چیئرمین پی سی بی محسن نقوی کا قومی ٹیم کو خراجِ تحسین، سری لنکا کا خصوصی شکریہ
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: چیئرمین پی سی بی محسن نقوی نے قومی ٹیم کو خراج تحسین پیش کرتے ہوئے ساتھ ساتھ سری لنکن ٹیم کا بھی شکریہ ادا کیا ہے۔
پاکستان کرکٹ ٹیم کی جانب سے سری لنکا کے خلاف ون ڈے سیریز میں شاندار کامیابی نے جہاں ملک بھر میں جشن کا ماحول پیدا کیا، وہیں پاکستان کرکٹ بورڈ کے چیئرمین محسن نقوی نے بھی قومی کھلاڑیوں کے لیے خصوصی پیغام جاری کرتے ہوئے ان کی محنت اور کارکردگی کو خراجِ تحسین پیش کیا۔
انہوں نے اپنے بیان میں کہا کہ راولپنڈی میں کھیلی گئی اس سیریز کی جیت نہ صرف پاکستانی کرکٹ کے لیے ایک بڑی خوش خبری ہے بلکہ یہ اس حقیقت کا ثبوت بھی ہے کہ ملک میں امن اور کھیلوں کے مواقع مضبوطی سے فروغ پا رہے ہیں۔
محسن نقوی نے مزید کہا کہ آج کی فتح دوستی اور کرکٹ دونوں کی جیت ہے۔ انہوں نے سری لنکا کی ٹیم کو پاکستان آنے اور سیریز میں بھرپور شرکت پر خلوصِ دل سے شکریہ ادا کرتے ہوئے کہا کہ ’’ویلڈن گرین شرٹس، تھینک یو سری لنکا‘‘۔ انہوں نے کہا کہ اس سیریز کی کامیابی کھیل کے تعلقات کو مزید مضبوط بنانے میں اہم کردار ادا کرے گی، خصوصاً ایسے وقت میں جب دونوں ممالک کے درمیان کرکٹ کی دوستی برسوں پر محیط ہو چکی ہے۔
چیئرمین پی سی بی نے اس کامیابی میں پاکستانی بیٹسمینوں کے کردار کو بھی سراہا اور کہا کہ بابر اعظم، فخر زمان اور محمد رضوان نے ذمہ دارانہ بیٹنگ کرتے ہوئے ٹیم کو نہ صرف دوسری فتح دلائی بلکہ پورے ملک کے شائقین کے دل بھی جیت لیے۔
انہوں نے کہا کہ یہ کامیابی اُن کھلاڑیوں کی محنت، مستقل مزاجی اور ٹیم ورک کا نتیجہ ہے، جس نے پاکستان کو مسلسل دوسری مرتبہ سری لنکا کے خلاف ایک روزہ مقابلے میں سرخرو کیا۔
محسن نقوی نے اپنے پیغام میں سری لنکن کھلاڑیوں اور ٹیم مینجمنٹ کا بھی خصوصی ذکر کیا اور کہا کہ مہمان ٹیم نے پاکستان میں جس جذبے اور پروفیشنل انداز میں کھیل پیش کیا، وہ قابلِ تعریف ہے۔ انہوں نے مزید کہا کہ پاکستانی عوام نے بھی روایتی مہمان نوازی دکھاتے ہوئے سری لنکن اسکواڈ کا والہانہ استقبال کیا اور اسپورٹس مین اسپرٹ کے ساتھ بھرپور سپورٹ کیا، جس کا اعتراف خود مہمان کھلاڑی بھی کرتے نظر آئے۔
چیئرمین پی سی بی کے مطابق اس سیریز کی کامیابی پاکستان میں بین الاقوامی کرکٹ کے مستقل فروغ کی طرف مثبت قدم ثابت ہوگی۔ ان کا کہنا تھا کہ ہم چاہتے ہیں کہ دنیا بھر کی ٹیمیں پاکستان آئیں، یہاں بہترین ماحول میں کرکٹ کا لطف اٹھائیں اور کھیل کے ذریعے محبت اور دوستی کا پیغام پھیلائیں۔
محسن نقوی نے امید ظاہر کی کہ قومی ٹیم آئندہ مقابلوں میں بھی اسی تسلسل کے ساتھ عمدہ کارکردگی دکھائے گی اور ملک کا نام روشن کرتی رہے گی۔ پاکستان کرکٹ ایک نئے دور میں داخل ہو چکی ہے جہاں صلاحیت، محنت اور اعتماد کے امتزاج نے کھیل کی فضا کو مزید بہتر بنا دیا ہے۔
.
ذریعہ
ذریعہ: Jasarat News
کلیدی لفظ: چیئرمین پی سی بی محسن نقوی نے کرتے ہوئے سری لنکا انہوں نے کہا کہ ٹیم کو
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار