مزدوروں کی نجی ضروریات اور گورنمنٹ کی بے توجہی
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
اللہ تعالیٰ نے پاکستان کو ہر اْس نعمت سے نوازا ہے جس سے اس ملک کی ترقی و خوشحالی میں کوئی چیز حائل نہیں ہوسکتی۔ چاہے ہمارے باغات ہو یا چراہ گاہیں، معدنیات سے بھرے پہاڑ ہوں یا کھیت کھلیان ہوں، سر سبز و شاداب لہلہاتی فصلیں ہوں یا پھر بلند اخلاق ہنرمند اور مہمان نواز لوگ۔ لیکن افسوس اس بات کا ہے کہ 78 سال گزر جانے کے بعد بھی حالات قابو سے باہر ہیں اور ہمیشہ کی طرح پاکستان کی صورتِ حال سوائے چند اداروں کے کافی نازک ہے۔ وجہ یہ کہ اداروں نے نہیں بلکہ ہر ادارے میں موجود کرپٹ افسران اور گھوسٹ ملازمین نے اس ملک کو سب سے بڑا نقصان پہنچایا ہے اور سب کچھ شواہدات معلوم ہونے کے باوجود ایسے کرپٹ عناصر سے باز پرس کرنے کے بجائے سراسر نظر انداز کیا جارہا ہے۔ اس سب دھکم پیل میں مزدور بیچارہ پس کر رہ گیا ہے۔ کبھی عالمی منڈی میں ہونے والی مہنگائی کو بنیاد بنا کر عوام الناس کا خون نچوڑا جاتا ہے تو کبھی لمبے لمبے پروٹوکول اور بین الاقوامی دوروں کو بنیاد بنا کر عوام کا پیسہ دونوں ہاتھوں سے اپنی شاہ خرچیوں پر اڑایا جاتا ہے۔ اس سب سے عوام کا کیا لینا دینا دنیا میں کیا ہو رہا ہے کیا نہیں حکومتیں بجٹ کیا پیش کرتی ہیں دوسرے لفظوں میں غریب عوام اور مزدور کی سفید پوشی کو داؤ پر لگا دیتی ہیں۔ جہاں مزدور کا جینا محال کردیا گیا ہو وہاں مزدور احتجاج کے سوا کیا کرے مگر نہیں یہ حق بھی مزدوروں پر لاٹھی چارج کروا کر چھین لیا جاتا ہے۔ اس تمام مسائل کا حل صرف اور صرف اتنا ہے کہ مزدوروں کو اپنا کاروبار کرنے کے لیے آسان شرائط پر قرضے فراہم کئے جائیں اور چوراہوں پر فری کھانے کھلانے کے بجائے ان کو کم پیسوں اور آسان قسطوں پر تعلیم دلوائی جائے اور تعلیم کے ساتھ ساتھ ہنرمند بنایا جائے تاکہ وہ اپنا اور ملک کے قرضوں کا بوجھ اٹھا سکیں اور گورنمنٹ کو بھرپور ٹیکس اور ملک میں بین الاقوامی پیسہ لاسکیں۔ مزدوروں کے بچوں کے لیے ہر جگہ خصوصی رعایت کی جائے، ان کی تعلیم، شادی بیاہ، اور علاج معالجہ کے لیے مخیر حضرات کو متحرک کیا جائے۔ میں یہ نہیں کہتا کہ آپ اپنا بجٹ کاٹیں جو کہ آپ قرضے لے کر پورے کر رہے ہیں میرا کہنا صرف اتنا ہے کہ جس حساب سے افسران کے لیے بجٹ میں مراعات رکھ رہے ہوتے ہے بالکل کچھ فنڈ مزید کے کر ایک مزدور کے لیے بھی بجٹ مختص کیا کیجیے کیونکہ کے دے کر آپ نے تو نہیں ہاں پاکستان کی عوام اور مزدوروں نے ہی یہ قرضہ اتارنا ہے تو خرچ بھی پھر مزدوروں کا اس حساب سے ہی رکھنا بھی چاہیے۔ اللہ تعالیٰ کا شکر ادا کرنا چاہیے حکومت کو کہ پاکستان کا مزدور پوری دنیا میں سب سے زیادہ محنتی مشہور ہے لیکن افسوس کہ آپ کو قدر نہیں اپنے مزدوروں کی ورنہ یہ مزدور ملک کبھی نہ چھوڑتا۔ اپنے مزدوروں کی قدر کیجئے یہ وہ ہاتھ ہیں جو دنیا کے مختلف ممالک میں جا کر اگر اپنا لوہا منوا سکتے ہیں تو پھر ملک میں رہ کر کیوں نہیں کام کرسکتے۔ جس دن یہ چھوٹی سی بات حکومتی اداروں کو سمجھ آگئی تو پھر وہ دن مزدوروں کی کامیابی کا اور ملک کی مستقل ترقی کا بھی ہوگا۔ اللہ تعالیٰ حکومتی اداروں کو مزدوروں کی فلاح وبہبود کے معاملے میں پیش رفت کرنے کی توفیق عطا فرمائے۔ آمین ثمہ آمین
ذریعہ
ذریعہ: Jasarat News
کلیدی لفظ: مزدوروں کی کے لیے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ