آئی جی پنجاب کا سرگودھا کا دورہ; پولیس خدمت مرکز اور سیف سٹی پراجیکٹ کا تفصیلی جائزہ لیا
اشاعت کی تاریخ: 30th, October 2025 GMT
سٹی 42 : آئی جی پنجاب ڈاکٹر عثمان انور کا سرگودھا کے دورے کے دوران پولیس خدمت مرکز اور سیف سٹی پراجیکٹ کا تفصیلی جائزہ لیا۔
انسپکٹر جنرل آف پولیس پنجاب ڈاکٹر عثمان انور نے سرگودھا کادورہ کیا۔ اس موقع پر آر پی او محمد شہزاد آصف خان، ڈی پی او صہیب اشرف، ڈسٹرکٹ ٹریفک آفیسر سمیت دیگر سینئر پولیس افسران موجود تھے۔آئی جی پنجاب نے اپنے دورے کے دوران سیف سٹی سرگودھا، آر پی او آفس، پولیس خدمت مرکز، زیر تعمیر ٹریفک اور ڈی پی او دفاتر کا معائنہ کیا اور جاری ترقیاتی و انتظامی امور کا جائزہ لیا۔
وزیراعظم شہباز شریف سے وزیر داخلہ محسن نقوی کی ملاقات
آر پی او سرگودھا محمد شہزاد آصف خان نے آئی جی پنجاب کو سیف سٹی سرگودھا کی کارکردگی اور جرائم کی سرکوبی کے لیے کیے گئے اقدامات کے بارے میں تفصیلی بریفنگ دی۔ آر پی او سرگودھا نے بتایا کہ سیف سٹی کیمروں کی مدد سے شہر میں جرائم کی شرح میں 21 فیصد کمی ریکارڈ کی گئی ہے۔
آئی جی پنجاب نے سیف سٹی پراجیکٹ کی کارکردگی کو سراہتے ہوئے ہدایت کی کہ مانیٹرنگ سسٹم کو مزید مؤثر بنایا جائے اور جدید ٹیکنالوجی کے ذریعے عوامی تحفظ کو یقینی بنایا جائے۔ انہوں نے یہ بھی کہا کہ تعلیمی اداروں کے طلبا و طالبات کو سیف سٹی سرگودھا کے وزٹ کروائے جائیں تاکہ وہ سیف سٹی کی افادیت اور اہمیت سے آگاہ ہو سکیں۔
چارکروڑانسانوں کےکھانےکی امدادبند؛ سپرپاورکی گلیوں میں کہرام کا آغاز
علاوہ ازیں آئی جی پنجاب نے آر پی او آفس سرگودھا کے مختلف شعبہ جات کا بھی دورہ کیا، ریکارڈ کا جائزہ لیا اور عملے سے فراہم کردہ سہولیات کے بارے میں استفسار کیا۔ بعد ازاں انہوں نے پولیس خدمت مرکز سرگودھا میں شہریوں کو دی جانے والی سہولیات کا مشاہدہ کیا اور عوامی سہولت کے لیے مزید بہتری کی ہدایت جاری کی۔
دورے کے دوران آئی جی پنجاب نے زیر تعمیر ٹریفک دفاتر اور ڈی پی او آفس کے کام کی رفتار کا جائزہ لیتے ہوئے تعمیراتی عمل تیز کرنے کی ہدایت کی۔
میں نے پہلے ای چالان کی معافی کی ہدایت جاری کر دی ہے؛ مراد علی شاہ
.
ذریعہ
ذریعہ: City 42
کلیدی لفظ: پولیس خدمت مرکز جائزہ لیا آر پی او سیف سٹی
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار