ستھرا پنجاب منصوبہ عالمی توجہ کا مرکز، بین الاقوامی سطح پر پذیرائی حاصل
اشاعت کی تاریخ: 13th, December 2025 GMT
پنجاب حکومت کا ستھرا پنجاب پروجیکٹ صرف مقامی سطح تک محدود نہیں رہا بلکہ اب عالمی سطح پر بھی اس کی کامیابی کے چرچے ہونے لگے ہیں۔ صفائی اور ویسٹ مینجمنٹ کے اس منفرد ماڈل نے بین الاقوامی اداروں کی توجہ اپنی جانب مبذول کرالی ہے۔
برطانوی نشریاتی ادارے بی بی سی کے مطابق یہ تاریخ میں پہلی مرتبہ ہوا ہے کہ کسی برطانوی شہر کے والنٹیئرز گروپ نے صفائی کے نظام کو بہتر بنانے کے لیے پنجاب کے تجربے سے رہنمائی حاصل کی ہو۔
رپورٹ میں بتایا گیا ہے کہ برطانیہ کے شہر برمنگھم میں کوڑے دانوں کے بھر جانے اور بار بار ہونے والی ہڑتالوں جیسے سنگین مسائل کے حل میں ستھرا پنجاب ماڈل کو مؤثر قرار دیا گیا۔
بی بی سی کا کہنا ہے کہ پنجاب کا ویسٹ مینجمنٹ پلان اب دنیا بھر کے شہروں اور اداروں کے لیے ایک قابلِ تقلید مثال بنتا جا رہا ہے، جہاں جدید طریقوں سے کچرے کے مسائل حل کیے جا رہے ہیں۔
اس منصوبے کی عالمی سطح پر پذیرائی کا اندازہ اس بات سے بھی لگایا جا سکتا ہے کہ کوپ 30 میں پاکستان پویلین پر ستھرا پنجاب پروگرام کی تفصیلات پیش کی گئیں، جبکہ عالمی جریدے بلوم برگ نے بھی ستھرا پنجاب کے ویسٹ ٹو ویلیو پروجیکٹ کو ایک اہم اور مستقبل دوست منصوبہ قرار دیا ہے۔
ستھرا پنجاب منصوبہ نہ صرف صفائی کے نظام کو بہتر بنا رہا ہے بلکہ پاکستان کا مثبت اور ترقی پسند تشخص بھی دنیا کے سامنے اجاگر کر رہا ہے۔
ذریعہ: Daily Mumtaz
کلیدی لفظ: ستھرا پنجاب
پڑھیں:
سعودی عرب میں مسٹر بیسٹ کی پہلی ویڈیو نے ریکارڈ توڑ دی، ریاض سیزن میں عالمی توجہ کا مرکز
ریاض سیزن 2025 کے دوران امریکی یوٹیوبر مسٹر بیسٹ کی سعودی عرب میں فلمائی گئی پہلی ویڈیو نے چند ہی دنوں میں کروڑوں ناظرین کو اپنی جانب متوجہ کر لیا ہے جسے اب تک ساڑھے 7 کروڑ سے زائد لوگوں نے دیکھ لیا ہے۔
اس ویڈیو نے ریلیز کے بعد مختصر مدت میں تقریباً 7 کروڑ 20 لاکھ ویوز حاصل کر لیے۔ ویڈیو میں مختلف ممالک کے 100 پائلٹس نے 24 لاکھ ڈالر مالیت کے پرائیویٹ جیٹ کے لیے منفرد اور مسابقتی چیلنجز میں حصہ لیا۔
یہ بھی پڑھیے: ریاض سیزن میں مسٹر بیسٹ کا ’بیسٹ لینڈ‘ زون کھل گیا، لاکھوں ریال کے انعامات
یہ انداز مسٹر بیسٹ کی روایتی، بڑے پیمانے پر فلمائی گئی اور بھاری انعامات پر مبنی ویڈیوز کا تسلسل ہے، جنہوں نے انہیں عالمی سطح پر بے انتہا مقبول بنایا ہے۔
ریاض سیزن کے منتظمین کا کہنا ہے کہ مسٹر بیسٹ کے ساتھ یہ اشتراک اس تہوار کی بڑھتی ہوئی بین الاقوامی اہمیت کا ثبوت ہے۔ یوٹیوبر جمی ڈونلڈسن المعروف مسٹر بیسٹ جو2012 سے ویڈیوز بنا رہے ہیں، آج 450 ملین سے زائد سبسکرائبرز کے ساتھ دنیا کے سب سے بڑے آن لائن کریئیٹرز میں شمار ہوتے ہیں۔ ان کا کاروباری دائرہ کار اسپانسرشپس، کنزیومر مصنوعات اور فوڈ برانڈز تک پھیلا ہوا ہے۔
یہ بھی پڑھیے: ریاض سیزن 2025: تینوں بڑے خانز اور مسٹر بیسٹ ایک ساتھ جمع
مسٹر بیسٹ کی تیز رفتار کامیابی کے ساتھ تنازعات بھی جڑے رہے ہیں۔ ان کے ریئلٹی شو “The Beast Games” پر کام کرنے والوں نے مبینہ طور پر غیر محفوظ ماحول، ہراسانی اور واجبات کی عدم ادائیگی سے متعلق مقدمات دائر کیے، جنہیں ڈونلڈسن نے مسترد کیا ہے۔
ریاض سیزن کی یہ شراکت سعودی دارالحکومت کو عالمی سطح پر ایک بڑی تفریحی منزل کے طور پر مستحکم کرنے کی وسیع تر کوششوں کا حصہ ہے۔ گزشتہ سال یہ ایونٹ 135 ممالک سے 2 کروڑ سے زائد افراد کو اپنی جانب کھینچ چکا ہے، اور اس مرتبہ منتظمین مزید زیادہ شرکت کی توقع کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر