نبی کریمؐ کی زندگی ہر دور کے انسانوں کیلیے قابل تقلید ہے‘ جماعت اہلسنت
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)جما عت اہلسنّت پاکستان کراچی کے ناظم اعلیٰ سید رفیق شاہ نے کہا کہ حضو ر خاتم النبیینؐ کی ذات اہل ایمان کیلیے سر چشمہ ہد ایت اور مر کز عشق و محبت ہے۔نبی کریمؐ کی زندگی ہر دور کے انسانوں کیلیے قابل تقلید ہے۔ اسوۂ رسالتؐ امن و سلامتی،انسانی فلاح و ترقی کی راہ دکھاتا ہے۔ انہوں نے فردوس کالونی میں درگاہ عالیہ اشرفیہ کے سجادہ نشین ڈاکٹر پیر سید محمد اشرف اشرفی الجیلانی سے ملاقات میں تبادلہ خیال کرتے ہوئے کہا کہ جماعت اہلسنّت ملک کے استحکام، نوجوانوں کی دینی اور اخلاقی تربیت، اور معاشرتی فلاح و بہبود کے لیے سرگرم ہے۔ ان کا کہنا تھا دینی اقدار صرف عبادات تک محدود نہیں بلکہ یہ سماجی رویّوں، باہمی احترام، انصاف، دیانت اور حسنِ سلوک کی مکمل بنیاد فراہم کرتی ہیں۔ ڈاکٹر اشرف جیلانی نے جماعت اہلِ سنت کے مثبت کردار، دینی خدمات کو سراہتے ہوئے کہا کہ جماعت و شاہ صاحب نے ہمیشہ قومی وحدت، ہم آہنگی اور امن کے فروغ کی بات کی ہے۔ انہوں نے ناظم جما عت اہلسنت کراچی سید رفیق شاہ کی آمد کا خیرمقدم کرتے ہوئے کہا کہ صوفیائے کرام کی فکر و نظریات کے امین علما و مشائخ اور دینی طبقات کا باہمی رابطہ وقت کی اہم ضرورت ہے اور اسی سے معاشرے میں مثبت تبدیلی لائی جاسکتی ہے۔ انہوں نے زور د یا کہ معاشرے میں بڑھتی ہوئی اخلاقی گراوٹ کو روکنے کے لیے ضروری ہے کہ مذہبی مراکز اور تعلیمی ادارے اپنی ذمہ داریاں مؤثر انداز میں سرانجام دیں۔انہوں نے یقین دلایا کہ دین و ملت کی بھلائی کے کاموں میں ہم جما عت اھلسنّت کے شانہ بشانہ ہیں۔
ذریعہ
ذریعہ: Jasarat News
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ