فرسودہ نظام حکومت کی تبدیلی کا وقت آگیا ہے‘فرحانہ شہاب
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( پ ر) جماعت اسلامی ضلع گڈاپ کی ناظمہ فرحانہ شہاب نے کہا ہے کہ اب یورپ و امریکہ کے فرسودہ نظام حکومت کی تبدیلی کا وقت آگیا ہے اس باطل نظام نے ملک و معاشرے کو زوال کی جانب دھکیل دیا ہے جس کی وجہ سے جھوٹ کرپشن، بد دیانتی اور لا قانونیت میں اصافہ ہوا ہے اس نظام سے چھٹکارا حاصل کرنے کی جدوجہد میں ہم سب کو مل کر کام کرنا ہے، ان خیالات کا اظہار جماعت اسلامی ضلع گڈاپ کے ناظمہ فرحانہ شہابنے “بدل دو نظام کو” کے سلوگن کے ساتھ ماہ نومبر میں مینار پاکستان پر منعقد ہونے والے سالانہ اجتماع عام کی بریفنگ کے حوالے سے ناظمات و زمہ داران کے اجتماع سے خطاب کرتے ہوئے کیا، بدل دو نظام کے عنوان کے تحت ہونے والا جماعتِ اسلامی کا اجتماعِ عام عوام خصوصاً خواتین میں کافی مقبولیت حاصل کر رہا ہے۔ جماعت اسلامی ضلع گڈاپ کا خواتین نظم بھی اس کی تیاریوں میں پوری طرح سرگرم عمل ہے۔کارکنان کو نہ صرف خود اجتماع میں شرکت کے لیے جانے کے لیے بلکہ عام افراد میں بھی اجتماعِ عام کا شعور بیدار کرکے شرکت پر آمادہ کرنا ہے۔۔ اس سلسلے میں اسکول، کالج، بیوٹی پارلرز اور گھریلو خواتین سے رابطے کیے جارہیہیں۔ بلکہ اب اس کام میں تیزی لانے کی ضرورت اجتماع عام ملک و معاشرے میں ایک اچھی تبدیلی کی امید بن کر آرہا ہے۔
ذریعہ: Jasarat News
پڑھیں:
امیرجماعت اسلامی سکھر کی ریجنل ہیڈ گیس کمپنی سے ملاقات
data-id="863a0a8" data-element_type="widget" data-widget_type="theme-post-content.default">
251210-11-7
سکھر (نمائندہ جسارت) سکھر کے علاقے پرانہ سکھر میں گیس کی مسلسل بندش کے مسئلے پر جماعت اسلامی ضلع سکھر کے امیر زبیر حفیظ شیخ کی قیادت میں جماعت اسلامی کے وفد کی ریجنل ہیڈ سوئی سدرن گیس کمپنی جئے کمار چاولہ سے ملاقات۔ وفد میں صدر جے آئی مائنارٹی ونگ سکھر روپ چند، واجد بھٹو کے علاوہ خواتین رہنماؤں ثمینہ شوکت، ماروی احمد اور پرانے سکھر کے علاقوں جنات بلڈنگ، بابن شاہ سمیت کئی متاثرہ علاقوں کی خواتین نے شرکت کی۔ زبیر حفیظ شیخ نے ریجنل ہیڈ کو سکھر اور اولڈ سکھر میں جاری شدید گیس بحران کے باعث پیدا ہونے والی صورتحال سے آگاہ کیا۔انہوں نے کہا کہ گیس بحران نے شہریوں کی روزمرہ زندگی مفلوج کرکے رکھ دی ہے، کئی روز سے گیس کی مسلسل بندش کے باعث گھریلو چولہے ٹھنڈے پڑ گئے ہیں اور عوام شدید ذہنی پریشانی کا شکار ہیں۔ گیس کی عدم فراہمی کے باعث شہری مہنگے متبادل ذرائع استعمال کرنے پر مجبور ہیں جبکہ بارہا شکایات کے باوجود تاحال ذمہ دار افسران کوئی مؤثر اقدام اٹھانے میں ناکام رہے ہیں۔ وفد نے ملاقات کے دوران بتایا کہ پرانہ سکھر کے متعدد علاقوں میں گیس کا نظام بری طرح متاثر ہے، صبح و شام کے اہم اوقات میں بھی گیس نہ ہونے سے گھریلو زندگی شدید متاثر ہے اور عوام کی مشکلات میں اضافہ ہو رہا ہے۔ جماعت اسلامی کے وفد نے صورتحال کا جائزہ لے کر گیس بحران کے حل کے لیے فوری اقدامات کیے جانے کا مطالبہ کیا۔ جماعت اسلامی نے واضح کیا کہ وہ عوامی مسائل کے حل کے لیے ہر فورم پر آواز اٹھاتی رہے گی اور انتظامیہ کو اس سنگین صورتحال سے نمٹنے کے لیے ٹھوس حکمتِ عملی اختیار کرنی ہوگی۔ ریجنل ہیڈ جئے کمار کی جانب سے پرانہ سکھر کے مسئلے کو ترجیحی بنیادوں پر فوری حل کرنے کی یقین دہانی کروائی گئی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر