تعلیمی اداروں میں وقت سے پہلے چھٹی، بڑی خبر آگئی
اشاعت کی تاریخ: 10th, October 2025 GMT
لاہور : تعلیمی اداروں میں وقت سے پہلے چھٹی دے دی گئی ، جس کے بعد سکولوں کی جانب سے والدین کو آگاہ کیا جارہا ہے۔
تفصیلات کے مطابق ڈسٹرکٹ ایجوکیشن اتھارٹی لاہور نے شہر کے تمام سرکاری اور نجی اسکولوں میں طلبہ کو وقت سے پہلے چھٹی دینے کی ہدایت جاری کردی۔
اتھارٹی کی جانب سے اسکول سربراہان کو ہدایت کی گئی ہے کہ فوری طور پر والدین کو فون کال کے ذریعے آگاہ کیا جائے تاکہ وہ اپنے بچوں کو اسکول سے لے جائیں۔
نوٹیفکیشن میں کہا گیا ہے کہ فیصلہ شہری حالات اور سیکیورٹی صورتِ حال کے پیش نظر کیا گیا ہے۔
ڈسٹرکٹ ایجوکیشن اتھارٹی لاہور نے واضح کیا کہ تمام اسکول سربراہان انتظامی احکامات پر فوری عملدرآمد یقینی بنائیں۔
دوسری جانب اسلام آباد کے تعلیمی اداروں میں حاضری معمول سےکم ہے، طلباکی بڑی تعداد اسکولوں میں نہ پہنچ سکی۔
خیال رہے مذہبی جماعت کے مارچ کے پیش نظر لاہور شہر کے داخلی و خارجی راستوں کو مکمل طور پر بند کر دیا گیا اور بھاری نفری راوی پل، سگیاں، بابو صابو اور ٹھوکر نیاز بیگ سمیت مختلف مقامات پر تعینات کر دی گئی ہے۔
ٹریفک بندش کے باعث شہر میں گاڑیوں کی طویل قطاریں لگ گئی ہیں اور شہریوں کو شدید مشکلات کا سامنا ہے۔
ذرائع نے کہا کہ لاہور سے اسلام آباد جانے والی موٹروے بند کر دی گئی ہے جبکہ اسلام آباد سے لاہور آنے والی موٹروے بھی ٹریفک کے لیے بند ہے۔
.
ذریعہ
ذریعہ: Daily Mumtaz
پڑھیں:
سانحہ گل پلازہ میں اہم پیش رفت؛ 5 اداروں کے افسران کے بیانات ریکارڈ
کراچی:سانحہ گل پلازہ میں اہم پیش رفت سامنے آئی ہے جس میں تفتیشی افسر نے 5 اداروں کے افسران کے بیانات ریکارڈ کر لیے۔
سٹی کورٹ نے تفتیش مکمل کرنے کے لیے تفتیشی افسر کو 7 دن کی مہلت دے دی۔
تفتیشی افسر ڈی ایس پی عامر ورک نے عدالت سے کہا کہ بیانات مکمل نہیں ہوئے لہٰذا تفتیش مکمل کرنے کے لیے مہلت دی جائے۔ ایس ایس پی ٹریفک، فائربریگیڈ، سول ڈیفنس اور کے ایم سی افسران کے بیان ریکارڈ کر لیے ہیں۔
مزید پڑھیںسانحہ گل پلازہ کی جوڈیشل کمیشن رپورٹ پبلک کرنے کی درخواست مسترد
سانحہ گل پلازہ کیس: سرکاری اداروں نے تعاون نہیں کیا، تفتیشی افسر نے پیشرفت رپورٹ عدالت میں جمع کرادی
تفتیشی افسر کے مطابق فائر بریگیڈ کے اس فائر آفیسر کا بیان ریکارڈ کیا ہے، جو پہلی گاڑی کے ساتھ گل پلازہ پہنچا تھا۔ تنویر پاستا، عمار اسماعیل، امین، رمضان، نعمت اللہ اور 11 سالہ حذیفہ کا بیان پہلے ہی ریکارڈ ہوچکا ہے۔
ڈی ایس پی عامر ورک نے 8 سرکاری اداروں کے سربراہوں کو خطوط لکھے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع