ملک کے بیشتر علاقوں میں موسم خشک، پہاڑی علاقوں میں شدید سردی کا امکان
اشاعت کی تاریخ: 15th, November 2025 GMT
ملک کے بیشتر حصوں میں آئندہ 12 گھنٹوں کے دوران موسم مجموعی طور پر خشک رہنے کی توقع ہے۔
محکمۂ موسمیات کے مطابق پہاڑی علاقوں میں سردی کی شدت برقرار رہے گی جبکہ صبح اور رات کے اوقات میں موسم نہایت سرد ہوسکتا ہے۔ اس کے ساتھ ساتھ پنجاب کے چند میدانی علاقوں میں اسموگ چھانے کا امکان بھی ظاہر کیا گیا ہے، جس سے فضائی حدت اور بصارت متاثر ہوسکتی ہے۔
یہ بھی پڑھیے: ملک کے بیشتر علاقوں میں موسم خشک، پہاڑی علاقوں میں شدید سردی کا امکان
آج صبح مختلف بڑے شہروں میں ریکارڈ کیے گئے درجۂ حرارت کے مطابق اسلام آباد اور مظفرآباد میں درجۂ حرارت 6 ڈگری سینٹی گریڈ رہا، لاہور میں 13، کراچی میں 18 اور پشاور میں 11 ڈگری سینٹی گریڈ ریکارڈ کیا گیا۔
کوئٹہ میں سردی کی شدت سب سے زیادہ رہی جہاں درجۂ حرارت صفر ڈگری سینٹی گریڈ تک گر گیا، جبکہ گلگت میں منفی 2 اور مری میں 5 ڈگری سینٹی گریڈ ریکارڈ کیا گیا۔
ادھر بھارت کے زیرِ قبضہ جموں و کشمیر میں بھی سخت سردی کا راج ہے۔ محکمۂ موسمیات کے مطابق سری نگر، لیہہ، پلوامہ، اننت ناگ، شوپیاں اور بارہمولا میں موسم انتہائی سرد اور خشک رہے گا جبکہ جموں میں سرد اور خشک موسم کی پیشگوئی کی گئی ہے۔
یہ بھی پڑھیے: پنجاب کے تعلیمی اداروں میں موسمِ سرما کی تعطیلات، شیڈول جاری ہوگیا
آج صبح ریکارڈ کیے گئے درجۂ حرارت کے مطابق سری نگر، اننت ناگ اور شوپیاں میں ایک ڈگری سینٹی گریڈ، جموں میں 9، لیہہ میں منفی 7 جبکہ پلوامہ اور بارہمولا میں صفر ڈگری سینٹی گریڈ درجۂ حرارت ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش موسم.ذریعہ: WE News
کلیدی لفظ: ڈگری سینٹی گریڈ علاقوں میں کے مطابق کیا گیا
پڑھیں:
اسرائیلی آبادکاروں نے مسجد کو آگ لگا دی، 25 فلسطینی گرفتار
آتش گیر مواد چھڑک کر آگ لگانے کی کوشش،مسجد کی دیواروں پر نسل پرستانہ نعرے
اسرائیل کے مغربی کنارے کے مختلف علاقوں میں چھاپے اور گرفتاریاں ،فلسطینی حکام
مقبوضہ مغربی کنارے میں اسرائیلی آبادکاروں نے ایک مسجد کو آگ لگا دی جبکہ اسرائیلی فورسز نے مختلف علاقوں میں چھاپوں کے دوران 25 فلسطینیوں کو گرفتار کر لیا۔فلسطینی خبر رساں ادارے وفا نیوز ایجنسی کے مطابق واقعہ مغربی کنارے کے شہر سلفیت کے قریب پیش آیا، جہاں اسرائیلی آبادکاروں نے مسجد کے دروازے پر آتش گیر مواد چھڑک کر آگ لگانے کی کوشش کی۔ رپورٹ کے مطابق آبادکاروں نے مسجد کی دیواروں پر نسل پرستانہ نعرے بھی لکھے۔ تاہم مقامی شہریوں نے بروقت کارروائی کرتے ہوئے آگ پر قابو پا لیا۔دوسری جانب، اسرائیلی فوج نے مغربی کنارے کے مختلف علاقوں میں تازہ کارروائیوں کے دوران 25 فلسطینی شہریوں کو گرفتار کیا۔ رپورٹ کے مطابق طولکرم کے قریب دیر الغصون کے علاقے میں تین نوجوانوں کو گھروں پر چھاپے مار کر حراست میں لیا گیا۔اسی طرح الخلیل کے قریب دورا کے علاقے میں 18 افراد کو گرفتار کیا گیا جبکہ جنوبی الخلیل میں بزرگوں سمیت کئی شہریوں سے فیلڈ انویسٹی گیشن بھی کی گئی۔ مزید برآں نابلس کے جنوب میں بیتا اور قریوت کے علاقوں سے چار افراد کو بھی گرفتار کیا گیا۔فلسطینی حکام کے مطابق اسرائیلی فورسز کی جانب سے چھاپے اور گرفتاریاں تقریباً روزانہ کی بنیاد پر جاری ہیں، جنہیں عالمی برادری نے انسانی حقوق کی خلاف ورزی قرار دیا ہے۔
ملائیشیا اور تھائی لینڈ کی سرحد پر تارکین وطن کی کشتیاں ڈوب گئیں، 300 افراد لاپتہ