پاکستان کیخلاف ٹی ٹوئنٹی سیریز، جنوبی افریقی کپتان کا بڑا بیان
اشاعت کی تاریخ: 27th, October 2025 GMT
جنوبی افریقا کی ٹی ٹوئنٹی ٹیم کے کپتان ڈونوون فریرا کا کہنا ہے کہ پاکستان کےخلاف ٹی ٹونٹی سیریز اہم ہےکیونکہ ورلڈکپ قریب ہے۔
راولپنڈی میں جنوبی افریقی کپتان ڈونوون فریرا نے پریس کانفرنس میں کہا کہ ٹی ٹونٹی میں حال ہی میں ساؤتھ افریقا نے اچھی کرکٹ کھیلی ہے۔ساؤتھ افریقا کے پاس باصلاحیت بیٹرز اور باؤلرز موجود ہیں۔
ان کا کہنا تھا کہ پریکٹس پر نہ جانے کی وجہ سے وہ پچ نہیں دیکھ سکے۔پہلی ایک دو گیندوں کےبعد معلوم ہوگا پہلےٹی ٹونٹی کی پچ کیسی ہے۔جو بھی میچ کھیلیں جیتنےکے لیے کھیلیں گے۔ پہلا ٹی ٹوئنٹی جیت جائیں تو سیریز میں اچھی شروعات ملےگی۔
.ذریعہ: Daily Mumtaz
پڑھیں:
پاکستان ویمن فٹبال ٹیم پہلی بار فیفا سیریز میں شامل
عالمی فٹبال تنظیم فیفا نے پاکستان کی ویمن فٹبال ٹیم کو پہلی بار فیفا سیریز میں شامل کرنے کی منظوری دے دی۔
پاکستان فٹبال فیڈریشن (PFF) کے مطابق عالمی فٹبال تنظیم فیفا نے پاکستان کی ویمن فٹبال ٹیم کو پہلی بار فیفا سیریز میں شامل کرنے کی منظوری دے دی ہے۔
بدھ کو جاری بیان میں فیڈریشن نے کہا کہ اس شمولیت سے قومی ویمن ٹیم کے لیے ایک نئے دور کا آغاز ہوگا، کیونکہ عالمی سطح پر کھیلنے کا موقع ان کے بین الاقوامی تجربے میں اضافہ کرے گا۔
پی ایف ایف کے اعلامیے میں کہا گیا ہے کہ فیفا سیریز میں شمولیت پاکستان میں خواتین فٹبال کی بڑھتی ہوئی ترقی کا اعتراف ہے۔ یہ قومی ویمن ٹیم کے لیے ایک نئے دور کی علامت ہے۔ فیفا سیریز کھلاڑیوں کو عالمی معیار کی ٹیموں کے خلاف کھیلنے کا موقع فراہم کرے گی۔
یہ بھی پڑھیے سونیا مصطفیٰ نے پہلی خاتون فیفافٹبال ریفری بن کر پاکستان کا سر فخر سے بلند کردیا
فیفا سیریز مارچ تا اپریل اگلے سال برازیل، آئیوری کوسٹ اور تھائی لینڈ میں آغاز کرے گی، جبکہ ایونٹ کے گروپس کا اعلان 2026 کے آغاز میں متوقع ہے۔
پاکستان ویمن ٹیم کی فیفا سیریز میں شمولیت کا پس منظر اس سال جون میں ہونے والی ملاقات ہے، جس میں پی ایف ایف کے صدر محسن گیلانی اور فیفا کے سربراہ جیانی انفانٹینو نے کلب ورلڈ کپ کے موقع پر تبادلہ خیال کیا تھا۔
ملاقات میں نہ صرف خواتین فٹبال کے فروغ بلکہ مردوں کی ٹیم کی آئندہ فیفا سیریز میں ممکنہ شرکت بھی زیرِ بحث آئی تھی۔
یہ بھی پڑھیے خواتین کا 6 ملکی فٹ بال ٹورنامنٹ: پاکستانی ٹیم کا اعلان کردیا گیا
جیانی انفانٹینو نے ملاقات کے بعد کہا تھا کہ ہم نے ویمن فٹبال کی ترقی اور مردوں کی ٹیم کی ممکنہ شرکت جیسے اہم موضوعات پر بات چیت کی۔ صدر گیلانی وسیع تجربہ رکھتے ہیں اور ہم ان کی قیادت میں پاکستان فٹبال میں مثبت پیش رفت کے منتظر ہیں۔
پاکستان کی ویمن فٹبال ٹیم کی یہ شمولیت ملک میں فٹبال کے فروغ کی جانب ایک اہم قدم قرار دی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمن فٹبال ٹیم فیفا
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر