پنجاب میں پہلی بار شتر مرغ کی افزائش نسل کا آغاز
اشاعت کی تاریخ: 4th, October 2025 GMT
پنجاب میں پہلی بار وزیراعلی مریم نواز شریف کی ہدایات پر جنگلی حیات کے فروغ میں اہم پیش رفت ہوئی ہے جس کے تحت شتر مرغ کی افزائش نسل کا آغاز کردیا گیا ہے۔ تفصیلات کے مطابق پنجاب میں سفاری پارک میں شترمرغ کی افزائش نسل کے جدید مرکز نے کام شروع کر دیا گیا ہے۔ شتر مرغ کی نسل بڑھانے کے لئے انڈوں کی ہیچری میں افزائش نسل کا آغاز کیا گیا ہے۔ شترمرغ کے انڈوں کو الیکٹرک بس کے ذریعے ہیچری میں پہنچایا جاتا ہے۔ پھر شتر مرغ کے انڈوں کو بیماریوں سے پاک کرنے کے لئے سپرے اور صفائی کے عمل سے گزارا جاتا ہے اور پھر انڈوں کا وزن اور دیگر معلومات کا ڈیٹا مرتب کیا جاتا ہے۔ لاہور کے سفاری پارک میں اس آزمائشی منصوبے کے بعد پنجاب شتر مرغ کی پیداوار میں خودکفیل ہو جائے گا۔ پارک میں پروان چڑھنے والے شتر مرغ پنجاب کے دیگر چڑیا گھروں میں بھی بھجوائے جائیں گے۔ وزیراعلی مریم نواز شریف نے لاہور سفاری پارک اور منصوبے میں شریک تمام ٹیم کو شاباشی دی اور کہا کہ پنجاب کی جنگلی حیات کا تحفظ اور فروغ ماحولیاتی توازن بنانے میں سنگ میل ثابت ہوگا۔
.ذریعہ: Nawaiwaqt
پڑھیں:
اسلام آباد، 7 مقامات پرایم ٹیگ لگانےکی سہولت فراہم کر دی گئی
اسلام آباد(نیوزڈیسک)وفاقی دارالحکومت میں سات مقامات پر ایم ٹیگ لگانے کی سہولت فراہم کر دی گئی ، اگلے مرحلے میں ای ٹیگ کے بغیر گاڑی کو اسلام آباد داخل نہیں ہونے دیاجائے گا ۔
گاڑیوں پر شہریوں کے صبح نو بجے سے رات نو بجے تک ایم ٹیگ لگوانے کیلئے کچنار پارک سیکٹر آئی ایٹ، اسلام آباد کلب اور لیک ویو پارک میں پوائنٹس قائم کیے گئے ہیں ، ایف نائن پارک، ترلائی اور چھبیس نمبر چونگی سے بھی شہری ایم ٹیگ لگوا سکیں گے،ایکسائز اینڈ ٹیکسیشن دفتر میں بھی شہریوں کو دوپہر تین بجے سے رات نو بجے تک سہولت میسر رہے گی،ایم ٹیگ کے بغیر کسی گاڑی کو اسلام آباد میں چلنے کی اجازت نہ ہوگی، ضلعی انتظامیہ کے مطابق اگلے مرحلے میں ایم ٹیگ کے بغیر چلنے والی گاڑیوں کے خلاف کارروائی شروع کی جائے گی ۔
شیرشاہ سے انتہائی مطلوب دہشت گرد گرفتار