ثنا جاوید کی طلاق کی افواہیں؛ شعیب ملک کا ردعمل سامنے آگیا
اشاعت کی تاریخ: 4th, October 2025 GMT
سابق کرکٹر شعیب ملک اور معروف اداکارہ ثنا جاوید کو شادی کے بندھن میں بندھے زیادہ عرصہ نہیں ہوا لیکن جوڑے کے درمیان طلاق کی خبریں گردش کرنے لگیں۔
جوڑے کے درمیان طلاق کی چونکا دینے والی خبر کی وجہ دونوں کی سوشل میڈیا پوسٹیں بنیں جن میں دونوں علیحدہ علیحدہ نظر آ رہے ہیں۔
سوشل میڈیا صارفین کے نزدیک حالیہ چند دنوں سے شعیب ملک اور ثنا جاوید کی وہ کیمسٹری بھی نظر آئی جو کبھی اس جوڑے کا خاصہ ہوا کرتی تھی۔
شعیب ملک اور ثنا جاوید کے درمیان اسی پُراسرار خاموشی اور دوری نے افواہوں کو جنم دیا اور سوشل میڈیا پر طرح طرح تُکے لگائے جانے لگے۔
تاہم اب شعیب ملک نے انسٹاگرام پر ایک پوسٹ شیئر کی ہے جس میں وہ اپنی دوسری بیوی ثنا جاوید کے ساتھ کیلی فورنیا میں تعطیلات مناتے دکھائی دے رہے ہیں۔
جوڑی کی یہ دلکش تصاویر اور اس پر شعیب ملک کے معنی خیز کیپشن کہ ان کے ساتھ دن گزارنا ہمیشہ اچھا رہا ہے سے تمام افواہوں دم توڑ گئیں۔
جوڑی کے مداحوں نے اس پوسٹ کی تعریف کی اور دونوں کے لیے نیک تمناؤں کا اظہار بھی کیا۔
یاد رہے کہ شعیب ملک اور ثنا جاوید نے جنوری 2024 میں شادی کی تھی دونوں اس سے قبل شادی شدہ تھے۔
شعیب ملک کی بھارتی ٹینس اسٹار ثانیہ مرزا سے شادی ہوئی تھی جن سے ان کا ایک بیٹا بھی ہے جو اب اپنی ماں کے ساتھ مقیم ہے۔
ثنا جاوید کا بھی 2020 میں گلوکارعمیر جسوال کے ساتھ نکاح ہوا تھا تاہم بعد میں دونوں علیحدہ ہوگئے تھے۔
View this post on InstagramA post shared by Shoaib Malik (@realshoaibmalik)
.ذریعہ: Express News
کلیدی لفظ: شعیب ملک اور ثنا جاوید کے ساتھ
پڑھیں:
بھارتی فلم شعلے کو 50 برس بعد اصل اختتام کے ساتھ سامنے لانے کی تیاری، کب ریلیز ہورہی ہے؟
بھارتی سینما کی تاریخ ساز فلم شعلے ایک بار پھر بڑے پردے پر جلوہ گر ہونے جارہی ہے۔ دھرمیندر اور امیتابھ بچن کی لازوال اداکاری سے مزین اس کلاسک فلم کو 4K ریماسٹرڈ ورژن میں اُس کے اصل اختتام کے ساتھ ریلیز کیا جائے گا، جو ناظرین نے گزشتہ پچاس برسوں میں کبھی نہیں دیکھا۔
فلم کی یہ خصوصی ریلیز اٹلی کے شہر بولونیا میں ہونے والے معروف سینما ریتروویٹو فیسٹیول میں عالمی پریمیئر کے بعد بھارت میں اس کی ’ہوم کمنگ‘ سمجھی جا رہی ہے۔ سپی فلمز کے مطابق ’شعلے دی فائنل کٹ‘ کو ملک بھر کے سنیما گھروں میں 12 دسمبر 2025 کو پیش کیا جائے گا، جو فلم کے 50 برس مکمل ہونے کے موقع پر ایک یادگار تقریب ہوگی۔
یہ بھی پڑھیں: فلم ’شعلے‘: دھرمیندر اور ہیما مالنی کی شاندار اداکاری کے پیچھے کیا تھا، بالی ووڈ کی نامور اداکارہ کے انکشافات
ریلیز کی تاریخ دھرمیندر کی 90ویں سالگرہ کے صرف چار دن بعد مقرر کی گئی ہے، جس نے مداحوں کے جوش و خروش میں مزید اضافہ کر دیا ہے۔ دھرمیندر حال ہی میں سانس کی تکلیف کے باعث زیرِ علاج رہے ہیں، اور شائقین اس موقع کو اُن کی طویل فنی خدمات کو خراجِ تحسین قرار دے رہے ہیں۔
سپی فلمز نے سوشل میڈیا پر فلم کا نیا پوسٹر بھی جاری کیا ہے، جس میں ریماسٹرڈ ورژن کی ریلیز کا اعلان شامل ہے۔ فلمی حلقوں کے مطابق شائقین اس تاریخی فلم کو دوبارہ بڑے پردے پر دیکھنے کے لیے بے صبری سے منتظر ہیں۔
یہ بھی پڑھیں: فلم ’شعلے‘ کی گولڈن جوبلی: فلم کے وہ چھوٹے کردار جو امر ہو گئے؟
1975 میں ریلیز ہونے والی شعلے کے سینما ورژن میں دکھایا گیا تھا کہ سابق پولیس افسر ٹھاکر بلدیوسنگھ (سنجیو کمار) ڈاکو گبر سنگھ (امجد خان) کو زخمی کرنے کے بجائے پولیس کے حوالے کر دیتے ہیں۔ تاہم فلم کے اصل ورژن میں ٹھاکر، گبر کو ایک بلندی سے نیچے دھکیل دیتے ہیں جس کے نتیجے میں وہ ایک بڑے کیل پر گر کر ہلاک ہو جاتا ہے۔
فلم کو سینٹرل بورڈ آف فلم سرٹیفیکیشن (CBFC) کے پاس بھیجے جانے پر اس انجام کو انتہائی تشدد آمیز قرار دیتے ہوئے تبدیلی کی تجویز دی گئی۔ فلم ساز اگرچہ اس فیصلے سے متفق نہیں تھے، تاہم بالآخر سینسر بورڈ کے اعتراض پر اختتام دوبارہ فلمایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن شعلے ؎بالی ووڈ فلم شعلے فلم شعلے ری ریلیز
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن