کرم میں فتنہ الخوارج کا فوجی قافلہ پر حملہ، 6 جوان شہید، 15 زخمی
اشاعت کی تاریخ: 29th, October 2025 GMT
اس حملے میں دھماکہ خیز مواد کا استعمال کیا گیا، جس سے پاک فوج کی کئی بکتر بند گاڑیاں اور ٹرک تباہ ہو گئے، جبکہ دھماکے کے بعد دہشتگردوں نے چاروں طرف سے پاک فوج کے قافلے کو گھیر کر اس پر فائرنگ شروع کر دی، جو تین گھنٹے تک جاری رہی۔ اسلام ٹائمز۔ خیبر پختونخوا کے علاقہ وسطی کرم سلطان کلے میں ملک دشمن فتنہ الخوارج کے دہشتگردوں نے گھات لگا کر پاک فوج کے قافلے پر حملہ کر دیا، جس کے نتیجے میں کم از کم 6 فوجی اہلکار شہید جبکہ 15 زخمی ہوگئے، زخمیوں میں سے کئی کی حالت نازک بتائی جا رہی ہے۔ اس حملے میں دھماکہ خیز مواد کا استعمال کیا گیا، جس سے پاک فوج کی کئی بکتر بند گاڑیاں اور ٹرک تباہ ہو گئے، جبکہ دھماکے کے بعد دہشتگردوں نے چاروں طرف سے پاک فوج کے قافلے کو گھیر کر اس پر فائرنگ شروع کر دی، جو تین گھنٹے تک جاری رہی جبکہ اس دوران پاک فوج کے جوانوں کی لاشیں سڑک پر بکھری پڑی رہیں۔ حملے کے بعد سکیورٹی فورسز نے علاقے میں کلیرنس آپریشن شروع کر دیا ہے، جبکہ موصولہ اطلاعات کے مطابق اس بزدلانہ حملے میں شہید ہونے والے پاک فوج کے شہداء کے نام یہ ہیں، کیپٹن نعمان، سپاہی ولید، سپاہی وقاص، سپاہی اعجاز، سپاہی نرسنگ امجد، اور نائیک ساجد۔
.ذریعہ: Islam Times
کلیدی لفظ: پاک فوج کے سے پاک فوج
پڑھیں:
بھارتی پروپیگنڈا مشینری فتنہ الخوارج کی حمایت میں سرگرم، پاکستان کے خلاف جھوٹا بیانیہ پھیلانے کی سازش بے نقاب
اسلام آباد: بھارتی اور افغان سوشل میڈیا اکاؤنٹس پاکستان کے خلاف منظم جھوٹ پھیلانے میں سرگرم ہیں۔
رپورٹس کے مطابق یہ اکاؤنٹس فتنہ الخوارج نامی دہشت گرد گروہ کی حمایت میں پروپیگنڈا کر رہے ہیں تاکہ خطے میں بدامنی اور انتشار پیدا کیا جا سکے۔
ذرائع کے مطابق بھارتی پروپیگنڈا نیٹ ورک نے فتنہ الخوارج کے میڈیا ونگ “اوسینٹ ٹی وی” کا حوالہ دیتے ہوئے جھوٹا دعویٰ کیا کہ پاک فوج کے کچھ اہلکاروں نے طالبان میں شمولیت اختیار کرلی ہے۔ تاہم سیکیورٹی ذرائع نے واضح کیا ہے کہ ایسا کوئی واقعہ نہ تو پیش آیا ہے اور نہ ہی کہیں رپورٹ ہوا ہے۔
ماہرین کے مطابق یہ بھارتی اور افغان اکاؤنٹس ایک مربوط ڈس انفارمیشن مہم کے ذریعے پاکستان کی سیکیورٹی فورسز کے خلاف نفرت انگیز مہم چلا رہے ہیں۔ بتایا گیا ہے کہ یہ سارا پروپیگنڈا مودی حکومت کی ایماء پر چلایا جا رہا ہے تاکہ پاکستان کو عالمی سطح پر بدنام کیا جا سکے۔
پاکستانی حکام نے اس طرح کی جھوٹی مہمات کو مکمل طور پر مسترد کرتے ہوئے کہا ہے کہ ملک دشمن عناصر کے پروپیگنڈے سے ریاستی ادارے مرعوب نہیں ہوں گے۔
ایسی 3 عادات جو مدافعتی نظام کو مضبوط کرتی ہیں