دنانیر مبین اور احد رضا میر کا رومانوی فوٹوشوٹ مداحوں کو بھا گیا
اشاعت کی تاریخ: 2nd, October 2025 GMT
پاکستانی اداکارہ دنانیر مبین اور احد رضا میر نے حال ہی میں بریڈل ڈیزائنر ماہا وجاہت کے نئے کلیکشن داستان کے لیے ایک شاندار رومانوی فوٹو شوٹ کروایا ہے جس نے مداحوں کی توجہ اپنی جانب مبذول کرلی۔
یہ بھی پڑھیں: دنانیر مبین اور احد رضا میر کی بڑھتی ہوئی قربتیں، آخر چکر کیا ہے؟
دونوں فنکار،جنہوں نے اپنے مقبول ڈرامے میم سے محبت میں شاندار آن اسکرین کیمسٹری کے ذریعے شہرت حاصل کی، فوٹوگرافر مایا کے کیمرے کی آنکھ سے قیمتی لمحات میں قید کیے گئے۔
فوٹو شوٹ میں دانانیر مبین سیاہ فلور لینتھ انارکلی پہنے نظر آئیں جس پر سنہری نفیس کڑھائی کی گئی تھی، جبکہ احد رضا میر نے ہم آہنگی کے ساتھ سیاہ شیروانی زیب تن کی جس میں باریک کڑھائی اور ہلکی سی سجاوٹ شامل تھی۔
دونوں کے انداز نے نفاست اور خوبصورتی کو مزید اجاگر کیا۔
یہ بھی پڑھیں: دنانیر مبین شوبز انڈسٹری میں دوستیاں بڑھانے کی قائل کیوں نہیں؟
اداکاروں کے پس منظر پر نظر ڈالی جائے تو احد رضا میر نے یقین کا سفر، عہد وفا اور یہ دل میرا جیسے ڈراموں میں اپنی فنکارانہ صلاحیتوں کا لوہا منوایا ہے، جبکہ دنانیر مبین صنفِ آہن اور محبت گمشدہ میری میں اپنی جاندار اداکاری سے مداحوں کے دل جیت چکی ہیں۔
یہ فوٹو شوٹ ماہا وجاہت کے بریڈل لائن کی تشہیر کا حصہ ہے جو لازوال رومانس اور کلاسک خوبصورتی کو اجاگر کرتا ہے۔ اس شوٹ کے بعد مداحوں میں دونوں فنکاروں کی جوڑی کو ایک بار پھر سراہنے کا سلسلہ شروع ہو گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news احد رضا میر دنانیر مبین فوٹو شوٹ.ذریعہ: WE News
پڑھیں:
ٹیکنالوجی کے دو بے تاج بادشاہ آمنے سامنے؛ ایلون مسک اور جیف بیزوس کی نوک جھونک
ٹیکنالوجی کی دنیا میں اس وقت جس چیز کا سب سے زیادہ چرچا ہے وہ کوئی نئی ایجاد نہیں بلکہ مسابقت، اختلافات اور نوک جھونک ہے۔
دنیا کے امیر ترین شخصیات کی فہرست میں شامل ٹیکنالوجی کے بادشاہوں ایلون مسک اور جیف بیزوس سے کون واقف نہیں۔
دونوں کے درمیان کاروباری مقابلے بازی اور امیر ترین شخصیات میں اپنا رینک بڑھانے کے لیے پنجہ آزمائی ہوتی رہتی ہے۔
یہ لفظی گولہ باری اُس وقت مزید شدت اختیار کرگئی جب جیف بیزوس نے اپنے آرٹی فیشل انٹیلی جنس پلیٹ فارم ’پروجیکٹ پرو میتھیئس‘ کا سوشل میڈیا پر اعلان کیا۔
ایلون مسک جیسے جیف بیزوس کی اسی سوشل میڈیا پوسٹ کی تاک میں بیٹھے تھے فوراً ہی پوسٹ پر جواب دے ڈالا۔
ایلون مسک نے جیف بیزوس کی پوسٹ کو شیئر کرتے ہوئے طنزاً کیپشن لکھا کاپی اور ساتھ ہی ایک بلی کی ایموجی بھی ڈالی۔
یعنی ایلون مسک نے اپنے کاروباری حریف جیف بیزوس کو ’کاپی کیٹ‘ قرار دینے کی کوشش کی ہے اور وہ ایسا پہلے بھی کئی بار کر چکے ہیں۔
حال ہی میں جیف بیزوس کی کمپنی ایمازون نے انٹرنیٹ بیمنگ سیٹلائٹ منصوبہ بھی شروع کیا اور ساتھ ہی بغیر ڈرائیور کے چلنے والی گاڑیوں کی کمپنی زوکس بھی خریدی۔
خیال رہے کہ ان دونوں ہی شعبوں میں ایلون مسک پہلے سے کامیاب بزنس کر رہے ہیں اور جیف بیزوس کو ایسا کرنے پر چربہ ساز کہہ دیا تھا۔
دوسری جانب جیب بیزوس ہمیشہ ہی ایلون مسک کی تنقید کو مسترد کرتے ہوئے یہ مؤقف اختیار کرتے آئے ہیں کہ کاروبار کسی کی میراث نہیں۔
جیف بیزوس نے ایک بار یہ بھی کہا تھا کہ میں جو انقلاب لایا ہوں اس کا ’’سطحی ذہن‘‘ رکھنے والے سوچ بھی نہیں سکتے تھے۔
اگر ان دونوں شخصیات کے درمیان مقابلہ صحت مندانہ اور مسابقت مثبت ہو تو صارفین کو ہوش اُڑا دینے والی نئی ٹیکنالوجی کا تحفہ مل سکتا ہے۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد