امریکہ کا چین اور شمالی کوریا کے قریب ڈرون یونٹ مستقر کرنیکا فیصلہ
اشاعت کی تاریخ: 1st, October 2025 GMT
مبصرین کے مطابق جنوبی کوریا میں واقع ایک ڈرون یونٹ کا فعال ہونا، پینٹاگون کے خطے میں ڈرون آپریشنز کی توسیع ہے، جہاں ایئر فورس، میرین کور اور نیوی ڈرون جاپان میں تعینات ہیں تاکہ مسلسل انٹیلی جنس جمع کرنے کی صلاحیتیں فراہم کی جا سکیں۔ اسلام ٹائمز۔ امریکی فضائیہ جزیرہ نما کوریا اور چین کے قریب مستقل طور پر ایک ڈرون یونٹ تعینات کر رہی ہے، اس طرح بحر ہند-بحرالکاہل کے علاقے میں بڑھتی ہوئی فوجی کشیدگی کوجنگ عظیم کے دور کے سکواڈرن تعینات کر کے ہوا دی جارہی ہے۔ نیوز ویک نے رپورٹ کیا ہےکہ امریکہ نے جنوبی کوریا میں MQ-9 ڈرونز کا ایک سکواڈرن تعینات کر کے شمالی کوریا کے خلاف مشرقی ایشیا میں اپنی فوجی موجودگی میں اضافہ کیا ہے۔اسی طرح امریکی فوج نے اپنے کچھ فوجی سازوسامان بشمول اپ گریڈ شدہ F-16 اور F-35 اسٹیلتھ فائٹرز کو جنوبی کوریا اور جاپان میں تعینات کیا ہے۔
مبصرین کے مطابق جنوبی کوریا میں واقع ایک ڈرون یونٹ کا فعال ہونا، پینٹاگون کے خطے میں ڈرون آپریشنز کی توسیع ہے، جہاں ایئر فورس، میرین کور اور نیوی ڈرون جاپان میں تعینات ہیں تاکہ مسلسل انٹیلی جنس جمع کرنے کی صلاحیتیں فراہم کی جا سکیں۔ دریں اثنا، شمالی کوریا اپنی روایتی فوجی طاقت کو تقویت دینے کے لیے ایسے ڈرون تیار کر رہا ہے جو امریکی ڈرونز کی طرح نظر آتے ہیں۔ شمالی کوریا کے رہنما کم جونگ ان نے حال ہی میں ڈرون ٹیسٹ کی تقریب میں شرکت کی اور اس منصوبے کی ترقی کی تعریف کی۔ سی این این نے اس خبر پر تبصرے میں کہا ہے کہ ڈرون یونٹ کا نام، سکواڈرن 431، دوسری جنگ عظیم کی نشانی ہے۔
1943 میں اسکواڈرن 431 کو آسٹریلیا میں فعال کیا گیا تھا اور بحرالکاہل کے وارتھیٹر میں امریکی بمباروں کو بچانے کے لیے طویل فاصلے کے P-38 لائٹننگ فائٹرزاڑائے گئے تھے۔ 2,575 کلومیٹر سے زیادہ کی توسیعی رینج اور فضائی ایندھن کے ساتھ لامحدود پرواز کرنے کی صلاحیت کے ساتھ، MQ-9 ڈرون، جو گنسن ایئر بیس پر موجود ہیں، خطے میں امریکی افواج کی جانب سے ایک اہم دھمکی ہیں۔ ڈرونز کی رینج نہ صرف شمالی کوریا بلکہ مشرقی بحیرہ چین اور تائیوان کو بھی محیط ہے۔ چین گانسان سے صرف 400 کلومیٹر کے فاصلے پر ہے اور بحیرہ بوہائی، جہاں چینی بحریہ اکثر مشقیں کرتی رہتی ہے، امریکی فضائی اڈے سے تقریباً 950 کلومیٹر کے فاصلے پر ہے۔
ذریعہ
ذریعہ: Islam Times
کلیدی لفظ: جنوبی کوریا شمالی کوریا ڈرون یونٹ
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ