اسنوکر ورلڈ کپ، بھارت کو پاکستان کے ہاتھوں شکست کا سامنا
اشاعت کی تاریخ: 18th, November 2025 GMT
اسلام آباد(صغیر چوہدری )اسنوکر ورلڈ کپ میں بھارت کو پاکستان کے ہاتھوں شکست کا سامنا ۔ پاکستانی کیوئسٹ اسجد اقبال نے آئی بی ایس ایف اسنوکر ورلڈ کپ کے سیمی فائنل میں جگہ بنالی۔پاکستانی کیوئسٹ اسجد اقبال نے آئی بی ایس ایف اسنوکر ورلڈ کپ میں شاندار کارکردگی دکھاتے ہوئے بھارتی کھلاڑی کو شکست دے کر سیمی فائنل میں جگہ بنالی۔کوارٹر فائنل میں اسجد اقبال نے سابق عالمی چیمپئن بھارتی کیوئسٹ پنکج ایڈوانی کو یکطرفہ مقابلے میں 0-4 سے شکست دی۔
.ذریعہ: Daily Mumtaz
پڑھیں:
’واٹ آ سنڈے‘ پاکستان میں کیوں ٹرینڈ کرتا رہا؟
بھارت کی قومی اور اے کرکٹ ٹیموں کو گزشتہ روز اپنے اہم میچز میں ایک کے بعد ایک شکست ہوئی جس کے بعد پاکستان میں سوشل میڈیا پر نیا ٹرینڈ ’واٹ آ سنڈے What a Sunday‘ ٹرینڈ کرتا رہا۔
پاکستانی صارفین نے بھارت کی شکست کے بعد ایکس (سابقہ ٹوئٹر) پر میمز، دلچسپ تبصرے اور اپنے ردِعمل کی بھرمار کر دی۔
اتوار کے روز ایک ہی دن پاکستان کی کامیابیاں اور بھارت کی شکست پاکستانی شائقین کے لیے دلچسپ لمحہ بن گیا اور یہی وجہ ہے کہ سوشل میڈیا پر ہر طرف بس ایک ہی جملہ گونجتا رہا ’واٹ آ سنڈے What a Sunday‘
اتوار کو کولکتہ کے ایڈن گارڈنز میں کھیلے گئے پہلے ٹیسٹ میچ میں جنوبی افریقہ نے بھارت کو 30 رنز سے شکست دی تھی۔
دوسری جانب قطر کے ویسٹ اینڈ پارک انٹرنیشنل کرکٹ اسٹیڈیم میں پاکستان شاہینز نے بھارت اے کو 8 وکٹوں سے باآسانی ہرا کر گروپ بی میں ٹاپ پوزیشن حاصل کی اور ایشین کرکٹ کونسل مینز ایشیا کپ رائزنگ اسٹارز 2025 کے سیمی فائنل میں جگہ بنا لی۔
بھارتی کرکٹ کے لیے یہ نتائج اگرچہ مایوس کن تھے، تاہم پاکستان میں ان میچز نے سوشل میڈیا صارفین کے لیے بھرپور تفریح اور مزاحیہ مواد فراہم کیا، جس کے باعث ’What a Sunday‘ ٹرینڈ بن گیا۔
واضح رہے کہ راولپنڈی کرکٹ اسٹیڈیم میں پاکستان کی قومی ٹیم نے بھی سری لنکا کو تیسرے ون ڈے میں 8 وکٹوں سے شکست دے کر وائٹ واش کردیا تھا۔
ستائیسویں آئینی ترمیم سے متعلق جسٹس محسن اختر کیانی کے دلچسپ ریمارکس