جماعت اسلامی کا کراچی کے مسائل کے حل کیلیے جدوجہد جاری رکھنے کا عزم
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے علاقہ سعدی ٹاؤن و کنٹونمنٹ ایریا کے تحت ممبر کنونشن سے خطاب کرتے ہوئے کہا کہ جماعت اسلامی کراچی کی ایک حقیقت ہے اور شہر کے عوام کی خدمت کے لیے مسلسل مصروف عمل ہے۔
منعم ظفر خان نے کہا کہ بلدیاتی الیکشن میں جماعت اسلامی کے مینڈیٹ پر ڈاکہ ڈالا گیا، ہماری جیتی ہوئی یونین کونسلز چھینی گئیں اور میئرشپ پر قبضہ کیا گیا، 173 وال والوں کو جتوادیا گیا اور 193 وال والوں کو ہرا دیا گیا۔
امیرجماعت اسلامی کراچی نے کہا کہ جماعت اسلامی کے منتخب بلدیاتی نمائندے محدود وسائل اور اختیارات کے باوجود اہل کراچی کی خدمت میں مصروف ہیں، گزشتہ دو سال کے دوران جماعت اسلامی نے 171 پارکس اور کھیلوں کے میدان بحال کیے، 42 سرکاری اسکولز کی تعمیر نو کی، لاکھوں کی تعداد میں اسٹریٹ لائٹس اور پیور بلاکس نصب کیے، آج ہر شہری جماعت اسلامی کے 9 ٹاؤنز میں کیے جانے والے کاموں کا ذکر کرتا ہے، جس سے سندھ حکومت بے چینی کا شکار ہے۔
انہوں نے کہا کہ جماعت اسلامی حکمرانوں کے تعاقب اور عوام کے حقوق کے حصول کے لیے پرامن اور جمہوری جدوجہد جاری رکھے گی اور عوام کے مسائل کے حل کے لیے کمیٹیاں تشکیل دی جا رہی ہیں۔
منعم ظفر خان نے لاہور میں 21، 22 اور 23 اکتوبر کو مینار پاکستان کے سائے تلے ہونے والے اجتماع عام بدلو نظام کو میں عوام کو بھرپور شرکت کی دعوت دی، جماعت اسلامی کا قیام اللہ کے نظام کے قیام کے لیے ہوا ہے اور اسلام ایک مکمل ضابطہ حیات ہے، جس میں معیشت، سیاست، معاشرت اور اخلاقیات سمیت زندگی کے تمام شعبے شامل ہیں۔
انہوں نے مزید کہا کہ جماعت اسلامی نے اہل کراچی کے بجلی، پانی، گیس، نادرا اور بحریہ ٹاؤن کے متاثرین کے مسائل سمیت دیگر اہم مسائل حل کیے ہیں۔
اسی موقع پر امیر ضلع ائیر پورٹ محمد اشرف نے کہا کہ کراچی کا انفرااسٹرکچر شدید تباہ حال ہے، ملک کا سب سے زیادہ ٹیکس دینے والا شہر بنیادی سہولتوں سے محروم ہے، سڑکیں ٹوٹی ہوئی ہیں، گٹر بہہ رہے ہیں، عوام کی جان و مال محفوظ نہیں، سستی اور معیاری ٹرانسپورٹ دستیاب نہیں، اور شہری پانی کے بحران کا شکار ہیں۔
انہوں نے کہا کہ 2001 سے 2005 کے دوران نعمت اللہ خان ایڈوکیٹ کے دور میں بے مثال ترقیاتی کام ہوئے لیکن بعد میں شہر کی ترقی کے لیے کوئی اقدامات نہیں کیے گئے۔
اس موقع پر پبلک ایڈ کمیٹی کے نائب صدر عمران شاہد نے بھی ممبر کنونشن سے خطاب کیا اور عوامی مسائل کے حل کے لیے جماعت اسلامی کی کاوشوں کو سراہا۔
یہ خطاب جماعت اسلامی کے کراچی میں جاری ترقیاتی کاموں، عوامی مسائل کے حل اور عدل کے نظام کے قیام کے عزم کو مزید مستحکم کرتا ہے۔
ذریعہ: Jasarat News
کلیدی لفظ: جماعت اسلامی کے کہ جماعت اسلامی مسائل کے حل نے کہا کہ کے لیے
پڑھیں:
آزادی کی منزل تک جدوجہد کسی قیمت پر نہیں رکے گی،غلام محمد صفی
آزادی کی منزل تک جدوجہد کسی قیمت پر نہیں رکے گی،غلام محمد صفی WhatsAppFacebookTwitter 0 25 October, 2025 سب نیوز
مظفرآباد (نامہ نگار)کل جماعتی حریت کانفرنس کے کنوینئر غلام محمد صفی نے کہا ہے کہ 27 اکتوبر کو مقبوضہ جموں وکشمیر پر بھارت کے ناجائز قبضے کیخلاف یوم سیاہ کے طورپر منایا جائےگا۔ دنیا بھر میں مقیم کشمیری بھارت کیخلا ف احتجاج کر کے اس کے مکروہ عزائم کو ایک بار پھر بے نقاب کریں گے اور یہ سلسلہ اُس وقت تک جاری رہے گا جب تک مقبوضہ جموں و کشمیر سے آخری بھارتی فوجی کا انخلاء نہیں ہوجاتا۔
ان خیالات کا اظہار انہوں نے حق دو تحریک کے زیرِ اہتمام حریت رہنماؤں کے اعزاز میں منعقدہ استقبالیہ تقریب سے خطاب کرتے ہوئے کیا۔ تقریب میں حریت کانفرنس کے رہنما الطاف حسین وانی، زاہد اشرف، عبدالحمید لون، زاہد صفی، یاسین گلشن، جبکہ جموں و کشمیر جرنلسٹس فورم کے صدر محمد اقبال میر، جنرل سیکرٹری گلشاد احمد بٹ، مہاجرین نوجوان رہنما تنظیر اقبال، صحافی جاوید میر سماجی شخصیت جاوید چوہدری سمیت دیگر شخصیات نے شرکت کی۔ تقریب سے خطاب کرتے ہوئے غلام محمد صفی کا کہنا تھا کہ 27 اکتوبر کشمیری قوم کے دلوں پر ایک زخم کی مانند ہے، یہ وہ دن ہے جب بھارت نے مقبوضہ جموں و کشمیر پر غیر قانونی قبضہ کر کے ظلم و جبر کی داستان رقم کی۔ اس دن کو لائن آف کنٹرول کے دونوں اطراف یومِ سیاہ کے طور پر منایا جاتا ہے۔انہوں نے کہا کہ 27 اکتوبر کو آزادکشمیر کے تمام چھوٹے بڑے شہروں میں بھارت کے خلاف احتجاجی ریلیاں اور جلسے منعقد ہونگے، جبکہ مرکزی ریلی مظفرآباد میں سینٹرل پریس کلب کے احاطہ سے نکالی جائے گی۔ ریلی کا مقصد دنیا کو باور کرانا ہے کہ کشمیر آج بھی انصاف اور آزادی کا منتظر ہے۔
انہوں نے کہا کہ آزادکشمیر میں بسنے والے مہاجرین و انصار مل کر بھارت کے مکروہ چہرے کو بے نقاب کریں گے اور عالمی برادری سے اپیل کریں گے کہ وہ بھارت کے جبری قبضے کے خلاف مؤثر کردار ادا کرے۔جموں وکشمیر جرنلسٹس فورم کی تحریک آزادی کشمیر کیلئے خدمات لائق تحسین ہیں، صحافی قلم کے محاذ پر بھارت کے ظلم و جبر کو بے نقاب کرنے کیلئے کوششیں جاری رکھیں اس سے کشمیری قوم کی حق پر مبنی تحریک کو تقویت ملتی ہے۔ اس موقع پر حق دو تحریک کے سیکرٹری اطلاعات و میزبان تقریب راجہ بشیر اللہ خان انقلابی نے مہمانوں کا شکریہ ادا کرتے ہوئے کہا کہ تحریک آزادی کشمیر میں حق دو تحریک اپنی تمام تر توانائیاں وقف کر رہی ہے اور آئندہ بھی کل جماعتی حریت کانفرنس کے ساتھ کندھے سے کندھا ملا کر جدوجہد جاری رکھے گی۔ الطاف حسین وانی، عبدالحمید لون، زاہد اشرف، زاہد صفی نے اپنے خطابات میں کہا کہ آزادکشمیر کے عوام نے ہمیشہ تحریک آزادی میں پرجوش کردار ادا کیا ہے، جس سے مقبوضہ وادی میں جاری آزادی کی جدوجہد کو تقویت ملی ہے اور کہا کہ مہاجرینِ جموں و کشمیر کا کردار تاریخ کا ناقابلِ فراموش باب ہے۔تحریک آزادی کشمیر اور تکمیل پاکستان کیلئے جدوجہد جاری و ساری رہے گی۔ اس موقع پر جموں و کشمیر جرنلسٹس فورم کے صدر محمد اقبال میر اور گلشاد احمد بٹ نے کہا کہ فورم کے اراکین نے پچھلے دو برسوں میں 700 سے زائد کالم تحریر کر کے مقبوضہ کشمیر کے مظلوم عوام کی آواز کو دنیا تک پہنچایا ہے اور یہ سلسلہ آئندہ بھی پوری ذمہ داری سے جاری رہے گا۔انہوں نے کہا کہ کشمیری قوم کو حریت قیادت پر مکمل اعتماد ہے اور یہ اعتماد بھارت سے مکمل آزادی کے حصول تک قائم و دائم رہے گا۔ انہوں نے کہا کہ مقبوضہ جموں و کشمیر کے لوگ ظلم و جبر کے سائے میں بھی حق پر ڈٹے ہوئے ہیں، حریت قیادت پابند سلاسل ہے ۔ صحافیوں پر پابندیاں ہیں، بھارتی مظالم کا پردہ چاک کرنے کیلئے قلم کے محا ذ پر جدوجہد جاری رہے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمصر میں جلا وطن کیے گئے فلسطینیوں کی آبادکاری کیلئے پاکستان بھی آپشن میں شامل آزاد کشمیر کے 78 یوم تاسیس کے موقع پر مظفرآباد میں 21 توپوں کی سلامی پاکستان نے مہاجرین کو سینے سے لگایا، ہندوستان ہرا نہیں سکتا: وزیراعظم آزاد کشمیر آزاد کشمیر کے وزیر اطلاعات مظہر سعید نے استعفیٰ دیدیا آزاد کشمیر کے وزیراعظم چوہدری انوار الحق کو عہدے سے ہٹانے کا فیصلہ دو دہائیاں بیت گئیں، 8 اکتوبر کے زلزلے سے متاثرہ علاقوں کی بحالی ابھی ادھوری وفاقی وزرا اور جوائنٹ ایکشن کمیٹی کے درمیان معاہدے کے نکات سامنے آگئےCopyright © 2025, All Rights Reserved
رابطہ کریں ہماری ٹیم
کراچی میں ٹارگٹ کلنگ میں 2 گروپوں کے ملوث ہونے کی نشاندہی کر لی گئی