سندھ طاس معاہدہ معطل کرنا خطرناک، فیصلہ واپس لیا جائے: اسحاق ڈار
اشاعت کی تاریخ: 22nd, November 2025 GMT
برسلز (نوائے وقت رپورٹ) نائب وزیراعظم اسحاق ڈار نے برسلز میں یورپی یونین انڈوپیسفک وزارتی فورم سے خطاب میں کہا ہے کہ کچھ شدت پسند عناصر علاقائی امن تباہ کرنا چاہتے ہیں۔ مسئلہ کشمیر کا حل کشمریوں کی امنگوں کے مطابق ہونا چاہئے۔ چیلنجز سے نمٹنے کیلئے باہمی تعاون ضروری ہے۔ مصنوعی ذہانت دنیا کا نقشہ بدل رہی ہے۔ فلسطینی زمینوں پر قبضہ فوری بند ہونا چاہئے۔ اسحاق ڈار نے کہا کہ سندھ طاس معاہدے کو معطل کرنا غیر قانونی اور خطرناک ہے۔ اس فیصلے کو فوری طور پر واپس لینا چاہئے۔ پانی تو تعاون کا ذریعہ ہونا چاہئے۔ سیاسی مقاصد کے لئے ہتھیار کے طور پر استعمال نہ کیا جائے۔ تقسیم اور طاقت کی دوڑ خطے اور دنیا کے لئے خطرہ ہے۔ جنوبی ایشیا میں اس وقت تک دیرپا امن ممکن نہیں جب تک جموں وکشمیر کے عشروں پرانے تنازع کا پرامن حل نہ ہو۔ غزہ میں جاری مظالم بند اور جنگ بندی کی خلاف ورزیاں ختم ہونی چاہئیں۔ فلسطینیوں کی زمین پر قبضہ فوری بند ہونا چاہئے۔ اقوام متحدہ کے اصولوں کی پاسداری پاکستان کی ترجیح ہے۔
اسلام آباد (خبر نگار خصوصی) نائب وزیر اعظم اور وزیر خارجہ سینیٹر محمد اسحاق ڈار نے برسلز میں چوتھے یورپی یونین انڈو پیسفک وزارتی فورم کے موقع پر جرمنی، ہالینڈ، سری لنکا اور فلپائنی ہم منصبوں سے ملاقاتیں کیں۔ جرمن وزیر خارجہ جوہان وڈے فل سے ملاقات کی۔ جمعہ کو دفتر خارجہ کے مطابق دونوں وزراء خارجہ نے پاکستان اور جرمنی کے تعلقات کے مثبت پیش رفت پر اطمینان کا اظہار کیا اور دفاع، سیاسی، اقتصادی، تجارتی و سرمایہ کاری اور تعلیمی شعبوں میں تعاون کو مزید مضبوط بنانے کے عزم کا اعادہ کیا۔ انہوں نے علاقائی اور عالمی صورتحال پر بھی تبادلہ خیال کیا اور باہمی افہام و تفہیم کو فروغ دینے اور مشترکہ مفاد کے شعبوں میں تعاون بڑھانے کے لیے قریبی بات چیت کو برقرار رکھنے پر اتفاق کیا۔ نائب وزیر اعظم نے 2025 اور 2026 کے لیے جرمنی کے 114 ملین یورو کے عزم کو سراہا۔ نائب وزیراعظم نے جرمن قیادت کو دورہ پاکستان کی دعوت بھی دی۔ اسحاق ڈار نے ہالینڈ کے وزیر خارجہ ڈیوڈ وین ویل سے برسلز میں منعقد ہونے والے چوتھے یورپی یونین انڈو پیسفک وزارتی فورم کے موقع پر جمعہ کو ملاقات کی۔ دفتر خارجہ کے مطابق دونوں وزراء نے دوطرفہ تعاون کے شعبوں پر تبادلہ خیال کیا اور پاکستان اور ہالینڈ کے درمیان تعلقات کی مثبت رفتار کو سراہا۔ اسحاق ڈار نے سری لنکا کے نائب وزیر خارجہ ارون ہیماچندرا سے ملاقات کی اور اعلیٰ سطح کے تبادلوں کے ذریعے باہمی روابط مزید مضبوط بنانے پر اتفاق کیا۔ دونوں رہنمائوں نے پاکستان اور سری لنکا کے مابین برادرانہ تعلقات کے فروغ پر زور دیا۔ دونوں رہنمائوں نے اعلیٰ سطح کے تبادلوں کے ذریعے باہمی روابط مزید مضبوط بنانے پر اتفاق کیا اور تجارت، سرمایہ کاری، سیاحت، ثقافت، تعلیم، دفاع، زراعت اور افرادی قوت کی ترقی سمیت مختلف شعبوں میں تعاون بڑھانے پر تبادلہ خیال کیا۔ اسحاق ڈار نے فلپائن کی سیکرٹری خارجہ امور سے برسلز میں ملاقات کی۔ دفتر خارجہ کے مطابق جمعہ کو برسلز میں ہونے والے چوتھے یورپی یونین انڈو پیسیفک وزارتی فورم کے موقع پر سیکرٹری خارجہ امور تھریسا پی لازارو سے ہونے والی ملاقات میں دونوں فریقوں نے دو طرفہ تعلقات کے تمام پہلوئوں اور مزید باہمی تعاون کے مواقع اور امکانات کا جائزہ لیا۔
ذریعہ
ذریعہ: Nawaiwaqt
کلیدی لفظ: اسحاق ڈار نے یورپی یونین وزارتی فورم ہونا چاہئے ملاقات کی کے مطابق کیا اور
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار