کینسر اور دل کے مریضوں کیلیے بڑی خوشخبری، وزیر اعلیٰ مریم نواز شریف نے بڑا فیصلہ کرلیا
اشاعت کی تاریخ: 9th, December 2025 GMT
وزیر اعلیٰ مریم نواز شریف نے پنجاب میں ’وزیراعلیٰ اسپیشل اینیشیٹو برائے کینسر پیشنٹ کارڈ‘ متعارف کرانے کا فیصلہ کر لیا ہے جس کے بعد اب پنجاب میں کوئی بھی کینسر یا دل کا مریض اپنی جمع پونجی، گھر یا زیور بیچنے پر مجبور نہیں ہوگا۔
پنجاب میں کینسر اور دل کے عارضے میں مبتلا افراد کے علاج کا مکمل خرچ حکومت برداشت کرے گی۔ کینسر اور کارڈیک سرجری کے لیے خصوصی کارڈ متعارف کرانے کی منظوری بھی دی گئی ہے۔
مہنگے علاج کے خوف سے بے فکر، امراضِ قلب میں مبتلا ہر مریض سی ایم اسپیشل اینیشیٹو کارڈ کے ذریعے 10 لاکھ روپے تک کا علاج بالکل مفت حاصل کر سکے گا۔
پہلے مرحلے میں پنجاب بھر کے 45 ہزار مریض نئے کارڈ کے ذریعے مہنگے علاج کے اخراجات سے آزاد ہو جائیں گے۔ بریفنگ میں بتایا گیا کہ چیف منسٹر کارڈیک سرجری پروگرام کارڈ کے ذریعے مریضوں کی سرجری بھی مفت کی جائے گی۔
وزیر اعلیٰ مریم نواز شریف نے فالج (اسٹروک) کے بروقت علاج کے لیے بھی جامع پروگرام کا پلان طلب کر لیا۔
سیکرٹری اسپیشلائزڈ ہیلتھ کیئر اینڈ میڈیکل ایجوکیشن نے وزیراعلیٰ کو تفصیلی بریفنگ دیتے ہوئے آگاہ کیا کہ 17 جنوری تک نواز شریف انسٹیٹیوٹ آف کینسر ٹریٹمنٹ اینڈ ریسرچ کا اوپی ڈی بلاک فعال کر دیا جائے گا، جس سے ہزاروں مریضوں کی زندگیاں بچانے کے عزم کو عملی جامہ پہنایا جائے گا۔ نواز شریف انسٹیٹیوٹ آف کارڈیالوجی سرگودھا کو 31 جنوری تک فعال کرنے کی ڈیڈ لائن مقرر کی گئی ہے۔
انسٹیٹیوٹ آف کینسر ٹریٹمنٹ اینڈ ریسرچ کے بورڈ آف گورنرز نے پہلے مرحلے میں 219 آسامیوں پر بھرتی کی منظوری دے دی ہے۔
اسی طرح انسٹیٹیوٹ آف کارڈیالوجی سرگودھا میں آئی پی ڈی، ایمرجنسی، پیتھالوجی اور ریڈیالوجی کو 31 جنوری تک مکمل فعال کیا جائے گا۔
ادارے کے بورڈ آف گورنرز پہلے فیز میں 258 آسامیوں پر بھرتی کی منظوری دے چکے ہیں۔
لاہور میں جناح انسٹیٹیوٹ آف کارڈیالوجی بھی 15 فروری سے فنکشنل ہو جائے گا۔ اس کے لیے 1104 آسامیوں پر بھرتی کی منظوری دی گئی ہے۔
بریفنگ کے مطابق پنجاب کے 57 بڑے اسپتالوں کی اوپی ڈی میں 2 کروڑ 50 لاکھ اور ایمرجنسی میں 1 کروڑ 62 لاکھ مریضوں کا علاج کیا گیا۔ بڑے سرکاری اسپتالوں میں 19 ارب 90 کروڑ روپے کی ادویات فراہم کی گئیں۔
وزیراعلیٰ میڈیسن ہوم ڈیلیوری پروگرام کے تحت 5 لاکھ 37 ہزار 511 مریضوں کو 480 ملین روپے کی ادویات گھر تک پہنچائی گئیں۔
سرکاری اسپتالوں میں 11 ماہ کے دوران 7 لاکھ 44 ہزار 430 سرجریز، 4 لاکھ 75 ہزار 40 سی ٹی اسکین اور 1 لاکھ 50 ہزار 925 ایم آر آئی اسکین کیے گئے۔
امراضِ قلب کی تشخیص کے لیے 1 لاکھ 5 ہزار 155 انجیوگرافی اور 1 لاکھ 57 ہزار 950 ایکو کارڈیوگرافی کی گئیں۔
اسپتالوں میں 12 لاکھ سے زائد الٹراساؤنڈ اور 18 لاکھ سے زائد ایکسرے کیے گئے۔ جبکہ ڈھائی کروڑ سے زائد مریضوں کو پیتھالوجی ڈائیگناسٹک ٹیسٹ کی سہولت فراہم کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزیراعلیٰ اسپیشل اینیشیٹو برائے کینسر پیشنٹ کارڈ.
ذریعہ
ذریعہ: WE News
کلیدی لفظ: انسٹیٹیوٹ آف نواز شریف کی منظوری جائے گا کے لیے کی گئی
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ