جھوٹی اور گمراہ معلومات کے سدباب کےلئے میڈیا میٹرز فارڈیموکریسی کا’’ ڈس انفو‘‘ پروجیکٹ کا آغاز
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)میڈیا میٹرز فار ڈیموکریسی (MMfD) نے “پروجیکٹ ڈِس اِنفو” کا آغاز کیا ہے، جس کا مقصد نیوزرومز کو جھوٹی اور گمراہ کن معلومات (Disinformation) کے بڑھتے ہوئے خطرات سے محفوظ اور مؤثر بنانا ہے۔
تیزی سے پھیلنے والے گمراہ کن مواد کے اس دور میں، جب غلط خبریں بغیر تصدیق کے عوام تک پہنچ جاتی ہیں، “پروجیکٹ ڈِس اِنفو” نیوزرومز کے لیے ایک جامع اور عملی حکمتِ عملی پیش کرتا ہے تاکہ وہ اس چیلنج کا بہتر طور پر مقابلہ کر سکیں اور معلومات کی درستگی کو یقینی بنائیں۔
میڈیا میٹرز فار ڈیموکریسی گزشتہ ایک دہائی سے صحافیوں کی تربیت، ویریفکیشن ٹول کٹس، فیکٹ چیکنگ ٹیکنالوجیز (جیسے “فیکٹر”) اور پالیسی ریسرچ کے ذریعے میڈیا کے معیار کو بہتر بنانے کے لیے سرگرم ہے۔ تاہم، تنظیم کا کہنا ہے کہ جھوٹی معلومات کے پھیلاؤ میں تیزی اور پیچیدگی کے باعث اب صرف انفرادی مہارتیں کافی نہیں رہیں۔
اسی تناظر میں “پروجیکٹ ڈِس اِنفو” ادارہ جاتی سطح پر ایسے طریقۂ کار متعارف کرانے کی تجویز دیتا ہے جو نیوزرومز میں ویریفکیشن، ادارتی خودمختاری اور شفافیت کو روزمرہ کے کاموں کا مستقل حصہ بنا دیں۔
میڈیا میٹرز کے ایگزیکٹو ڈائریکٹر اسد بیگ کے مطابق پروجیکٹ ڈِس اِنفو کا مقصد وقتی ردعمل کے بجائے ادارہ جاتی پائیدار تحفظ قائم کرنا ہے۔ ہم چاہتے ہیں کہ نیوزرومز اپنی ساکھ بحال کریں اور صحافت پر عوام کا اعتماد دوبارہ قائم ہو۔یہ منصوبہ پاکستان کے میڈیا ماحول کو مدنظر رکھتے ہوئے تیار کیا گیا ہے، تاہم اس کے تجویز کردہ ادارتی معیارات جنوبی ایشیا سمیت دیگر خطوں میں بھی قابلِ عمل ہیں جہاں جھوٹی معلومات تیزی سے بڑھتا ہوا مسئلہ بن چکی ہیں۔ا
ذریعہ
ذریعہ: Jasarat News
کلیدی لفظ: پروجیکٹ ڈ س ا نفو میڈیا میٹرز
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ