بریسٹ کینسر آگاہی : جنوبی افریقا کیخلاف پہلے ٹی 20 کیلیے قومی ٹیم کی پنک تھیم کٹ متعارف
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ بورڈ (پی سی بی) نے جنوبی افریقا کے خلاف راولپنڈی میں ہونے والے پہلے ٹی ٹوئنٹی میچ کے لیے قومی ٹیم کی خصوصی پنک تھیم جرسی متعارف کرادی ہے۔
نجی ٹی وی کی رپورٹ کے مطابق یہ جرسی بریسٹ کینسر آگاہی مہم PINKtober کے تحت تیار کی گئی ہے، جس کا مقصد خواتین میں اس مہلک بیماری سے متعلق شعور اجاگر کرنا ہے۔
پی سی بی کے مطابق 28 اکتوبر کو شیڈول پہلے ٹی ٹوئنٹی میچ میں پاکستانی کرکٹرز پنک رنگ کی خصوصی کٹ پہن کر میدان میں اتریں گے۔ یہی نہیں بلکہ میچ کے دوران امپائرز، کمنٹیٹرز اور اسٹیڈیم عملہ بھی پنک ربن لگا کر اس مہم کی حمایت کرے گا۔
اس موقع پر میچ کے اسٹمپس پر پنک برانڈنگ کی گئی ہے جب کہ میدان کے اطراف میں بھی آگاہی پیغامات نمایاں طور پر دکھائے جائیں گے۔
پی سی بی حکام نے اس حوالے سے بتایا کہ کرکٹ پاکستان میں سب سے زیادہ مقبول کھیل ہے اور ہم اس کی مقبولیت کو معاشرتی بھلائی کے لیے استعمال کرنے پر فخر محسوس کرتے ہیں۔
انہوں نے کہا کہ بریسٹ کینسر کی بروقت تشخیص بے شمار جانیں بچا سکتی ہے اور کرکٹ جیسے پلیٹ فارم کے ذریعے عوام میں آگاہی پھیلانا ایک مؤثر قدم ہے۔
واضح رہے کہ یہ پہلا موقع ہے کہ پی سی بی نے کسی بین الاقوامی میچ میں بریسٹ کینسر آگاہی مہم کو باقاعدہ طور پر شامل کیا ہے۔ اس سے قبل ’’پنک ڈے‘‘ ایونٹس صرف پاکستان سپر لیگ (PSL) کے دوران منعقد کیے جاتے تھے، لیکن اب یہ قدم عالمی سطح پر پاکستان کے سماجی شعور کی نمائندگی کے طور پر دیکھا جا رہا ہے۔
سیریز کے مطابق پاکستان اور جنوبی افریقا کے درمیان دوسرا اور تیسرا ٹی ٹوئنٹی میچ بالترتیب 31 اکتوبر اور یکم نومبر کو لاہور میں کھیلا جائے گا۔ اس کے بعد دونوں ٹیموں کے درمیان تین ون ڈے میچز کی سیریز 4 سے 8 نومبر تک فیصل آباد میں جاری رہے گی۔
.ذریعہ: Jasarat News
کلیدی لفظ: بریسٹ کینسر پی سی بی
پڑھیں:
وزیرِ اعظم شہباز شریف کا پاکستان و جنوبی افریقا کرکٹ ٹیموں کے اعزاز میں عشائیہ
وزیرِ اعظم پاکستان میاں شہباز شریف کی جانب سے پاکستان اور مہمان جنوبی افریقا کی کرکٹ ٹیموں کے اعزاز میں عشائیہ دیا گیا، ضیافت میں چیئرمین پاکستان کرکٹ بورڈ محسن نقوی سمیت دیگر وزراء نے بھی شرکت کی۔
جمعے کی شام دیے گئے عشائیے میں وزیرِ اعظم شہباز شریف نے دونوں ٹیموں کے کھلاڑیوں سے ملاقات کی۔
اپنے خطاب میں اُنہوں نے جنوبی افریقا کی کرکٹ ٹیم کو پاکستان میں خوش آمدید کہا۔
وزیرِ اعظم کا کہنا تھا کہ جنوبی افریقا کے ساتھ مختلف سطح پر شاندار تعلقات ہیں اور کرکٹ بھی ان میں سے ایک ہے، یہ محض کھیل نہیں بلکہ دونوں ملکوں کو جوڑنے کا ذریعہ بھی ہے، جاری کرکٹ سیریز بھی اسی سلسلے کی ایک کڑی ہے۔
اُنہوں نے کہا کہ چیئرمین پاکستان کرکٹ بورڈ محسن نقوی کی صلاحیتوں پر بھرپور اعتماد ہے۔
عشائیے میں وفاقی وزیر خزانہ و محصولات محمد اورنگزیب، وفاقی وزیرِ تجارت جام کمال، وفاقی وزیرِ داخلہ و چیئرمین پاکستان کرکٹ بورڈ محسن نقوی، وفاقی وزیر اطلاعات و نشریات عطاء اللّٰہ تارڑ اور پاکستان کرکٹ بورڈ کے اعلیٰ عہدیدار بھی موجود تھے۔
اسرانی جی کی موت کی خبر سُن کر شدید غمزدہ ہوں، اکشے کمار