گندم کی بین الصوبائی ترسیل پر پابندی، گورنر خیبر پختونخوا کا وزیراعظم کو خط
اشاعت کی تاریخ: 27th, October 2025 GMT
پشاور: خیبر پختونخوا ( کے پی کے ) کے گورنر فیصل کریم کنڈی نے گندم کی بین الصوبائی نقل و حرکت پر عائد پابندیوں کو آئین اور قومی مفاد کے منافی قرار دیتے ہوئے وزیراعظم شہباز شریف کو باضابطہ خط ارسال کر دیا ہے۔
میڈیا رپورٹس کےمطابق گورنر کے پی کے نے اپنے خط میں مؤقف اختیار کیا ہے کہ ایسی پابندیاں نہ صرف صوبائی خودمختاری کے تصور کے خلاف ہیں بلکہ ملک کے معاشی ڈھانچے اور غذائی تحفظ کو بھی خطرے میں ڈال رہی ہیں۔
ذرائع کے مطابق گورنر خیبر پختونخوا کی جانب سے بھیجے گئے اس خط میں گندم کی ترسیل پر عائد مبینہ رکاوٹوں پر گہری تشویش کا اظہار کیا گیا ہے، بین الصوبائی تجارت کی آزادی قومی یکجہتی اور معیشت کی بنیاد ہے اور کسی بھی صوبے کو ملک کے دیگر حصوں کے ساتھ تجارت سے روکنا آئین کے آرٹیکل 151 کی خلاف ورزی ہے جو پاکستان میں آزادانہ تجارت، کاروبار اور نقل و حرکت کی ضمانت دیتا ہے۔
گورنر نے واضح کیا کہ گندم کی آزادانہ ترسیل صوبوں کے درمیان غذائی توازن اور منڈی کے استحکام کے لیے ناگزیر ہے، گندم کی خرید و فروخت پر پابندیاں کسانوں، تاجروں اور آٹے کے کاروبار سے وابستہ ہزاروں افراد کے معاشی مفادات کو نقصان پہنچا رہی ہیں۔ اس سے نہ صرف صوبوں کے درمیان اعتماد میں کمی آ رہی ہے بلکہ عام شہری بھی آٹے کی قیمتوں میں غیر ضروری اضافہ برداشت کرنے پر مجبور ہیں۔
فیصل کریم کنڈی نے شہباز شریف سے مطالبہ کیا ہے کہ وہ فوری طور پر اس معاملے کا نوٹس لیں اور متعلقہ وفاقی اداروں کو ہدایت دیں کہ گندم کی ترسیل سے متعلق تمام رکاوٹیں دور کی جائیں، پاکستان ایک زرعی ملک ہے، یہاں گندم جیسی اسٹریٹجک جنس پر انتظامی قدغنیں معیشت کے لیے نقصان دہ ہیں۔ ہمیں ایسی پالیسیوں کی ضرورت ہے جو صوبوں کے درمیان تعاون اور اعتماد کو فروغ دیں، نہ کہ انہیں کمزور کریں۔
گورنر خیبر پختونخوا نے اپنے خط میں یہ بھی تجویز دی کہ وفاقی اور صوبائی حکومتوں پر مشتمل ایک مشترکہ ورکنگ گروپ تشکیل دیا جائے جو گندم کی ترسیل، ذخیرہ اندوزی اور قیمتوں کے تعین کے معاملات پر جامع حکمتِ عملی تیار کرے تاکہ مستقبل میں اس نوعیت کے بحران سے بچا جا سکے۔
ذرائع کے مطابق وزیراعظم آفس نے گورنر خیبر پختونخوا کا خط موصول ہونے کی تصدیق کر دی ہے اور امکان ظاہر کیا جا رہا ہے کہ آئندہ چند روز میں اس معاملے پر وزارتِ خوراک اور متعلقہ اداروں سے رپورٹ طلب کی جائے گی۔
.
ذریعہ: Al Qamar Online
پڑھیں:
خیبر پختونخوا میں تیل و گیس کے نئے ذخائر دریافت، یومیہ 56لاکھ مکعب فٹ گیس حاصل ہوگی
خیبر پختونخوا میں تیل و گیس کے نئے ذخائر دریافت، یومیہ 56لاکھ مکعب فٹ گیس حاصل ہوگی WhatsAppFacebookTwitter 0 10 December, 2025 سب نیوز
پشاور (سب نیوز)خیبر پختونخوا میں تیل و گیس کے نئے ذخائر دریافت ہوگئے۔آئل اینڈ گیس ڈویلپمنٹ کمپنی لمیٹڈ (او جی ڈی سی ایل)کے ترجمان نے بتایا کہ خیبر پختو نخوا میں نشپابلاک کوہاٹ سے تیل و گیس کے ذخائر دریافت ہوئے ہیں۔
ترجمان کے مطابق براگزئی ایکس ون کنویں سے یومیہ2280 بیرل تیل حاصل ہو گا اور یومیہ 56لاکھ مکعب فٹ گیس پیداوار بھی ہوگی۔ترجمان نے بتایا کہ نشپا بلاک میں کنگریالی فارمیشن سے یہ پہلی ہائیڈروکاربن دریافت ہے، براگزئی ایکس ون کنویں کی ڈرلنگ5170 میٹر گہرائی تک مکمل کی۔
ترجمان او جی ڈی سی ایل کے مطابق نشپا بلاک میں او جی ڈی سی بطور آپریٹر 65 فیصد ، پی پی ایل 30 اور جی ایچ پی ایل 5 فیصد کے حصے دار ہیں۔ترجمان کا کہنا ہے کہ نئی دریافت سے او جی ڈی سی ایل کے ذخائر میں مزید اضافہ ہو گا، نئی دریافت سے ملکی توانائی ضروریات پوری کرنے میں مدد ملے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکا کا ریکوڈک میں 1.25ارب ڈالر سرمایہ کاری کا اعلان، ہزاروں افراد کو روزگار ملے گا امریکا کا ریکوڈک میں 1.25ارب ڈالر سرمایہ کاری کا اعلان، ہزاروں افراد کو روزگار ملے گا بینچ یا جج کی عدم دستیابی پر ڈی لسٹ ہونے والے مقدمات پر نئی پالیسی جاری مہنگے کپڑے، گاڑیوں اور گھروں کی نمائش کرنے والے ریڈار پر ہیں، چیئرمین ایف بی آر حماس کا اسرائیل پر حملوں میں کمی پر مشروط آمادگی مگر غیر مسلح ہونے سے صاف انکار صدر ن لیگ نواز شریف سے سینیٹر حافظ عبدالکریم کی ملاقات، سیاسی صورتحال پر گفتگو ہم دشمن کو چھپ کر نہیں للکار کر مارتے ہیں، چیف آف ڈیفنس فورسزعاصم منیرCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر