موٹے افسران فوج سے فارغ کردیے جائیں گے، امریکی وزیرِ جنگ کا اعلان
اشاعت کی تاریخ: 1st, October 2025 GMT
امریکی وزیرِ جنگ پیٹ ہیگستھ نے اعلیٰ فوجی قیادت کے اجلاس میں اعلان کیا ہے کہ امریکی فوج میں سخت جسمانی معیار نافذ کیے جائیں گے اور فٹنس پر پورا نہ اترنے والے افسران کو فارغ کر دیا جائے گا۔
انہوں نے کہا کہ ’موٹے جرنیلوں اور ایڈمرلز‘ کے لیے فوج میں کوئی جگہ نہیں۔
امریکی وزیرِ جنگ نے بتایا کہ نئے معیار کے تحت فوجی اہلکاروں کو سال میں 2 بار جسمانی فٹنس ٹیسٹ اور باڈی فیٹ پیمائش سے گزرنا ہوگا۔
پیٹ ہیگستھ جنگی شعبوں میں تعینات فوجیوں کو مردانہ معیار پر مبنی سخت ٹیسٹ دینا پڑیں گے۔ اس کے علاوہ فوجیوں کے لیے داڑھی منڈوانے اور بال چھوٹے رکھنے کی ہدایت بھی دی گئی ہے۔
انہوں نے ’ووک‘ پالیسیوں کو فوج کی کمزوری قرار دیتے ہوئے کہا کہ فوج کو سخت گیر اور جنگ کے لیے تیار بنانے کے لیے پرانی نرمی ختم کی جا رہی ہے۔
ان کا کہنا تھا کہ جو افسران اس اصلاحاتی پروگرام سے متفق نہیں، انہیں خود مستعفی ہو جانا چاہیے۔
پیٹ ہیگستھ کے ان اقدامات کو ڈیموکریٹ رہنماؤں نے شدید تنقید کا نشانہ بنایا، کانگریس مین گریگوری میکس نے کہا کہ وزیرِ جنگ فوج کو ’ثقافتی جنگ‘ میں جھونکنے کی کوشش کر رہے ہیں۔
’ان کے بیانات سے ان کی نااہلی اور غیرسنجیدگی ظاہر ہوتی ہے۔‘
ماہرین کے مطابق، فٹنس پر زور اگرچہ فوج کے لیے مثبت ہو سکتا ہے، مگر ’ووک پالیسیوں‘ کو نشانہ بنانا سیاسی ایجنڈا معلوم ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پیٹ ہیگستھ ثقافتی جنگ ڈٰیموکریٹ فٹنس کانگریس مین گریگوری میکس وزیر جنگ.
ذریعہ
ذریعہ: WE News
کلیدی لفظ: امریکا پیٹ ہیگستھ ثقافتی جنگ ڈ یموکریٹ فٹنس کانگریس مین کے لیے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا