1لاکھ روپے کا لولی پاپ دینے کے بجائے 3360 ارب کا حساب دیا جائے، جماعت اسلامی
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: جماعت اسلامی کراچی کے ترجمان نے شہر کی خراب صورتحال اور بلدیاتی اداروں کی ناکامی پر سخت ردعمل دیتے ہوئے کہا ہے کہ میئر کراچی اور واٹر کارپوریشن کے چیئرمین مرتضیٰ وہاب شہر کی بدترین حالت چھپانے کے لیے ہر یونین کمیٹی کو صرف ایک لاکھ روپے کا لالی پاپ دینے کی کوشش کررہے ہیں جبکہ اصل سوال یہ ہے کہ گزشتہ 15 برس میں پیپلز پارٹی کی صوبائی حکومت نے کراچی کے 3360 ارب روپے کہاں خرچ کیے؟
ترجمان کے مطابق پانی و سیوریج کے بلوں کی مد میں شہریوں سے وصول ہونے والے اربوں روپے کا کوئی حساب نہیں اور میونسپل ٹیکس کے جمع شدہ 4 ارب بھی یہ واضح کیے بغیر خرچ کر دیے گئے کہ وہ کس منصوبے پر لگے، کراچی کی موجودہ تباہی کی اصل ذمہ دار سندھ حکومت اور اس کے ماتحت ادارے ہیں جنہوں نے بجٹ کو کرپشن اور ذاتی مفادات کی نذر کر دیا۔
ترجمان نے کہا کہ کراچی پاکستان کی معاشی شہ رگ ہے مگر یہاں کے عوام کے ساتھ مسلسل ناانصافی کی گئی۔ شہری حکومتی نااہلی سے تنگ آچکے ہیں اور کھل کر مطالبہ کر رہے ہیں کہ مرتضیٰ وہاب مستعفی ہوکر گھر جائیں، 17 سال میں کھربوں روپے خرچ کرنے کے باوجود شہر میں گٹر کے ڈھکن تک نہیں لگے اور اب صرف ایک لاکھ روپے یوسیز میں تقسیم کرکے بدنامی کا بوجھ نچلی سطح پر ڈالا جارہا ہے۔
انہوں نے کہا کہ جب تک واٹر کارپوریشن ٹاؤن اور یوسی کے ماتحت نہیں آئے گا، اس قسم کے اعلانات محض عوام کو دھوکا دینے کے مترادف ہیں،کراچی کی صورتحال بدترین ہے ، سڑکیں ٹوٹ پھوٹ کا شکار، سیوریج نظام تباہ، کھلے مین ہول عوام کے لیے خطرہ بنے ہوئے ہیں جبکہ واٹر کارپوریشن پانی کی فراہمی میں مکمل ناکام ہوچکا ہے۔
ترجمان جماعت اسلامی نے کہا کہ میئر کراچی مرتضیٰ وہاب شہر کی بنیادی سہولیات فراہم کرنے میں پوری طرح ناکام رہے ہیں، نہ صفائی کا نظام بہتر ہے، نہ کچرا اٹھانے کا مستقل بندوبست، 3360 ارب روپے اور عوام کے ٹیکسوں کا حساب دینا ہوگا۔
ترجمان کے مطابق کراچی کو مزید تباہی سے بچانے کے لیے فوری اور عملی اقدامات ناگزیر ہیں، شہر کی بنیادی ضروریات پر فوری توجہ دی جائے، جماعت اسلامی ہر فورم پر کراچی کے عوام کے حقوق اور مسائل کے حل کے لیے جدوجہد جاری رکھے گی۔
ذریعہ: Jasarat News
کلیدی لفظ: جماعت اسلامی عوام کے شہر کی کے لیے
پڑھیں:
سکھر،جماعت اسلامی کا قتل ہونے والے نوجوانوں ورثا سے اظہار تعزیت
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) امیر جماعت اسلامی ضلع سکھر زبیر حفیظ شیخ نے قریشی گوٹھ میں بے دردی سے قتل ہونے والے نوجوان حسنین قریشی کے المناک واقعہ پر گہرے دکھ اور افسوس کا اظہار کیا ہے۔ انہوں نیجماعت اسلامی کے ایک وفد کیساتھ مقتول کے ورثاسے ملاقات کی، وفد میں جماعت اسلامی کے رہنما سید نظام الدین شاہ، آصف علی قریشی، صلاح الدین لاشاری اور دیگر شامل تھے انہوں نے دلی تعزیت کا اظہار کرتے ہوئے کہا کہ جماعت اسلامی دکھ کی اس گھڑی میں ورثا کے ساتھ کھڑی ہے اور مکمل ہمدردی اور یکجہتی کا اظہار کرتی ہے۔زبیر حفیظ شیخ نے حکومت اور متعلقہ اداروں سے مطالبہ کیا کہ واقعہ کی شفاف اور فوری تحقیقات کرائی جائے، ذمہ داروں کو قانون کے مطابق سزا دی جائے اور متاثرہ خاندان کو جلد از جلد انصاف فراہم کیا جائے۔ انہوں نے کہا کہ عوام کے تحفظ کے لیے حفاظتی انتظامات کو بہتر بنانا اب نہ صرف ضروری بلکہ وقت کی ضرورت بھی بن چکا ہے۔ ریاست کی ذمہ داری ہے کہ وہ شہریوں کے جان و مال کے تحفظ کو یقینی بنائے اور ایسے واقعات کی روک تھام کے لیے موثر حکمت عملی اپنائے، تاکہ لوگ پرامن اور محفوظ ماحول میں رہ سکیں۔ زبیر حفیظ شیخ نے امید ظاہر کی کہ حکومت اور متعلقہ ادارے فوری اقدامات کریں گے اور خطے میں امن و امان کی صورتحال کو بہتر بنانے میں اپنا کردار ادا کریں گے۔
اب باسز اپنے ملازمین کے میسجز پڑھ سکیں گے!