امریکی لڑکی کا انوکھا کارنامہ، جوکر سے متعلقہ 2318 اشیاء جمع کر کے گینیز ورلڈ ریکارڈ قائم
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
امریکہ کی ریاست انڈیانا کے شہر بلومنگٹن سے تعلق رکھنے والی 22 سالہ میگن پیئرس نے مشہور کامک کردار بیٹ مین کے ولن “جوکر سے وابستہ 2318 اشیاء اکٹھی کر کے دنیا بھر میں منفرد پہچان حاصل کر لی ہے۔ گینیز ورلڈ ریکارڈ کے مطابق، وہ اب دنیا کی سب سے بڑی “جوکر کلیکشن” کی مالک قرار دی گئی ہیں۔
گینیز ورلڈ ریکارڈ سے گفتگو کرتے ہوئے میگن پیئرس کا کہنا ہے کہ انہوں نے یہ اشیاء مڈل اسکول کے زمانے میں جمع کرنا شروع کیں اور وقت گزرنے کے ساتھ یہ دلچسپی جنون میں بدل گئی۔ ان کی کلیکشن میں جوکر کے ایکشن فیگرز، کامکس، رولر بلیڈز، اسکیٹ بورڈز، اور 1966 کے “ملک کیپس تک شامل ہیں، جنہیں انہوں نے برسوں میں بڑی محنت اور شوق سے جمع کیا۔
میگن نے بتایا کہ وہ کووڈ-19 کی وبا کے دوران اپنی اس کلیکشن کے بارے میں سوشل میڈیا پر پوسٹس شیئر کرنے لگیں، جس کے بعد دنیا بھر سے لوگوں نے انہیں گینیز ورلڈ ریکارڈ کے لیے کوشش کرنے کی ترغیب دی۔ اسی حوصلہ افزائی کے نتیجے میں انہوں نے 2023 میں باضابطہ طور پر اس ریکارڈ کے حصول کا عمل شروع کیا۔
ریکارڈ کے اندراج کے لیے انہیں اپنی تمام اشیاء کی مکمل فہرست تیار کرنی تھی۔ گینیز کے قواعد کے مطابق ہر شے کا لائسنس ہونا ضروری تھا، جب کہ شمار اور تصدیق کا عمل پانچ ماہرین کی موجودگی میں انجام دیا گیا۔
میگن پیئرس کے مطابق، انہیں ہر شے کی تفصیلی وضاحت اور ایک واضح تصویر فراہم کرنا پڑی۔ ان کا کہنا ہے کہ یہ ایک طویل مگر یادگار تجربہ تھا — “میں نے بچپن میں جس کردار سے لگاؤ محسوس کیا، آج اسی نے مجھے دنیا بھر میں شناخت دی۔”
ان کی اس منفرد کامیابی کو نہ صرف کامک مداحوں بلکہ کلیکٹرز کمیونٹی میں بھی بے حد سراہا جا رہا ہے، اور “جوکر” کے چاہنے والے دنیا بھر میں ان کی اس تخلیقی دیوانگی کو خراجِ تحسین پیش کر رہے ہیں۔
ذریعہ
ذریعہ: Jasarat News
کلیدی لفظ: گینیز ورلڈ ریکارڈ ریکارڈ کے دنیا بھر
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی