نوجوانوں کو ساتھ ملا کر نومبر میں نظام بدل دو تحریک کی بنیاد رکھیں گے ‘حافظ نعیم الرحمن
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد(نمائندہ جسارت) امیر جماعت اسلامی پاکستان حافظ نعیم الرحمن نے کہا ہے کہ نوجوان اس ملک کا قیمتی سرمایہ ہیں، نوجوانوں کو ساتھ ملا کر نومبر میں نظام بدل دو تحریک کی بنیاد رکھیں گے۔نوجوانوں کو پاکستان سے مایوس کیا جاتا ہے، جس میں سب کچھ موجود ہے،مستقبل میں مایوس نوجوان نہیں سیاسی قبضہ گروپ ہوگا۔ ان خیالات کا اظہار انہوں نے الخدمت فاؤنڈیشن کے زیر اہتمام اسلام آباد میں منعقدہ’’بنو قابل پروگرام ‘‘ کے تحت طلباو طالبات کے انٹری ٹیسٹ کے شرکاء سے خطاب کرتے ہوئے کیا۔ اس موقع پر الخدمت فاؤنڈیشن پاکستان کے صدر ڈاکٹر حفیظ الرحمن، جماعت اسلامی اسلام آباد کے سیکرٹری جنرل زبیر صفدر، بنوقابل پروگرام کے چیف ایگزیکٹیو نوید بیگ اور الخدمت اسلام آباد کے صدر الطاف شیر نے بھی خطاب کیا۔ طلبہ و طالبات نے ہزاروں کی تعداد میں ٹیسٹ میں شرکت کی۔ حافظ نعیم الرحمن نے اپنے خطاب میں کہا کہ جماعت اسلامی نوجوانوں کے ساتھ ہے ، یہ نوجوان ملک میں انقلاب برپا کریں گے اور ملک کو ترقی کی راہ پر گامزن کریں گے، ایک خاص طبقہ پاکستان پر مسلط ہے جس کے پاس کوئی پالیسی نہیں اور نہ ہی نوجوانوں کو رہنمائی دی جارہی ہے،آج نوجوانوں کی بڑی تعداد اس ٹیسٹ میں شریک ہے، طلبہ کو مزید کورسز بھی کرائیں گے، پاکستان کے نوجوان انقلابی نسل ہے جوصلاحیتوں سے مالا مال ہیں، نوجوانوں کو پاکستان کے حوالے سے مایوس کیا جاتاہے، پاکستان میں بے پناہ مواقع موجودہیں۔ حافظ نعیم الرحمن نے کہا کہ کتنی بدقسمتی کی بات ہے کہ تین کروڑ بچے آج بھی اسکولوں سے باہر ہیں، پاکستان کے دارالحکومت اسلام آباد میں بھی لاکھوں بچے اسکول نہیں جا پا رہے، ہمارے ملک میں صرف 12فیصد بچے اعلی تعلیم حاصل کرپاتے ہیں اور ان کے والدین بھی انتہائی مشکلات برداشت کرکے انہیں تعلیم دے پاتے ہیں۔ امیر جماعت اسلامی نے کہا کہ صرف57 لاکھ بچے تعلیمی اداروں میں داخل ہیں بچوں کے پاس تعلیم حاصل کرنے کے مواقع ہی نہیں ہیں،57لاکھ بچوں کو مفت تعلیم دینے پر صرف چند ارب روپے لگانا پڑیں گے لیکن یہ حکمرانوں کی ترجیح ہی نہیں ہے، اربوں روپے آئی پی پیز کوادائیگیاں کی جاسکتی ہیں لیکن تعلیم پر خرچ نہیں کیا جا تا۔ انہوں نے کہا کہ ملک میں تمام بچوں کومفت تعلیم دیناہوگی، تعلیم دولت کی بنیاد پر فراہم نہیں ہونی چاہیے، امیر و غریب ہرکسی کو معیاری تعلیم ملنا اس کا بنیادی حق ہے، ملک میں ہر کسی کو معیاری تعلیم ملنی چاہیے۔ امیر جماعت نے کہا کہ اگر بنوقابل جیسے پروگرام کے ذریعے معیاری تعلیم کی فراہمی کا یہ کام جماعت اسلامی اور الخدمت فاؤنڈیشن کرسکتے ہیں توریاست بھرپور وسائل ہونے کے باوجود یہ کام کیوں نہیں کرسکتی، حافظ نعیم الرحمن نے کہا کہ ریاست ماں ہے مگر یہ کیسی ماں جو لوگوں کی بنیادی ضروریات پوری نہیں کرسکتی، ملک پر نااہل لوگ قابض ہیں ، انہیں اپنی 78 سال کی ناکامی کا اعتراف کرنا چاہیے کہ فوج، سیاستدان، جاگیردار یا سرمایہ دار کوئی بھی ملک کو درست طریقے سے نہیں چلا سکا، سب یہاں حاکم بنے رہے دراصل یہ قوم حاکم ہے، تم اس کے خادم ہو، تمہیں عوام کا خادم بننا پڑے گا کیونکہ نوجوان جاگ چکا ہے، امیر جماعت اسلامی نے کہا کہ میں آپ سب کو اگلے ماہ لاہور میں جماعت اسلامی کے اجتماع عام میں شرکت کی دعوت دیتاہوں، یہ اجتماع ملک کا سب سے بڑااجتماع ہوگا جس میں لاکھوں لوگ شریک ہوں گے ، یہ اجتماع نظام کو بدلنے کے لیے پیش خیمہ ثابت ہوگا، ہم اجتماع عام میں چہرے نہیں نظام کو بدلنے کا پروگرام دیں گے ۔ حافظ نعیم الرحمن نے مزیدکہا کہ اسلام کا مطلب صرف عبادات نہیں بلکہ اسلام کے نظام کو غالب کر نا ہے، جماعت اسلامی نوجوانوں کے ساتھ ہے ، یہ نوجوان ملک میں انقلاب برپا کریں گے اور ملک کو ترقی کی راہ پر گامزن کریں گے۔
ذریعہ
ذریعہ: Jasarat News
کلیدی لفظ: حافظ نعیم الرحمن نے جماعت اسلامی نوجوانوں کو اسلام ا باد پاکستان کے نے کہا کہ کریں گے ملک میں
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ