاکرات کی بحالی کیلئے یوکرینی صدر کَل ترکیہ کے دورے پر روانہ ہونگے
یوکرینی صدر نے کَل (بُدھ) کو ترکیہ کے دورے پر روانہ ہونے کا اعلان کیا ہے۔
میڈیا رپورٹس کے مطابق یوکرین کے صدر ولادیمیر زیلنسکی بدھ (کَل) ترکیہ کا دورہ کریں گے جس کا مقصد روس کے ساتھ امن مذاکرات کو بحال کرنا ہے۔
یوکرینی صدر زیلنسکی نے سوشل میڈیا پوسٹ میں کہا کہ وہ کَل ترکیہ کے دورے پر روانہ ہونگے جہاں روس کے ساتھ امن مذاکرات کی بحالی کے علاوہ جنگی قیدیوں کے تبادلے کی بحالی پر بھی بات ہوگی۔
زیلنسکی نے کہا کہ وہ چاہتے ہیں کہ ترکیہ کے دورے میں امن مذاکرات کو "دوبارہ متحرک" کرنے اور روس کے ساتھ جنگی قیدیوں کے تبادلے کو بحال کیا جائے۔
زیلنسکی نے سوشل میڈیا پر مزید کہا ہم مذاکرات کو پھر سے متحرک کرنے کی تیاری کر رہے ہیں، اور ہم نے ایسے حل تیار کیے ہیں جو ہم اپنے شراکت داروں کے سامنے پیش کرنا چاہتے ہیں۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد