ضلع وسطی' تھانہ گلبرگ کی حدود میں آئس کی فروخت ،ویڈیو موصول
اشاعت کی تاریخ: 10th, November 2025 GMT
موسیٰ کالونی میں کھلے عام آئس بیچنے والے شخص نے منشیات ڈیلر فائز کا نام بتا دیا
اہل علاقہ نے منشیات فروشوں کیخلاف ڈی جی سندھ رینجرز کو درخواست جمع کرادی
(رپورٹ؍ ایم جے کے)ضلع وسطی’ تھانہ گلبرگ کی حدود میں آئس کی فروخت جاری ویڈیو موصول، موسی کالونی میں کھلے عام آئس بیچنے والے شخص نے منشیات ڈیلر فائز کا نام بتا دیا، اہل علاقہ نے منشیات فروشوں کے خلاف ڈی جی سندھ رینجرز کو درخواست جمع کرا دی۔ علاقہ اور تھانہ باوثوق ذرائع کے مطابق ضلع وسطی تھانہ گلبرگ کی حدود موسی کالونی میں جہاں جوا سٹہ چلانے والے اور گٹکا و ماوا بیچنے والے کھلے عام ہفتہ اور ماہانہ دے کر اپنا کالا دھندہ چلا رہے ہیں وہیں موسی کالونی ریلوے پھاٹک کے پاس جہاں مرغی خانہ بھی ہے وہاں پر منشیات ڈیلر فائز اپنے کارندوں کے ہاتھ کھلے عام آئس اور دیگر منشیات فروخت کروا رہا ہے ہفتہ تھانہ گلبرگ کو دے کر، نمائندہ جرأت کو موصول ویڈیو میں منشیات فروخت کرنے والے شخص کا کہنا ہے کہ یہ منشیات فائز نامی شخص کی ہے جسے میں دیھاڑی پر بیچتا ہوں، ذرائع نے مزید بتایا کہ فائز، شاہ رخ اور شہریار یہ تین بھائی ہیں اور یہ تینوں عامر کالا اور شاکر بنگالی کے لیے کام کرتے ہیں اور انہی کا مال ہر طرح کی (منشیات و گٹکا ماوا) باسط اور اپنے دیگر کارندوں کے ہاتھوں دیھاڑی پر فروخت کرواتے ہیں تھانہ گلبرگ اور تھانہ شریف آباد کی حدود میں، ذرائع نے یہ بھی بتایا کہ تھانہ گلبرگ موسی کالونی کی حدود میں ایک گھر ایسا بھی ہے جہاں ایک خاتون کھڑکی سے منشیات فروخت کرتی ہیں، جس کی تفصیلات بھی بہت جلد منظر عام پر لائی جائیں گی۔ تھانہ گلبرگ موسی کالونی کے علاقہ مکینوں کا کہنا ہے کہ اگر علاقے کا کوئی فرد ان منشیات فروشوں کے خلاف تھانے میں شکایت کرتا ہے تو یہ تمام لوگ جھنڈ کی صورت میں اس فرد کے گھر پر پہنچ کر اسے مارتے ہیں اور ساتھ ہی اس کے خلاف پٹیشن کے ذریعے جعلی مقدمہ درج کروا دیتے ہیں اور ان تمام کاموں میں تھانہ گلبرگ، تھانہ شریف آباد ان منشیات فروشوں کا ساتھ دیتا ہے نہ کہ ان لوگوں کا جو ان منشیات فروشوں کی شکایت کرتے ہیں، اسی وجہ سے گلبرگ موسی کالونی علاقہ مکین نے ڈی جی سندھ رینجرز کو ان منشیات فروشوں کے خلاف درخواست جمع کروا دی جس میں ان کا کہنا ہے کہ "درخواست اہلیان علاقہ موسیٰ کالونی کے لوگوں کی طرف سے دی جارہی ہے، موسیٰ کالونی کے علاقے میں عامر عرف کالا، شاکر بنگالی اور اس کے گروہ میں شامل 10 سے 12 افراد شامل ہیں جو کہ موسیٰ کالونی کے علاقے میں منشیات کا کام بڑی دیدہ دلیری سے کر رہے ہیں، جس میں آئس، Pills کینڈی، گٹکاو ماوا وغیرہ کا گھناؤنا کام شامل ہے اس کو روکنے کی جس نے بھی کوشش کی یا اسکے خلاف آواز اٹھائی تو یہ لوگ چھوٹی F۔I۔R اور سٹی کورٹ سے چھوٹی پٹیشن لگا کر اسے بلیک میل اور خوفزدہ کر دیتے ہیں، عامر عرف کالا اور شاکر بنگالی اپنے گینگ کے ساتھ ان لوگوں کے گھروں پر دھاوا بول دیتا ہے اور انہیں تشدد کا نشانہ بنا کر خوب زدوکوب کرتا ہے، انکے خلاف مختلف تھانوں میں F۔I۔R بھی درج ہیں لیکن یہ اپنا اثر و رسوخ استعمال کر کے با آسانی آزادانہ گھوم رہا ہے اس منشیات کے گھناؤنے کام سے موسیٰ کالونی کی نوجوان نسل تیزی سے تباہ حالی کا شکار ہوتی جارہی ہے اور اب تو یہ حال ہے کہ خواتین بھی اس نشہ آور Pills کینڈی اور آئس کے نشے میں مبتلا ہوچکی ہیں، جناب اس مسئلے پر فوری توجہ دی جائے اور انکے خلاف سخت سے سخت قانونی کاروائی عمل میں لاکر ان جرائم پیشہ افراد کو کیفر کردار تک پہنچایا جائے تاکہ موسیٰ کالونی کی عوام کو ان سے نجات مل سکے”۔ اہل علاقہ موسیٰ کالونی کے لوگ آپ کو بڑی امید سے یہ درخواست دے رہے ہیں عین نوازش ہوگی، یہ اہل علاقہ کی درخواست کا متن ہے جو انہوں نے ڈی جی رینجر سندھ کو جمع کروائی، اس کے علاوہ اہل علاقہ گلبرگ موسی کالونی نے آء جی سندھ، ایڈیشنل آئی جی کراچی، ڈی آئی جی، ایس ایس پی اسپیشل برانچ، ڈی آئی جی ویسٹ زون اور ایس ایس پی سینٹرل سے بھی مطالبہ کیا ہے کہ خدارا ہم پر رحم کی نظر کریں اور ہماری ‘نوجوان نسل’ کو برباد ہونے سے بچائیں اور ان تمام جرائم پیشہ عناصر کیخلاف جلد سے جلد اور سخت سے سخت کاروائی کریں۔
.
ذریعہ
ذریعہ: Juraat
کلیدی لفظ: گلبرگ موسی کالونی ان منشیات فروشوں تھانہ گلبرگ کی حدود میں اہل علاقہ کالونی کے نے منشیات کھلے عام کے خلاف ہیں اور اور ان
پڑھیں:
مشرقِ وسطیٰ کشیدگی کے اثرات، اسٹاک ایکسچینج میں 1,200 سے زائد پوائنٹس کی کمی
مشرقِ وسطیٰ میں بڑھتی ہوئی کشیدگی کے باعث سرمایہ کاروں کے اعتماد کو دھچکا پہنچا ہے، جس کے نتیجے میں پاکستان اسٹاک ایکسچینج میں جمعہ کو بھی فروخت کا دباؤ برقرار رہا۔
آج کاروبار کے پہلے نصف حصے میں بینچ مارک کے ایس ای 100 انڈیکس 1,200 سے زائد پوائنٹس کی کمی کا شکار ہوگیا۔
دوپہر 12 بج کر 5 منٹ پرانڈیکس 170,475.30 پوائنٹس پر ٹریڈ کر رہا تھا، جو 1,264.14 پوائنٹس یعنی 0.74 فیصد کمی کو ظاہر کرتا ہے۔
یہ بھی پڑھیں: عالمی کشیدگی سے سرمایہ کار محتاط، پاکستان اسٹاک مارکیٹ مندی سے دوچار
مارکیٹ میں فروخت کا رجحان آٹوموبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں، آئل مارکیٹنگ کمپنیوں (او ایم سیز) اور بجلی پیدا کرنے والے شعبوں میں نمایاں رہا۔
حب پاور، اٹک ریفائنری لمیٹڈ، ماری انرجیز، او جی ڈی سی ایل، پاکستان پیٹرولیم لمیٹڈ، حبیب بینک، مسلم کمرشل بینک، میزان بینک اور نیشنل بینک جیسے زیادہ وزن رکھنے والے شیئرز مندی کے ساتھ کاروبار کرتے رہے۔
Market is down at midday ????
⏳ KSE 100 is negative by -1253.65 points (-0.73%) at midday trading. Index is at 170,485.8 and volume so far is 113.98 million shares (12:00 PM) pic.twitter.com/DtJJR8AXhS
— Investify Pakistan (@investifypk) July 24, 2026
جمعرات کو بھی پاکستان اسٹاک ایکسچینج شدید دباؤ کا شکار رہی تھی، جب کے ایس ای 100 انڈیکس 2,690.48 پوائنٹس یعنی 1.54 فیصد کمی کے بعد 171,739.45 پوائنٹس پر بند ہوا تھا۔
ماہرین کے مطابق امریکا اور ایران کے درمیان بڑھتی ہوئی جغرافیائی کشیدگی اور عالمی منڈی میں خام تیل کی قیمتوں میں تیزی نے سرمایہ کاروں میں خدشات بڑھا دیے ہیں، جس کے باعث مختلف شعبوں میں بڑے پیمانے پر فروخت دیکھنے میں آئی۔
عالمی منڈیوں میں بھی مندیعالمی سطح پر بھی ایشیائی اسٹاک مارکیٹوں میں جمعہ کو نمایاں کمی دیکھی گئی، جبکہ برینٹ خام تیل کی قیمت بڑھ کر 100.85 ڈالر فی بیرل تک پہنچ گئی۔
گزشتہ روز اس میں تقریباً 7 فیصد اضافہ ریکارڈ کیا گیا تھا اور قیمت مختصر طور پر 102 ڈالر فی بیرل تک جا پہنچی۔
مزید پڑھیں: عالمی معیشت میں بہتری: اسٹاک مارکیٹ اور سونے چاندی میں سرمایہ کاری کب کی جائے؟
تیل کی قیمتوں میں یہ اضافہ ایران سے منسلک حوثی گروپ کی جانب سے بحیرہ احمر میں سعودی آئل ٹینکروں پر حملوں اور آبنائے ہرمز کی بندش کے خدشات کے باعث سامنے آیا، جس سے عالمی تیل کی رسد متاثر ہونے کا اندیشہ پیدا ہوگیا ہے۔
دوسری جانب امریکا کی جانب سے 60 تجارتی شراکت دار ممالک کی درآمدات پر مزید ٹیرف عائد کرنے کے فیصلے نے بھی مہنگائی کے خدشات میں اضافہ کر دیا ہے۔
مالیاتی منڈیوں میں یہ توقع بھی زور پکڑ رہی ہے کہ عالمی مرکزی بینک سخت مانیٹری پالیسی اختیار کر سکتے ہیں۔
سرمایہ کاروں کے مطابق امریکی فیڈرل ریزرو کی جانب سے آئندہ ہفتے ہی شرح سود میں اضافے کا امکان ایک تہائی تک پہنچ چکا ہے، جبکہ ستمبر میں شرح سود بڑھانے کا امکان تقریباً یقینی سمجھا جا رہا ہے۔
مزید پڑھیں: لائیو اسٹاک اور زراعت پر توجہ دے کر ایک سال میں معیشت بہتر کی جا سکتی ہے، وزیراعظم شہباز شریف
ادھر یورپی مرکزی بینک نے اگرچہ اپنی حالیہ میٹنگ میں شرح سود برقرار رکھی، تاہم مالیاتی منڈیوں میں ستمبر میں شرح سود میں اضافے کے امکانات تقریباً 70 فیصد تک پہنچ گئے ہیں۔
ایشیائی منڈیوں میں ایم ایس سی آئی ایشیا پیسیفک انڈیکس میں ایک فیصد، جاپان کے نکی انڈیکس میں 2.9 فیصد جبکہ جنوبی کوریا کے کوسپی انڈیکس میں 3.7 فیصد کمی ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبنائے ہرمز آئل ٹینکر اسٹاک ایکسچینج انڈیکس بحیرہ احمر پاکستان حبیب بینک حوثی سیمنٹ مانیٹری پالیسی میزان بینک نیشنل بینک
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم