بھتہ خوری کی وارداتوں میں اضافہ متعلقہ محکمے کی ناکامی ہے، سنی تحریک
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک) پاکستان سنی تحریک کے مرکزی صدر صاحبزادہ بلال عباس قادری نے کہا ہے کہ شہر میں بھتہ خوری کی بڑھتی ہوئی وارداتیں نہ صرف شہریوں میں شدید بے چینی اور خوف و ہراس پھیلا رہی ہیں بلکہ یہ متعلقہ قانون نافذ کرنے والے اداروں کی ناکامی کا کھلا ثبوت بھی ہیں۔روزانہ کی بنیاد پر تاجروں، دکانداروں اور کاروباری شخصیات کو دھمکی آمیز کالیں موصول ہونا انتہائی تشویشناک ہے اور اس صورتحال نے شہر کی معاشی سرگرمیوں کو بھی بری طرح متاثر کیا ہے۔اگر ریاستی ادارے اپنی ذمہ داریاں صحیح معنوں میں ادا کرتے تو آج شہری جرائم پیشہ عناصر کے رحم و کرم پر نہ ہوتے۔یہ سوال انتہائی اہم ہے کہ شہر میں منظم جرائم پیشہ گروہ کس طرح سرگرم ہیں اور انہیں کون سی قوتیں تحفظ فراہم کر رہی ہیں۔بھتہ خوروں کے خلاف مثر اور نتیجہ خیز کارروائی ناگزیر ہو چکی ہے، ورنہ عوام کا اعتماد ریاستی اداروں سے مکمل طور پر اٹھ جائے گا۔بلال عباس قادری کا مزید کہنا تھا کہ جرائم کی بڑھتی ہوئی شرح اس بات کی غمازی کرتی ہے کہ حکومتی ادارے اپنی ذمہ داریوں سے چشم پوشی کر رہے ہیں۔بھتہ خوری کے شکار شہری حکومتی دفاتر کے چکر کاٹتے رہتے ہیں مگر کوئی شنوائی نہیں ہوتی۔شہر میں فوری طور پر خصوصی آپریشن کرتے ہوئے جرائم پیشہ عناصر کے نیٹ ورک کو توڑا جائے اور انہیں قانون کے کٹہرے میں لایا جائے۔پاکستان سنی تحریک عوام کی جان و مال کے تحفظ کے لیے ہر فورم پر آواز اٹھاتی رہے گی۔انہوں نے متعلقہ محکموں کو خبردار کیا کہ اگر صورتحال میں بہتری نہ آئی تو عوامی احتجاج کا لائحہ عمل بھی اختیار کیا جا سکتا ہے۔شہریوں کی سلامتی،کاروباری طبقے کا تحفظ اور امن و امان کی بحالی حکومت کی اولین ترجیح ہونی چاہیے،ورنہ انتظامی کمزوریاں مزید سنگین نتائج کو جنم دیں گی۔
ذریعہ
ذریعہ: Jasarat News
پڑھیں:
سٹیٹ بینک کے زرمبادلہ ذخائر میں 3 کروڑ 30 لاکھ ڈالر کا اضافہ
سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ اسلام ٹائمز۔ گزشتہ ہفتے کے دوران زرمبادلہ کے ذخائر میں 3 کروڑ 30 لاکھ ڈالر کا اضافہ ریکارڈ کیا گیا۔ سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ مرکزی بینک کے مطابق کمرشل بینکوں کے زرمبادلہ ذخائر میں 3 کروڑ 80 لاکھ ڈالر کی کمی ہوئی، جس کے بعد ان کے ذخائر 5 ارب 41 کروڑ ڈالر رہ گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا