پنڈی سٹیڈیم، شائقین کی سری لنکن ٹیم کیلئے بھی زبردست نعرے بازی، ون ڈے سیریز پاکستان کے نام
اشاعت کی تاریخ: 15th, November 2025 GMT
لاہور+اسلام آباد(سپورٹس رپورٹر+اپنے سٹاف رپورٹر سے)دہشتگردی کو شکست ہوگئی ‘ پاکستان نے سری لنکا کو 8 وکٹوں سے شکست دیکر تین میچوں کی ون ڈے سیریز میں 0-2 کی فیصلہ کن برتری حاصل کرلی۔راولپنڈی میں کھیلے گئے میچ میں پاکستان نے 289 رنز کا ہدف 49 ویں اوور میں دو وکٹوں پر حاصل کیا۔ بابر اعظم نے کیریئر کی 28 ویں سنچری سکور کر کے فتح میں کلیدی کردار ادا کیا۔ وہ 102 رنز ناٹ آؤٹ بنا کر نمایاں رہے۔بابر اعظم نے 83 اننگز اور 807 روز بعد انٹرنیشنل میچ میں سنچری سکور کی۔فخر زمان 78 اور صائم ایوب 33 رنز بنا کر پویلین لوٹے۔محمد رضوان 51 رنزپر ناٹ آؤٹ رہے۔ دونوں وکٹیں دشمانتا چمیرا نے حاصل کیں۔پاکستان کی دعوت پر پہلے بیٹنگ کرتے ہوئے سری لنکا نے 8 وکٹوں پر 288 رنز بنائے۔ جنتھ لیاناگے 54 رنز بنا کر نمایاں رہے۔ کمنڈو مینڈس 44، سدیرا سماراوکرما 42، کامل مشارا 27، پتھم نسانکا 24، کوشل مینڈس 20، کپتان چرتھ اسالانکا 6 اور دشمانتا چمیرا صفر پر آؤٹ ہوئے۔ونندو ہسارنگا پرامود مدوشن بالترتیب 37 اور 11 رنز بنا کر ناٹ آؤٹ پویلین لوٹے۔ ابرار احمد اور حارث رؤف نے 3، 3 ‘ محمد وسیم جونیئر نے 1 کھلاڑی کو آؤٹ کیا۔بابر اعظم کو میچ کا بہترن کھلاڑی قرار دیا گیا ۔شائقین کی بڑی تعداد میچ دیکھنے کیلئے پنڈی سٹیڈیم پہنچی ۔ شائقین نے سری لنکن کھلاڑیوں کی حوصلہ افزائی کی اور ان کے حق میں نعرے لگائے ۔ شائقین نے پاکستان زندہ باد کے نعرے لگائے اور خاص طور پر بابر اعظم کی حوصلہ افزائی کیلئے پوسٹرز اٹھا رکھے تھے ۔ شائقین نے سری لنکن جھنڈیاں اٹھائی ہوئی تھیں ۔ سری لنکن ٹیم کے دورہ جاری رکھنے پر شائقین نے خوشی کا اظہار کیا اور مہمان کرکٹرز کو ہیروز قرار دیا۔ دونوں ٹیموں کے درمیان سیریز کا تیسرا میچ کل پنڈی سٹیڈیم میں ہی کھیلا جائیگا۔ وفاقی وزیر اطلاعات و نشریات عطااللہ تارڑنے سری لنکا اور پاکستان کے درمیان ون ڈے سیریز کی اختتامی تقریب میں بحیثیت مہمان خصوصی شرکت کی‘ انہوں نے ون ڈے سیریز جیتنے پر قومی ٹیم کو مبارکباددی اور کہا کہ پاکستانی ٹیم نے شاندار کارکردگی سے پوری قوم کا سر فخر سے بلند کیا ہے۔ فیلڈ مارشل سید عاصم منیر کی قیادت میں پاک فوج نے ملک میں امن و استحکام کے قیام کیلئے بین الاقوامی کھیلوں کی بحالی کی راہ ہموار کی۔چیئرمین پی سی بی محسن نقوی نے سیریز جیتنے پر قومی ٹیم کو مبارکباد دی ۔ آج پر امن پاکستان کیساتھ ہمارے مخلص دوست سری لنکا اور کی جیت ہوئی ہے ۔سری لنکا کی ٹیم اور مینجمنٹ کا شکریہ ادا کرتا ہوں ۔ شائقین نے مہمان ٹیم کو پوری طرح سپورٹ کیا ۔
.
ذریعہ
ذریعہ: Nawaiwaqt
کلیدی لفظ: ون ڈے سیریز سری لنکا
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
ٹی20 ورلڈ کپ 2026: پاکستان نے سپر 8 کے لیے جگہ پکی کر لی