حیدرآباد،آغا خان میٹرنل اینڈ چائلڈ کیئر کی یوم ذیابطیس پر آگاہی واک
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)آغا خان میٹرنل اینڈ چائلڈ کیئر سینٹر حیدرآبا دکی جانب سے عالمی یوم ذیابطیس کے موقع پر ایک عوامی آگاہی واک اور سیشن کا انعقاد کیا گیا جس میں بڑی تعداد میں ڈاکٹرزو عملہ نے شرکت کی، واک کے بعد آگاہی سیشن ہوا جس کا موضوع”ذیابطیس کے ساتھ اچھی طرح جئیں، ٹریک کریں، علاج کریں، پھلیں پھولیں” تھا۔ جس سے خطاب کرتے ہوئے ڈاکٹر سید معراج الدین شاہ، ڈاکٹر محمد سلیم، ڈاکٹر ثناء عمر، ڈاکٹر جوریہ نقوی و دیگر نے خطاب کرتے ہوئے کہاکہ پاکستان میں ذیابطیس ہر چار میں سے ایک سے بالغ افراد کو متاثر کرتی ہے، جن میں سے اکثر کو اس کا علم بھی نہیں ہوتا۔ بروقت تشخیص، طرزِ زندگی میں بہتری، اور علاج پر عمل کر کے دل کی بیماری، گردوں کی ناکامی، بینائی سے محرومی اور اعصابی نقصان جیسی سنگین پیچیدگیوں سے بچا جا سکتا ہے۔مقررین نے کہاکہ آغا خان یونیورسٹی اسپتال پاکستان نے مشترکہ صحت کے عمل کی ضرورت پر زور دیا۔ اورکہاکہ زیابطیس صرف ایک طبی حالت نہیں یہ ایک عوامی صحت کا چیلنج ہے جو خاندانوں، معیارِ زندگی اور آنے والی نسلوں کو متاثر کرتا ہے۔ ہم کمیونٹیز کو تعلیم دے کر اور قابل رسائی اسکریننگ فراہم کر کے پیچیدگیوں کی روک تھام اور لوگوں کو صحت مند زندگی گزارنے کے قابل بنانے کے لیے اہم قدم اٹھا رہے ہیں۔آغا خان میٹرنل اینڈ چائلڈ کیئر سینٹر حیدرآباد ہر سال ذیابطیس آگاہی تقریبات منعقد کرتا ہے اور تعلیم، بچا ؤاور کمیونٹی کی شمولیت کے ذریعے ذیابطیس سے نمٹنے کے اپنے عزم کی تجدید کرتا ہے۔تقریب کے شرکاء کو مفت ضروری اسکریننگ فراہم کی گئی۔
ذریعہ
ذریعہ: Jasarat News
کلیدی لفظ: ا گاہی
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا