تھانہ شریف آباد، جرائم پیشہ و منشیات فروش کی سرپرستی کرنے لگا
اشاعت کی تاریخ: 9th, November 2025 GMT
غریب آباد و ایف سی ایریاریلوے پھاٹک پر سر عام گٹکا ماوا، نشہ وار گولی، آئس، پاؤڈر سرعام بکنے لگے، علاقہ ذرائع
شاکر عرف بنگالی، عامر عرف کالا، عبد الرحمن عرف نونی، عمران عرف کمانڈو، نوید عرف مچھلی والا کا کالا دھندہ عروج پر
(رپورٹ؍ ایم جے کے)تھانہ شریف آباد جرائم پیشہ و منشیات فروش کی سرپرستی کرنے لگی، ریلوے پھاٹک پر سر عام گٹکا ماوا، نشہ وار گولی (Pill Candy)، آئس، پاؤڈر سرعام بکنے لگے، شاکر عرف بنگالی، عامر عرف کالا، عبد الرحمن عرف نونی، عمران عرف کمانڈو، نوید عرف مچھلی والا کا کالا دھندہ عروج پر۔ علاقہ ذرائع کے مطابق ضلع وسطی تھانہ شریف آباد جرائم پیشہ و منشیات فروش کی سربراہی سرپرستی کرنے لگی، تھانہ شریف آباد کی حدود غریب آباد و ایف سی ایریا ریلوے پھاٹک پر سر عام مضر صحت گٹکا ماوا، نشہ وار گولی (Pill Candy)، آئس، پاؤڈر سر عام بکنے لگے، بیچنے والے جرائم پیشہ عناصر جن میں شاکر عرف بنگالی جو عادی نشء اور منشیات فروشوں کی سربراہی سرپرستی کرنے والا جو کہ متعدد بار جیل جا چکا ہے، عامر عرف کالا جو پولیس کو مطلوب اور مفرور ہے بس ایف آئی آر اور کاغذوں تک، عبدالرحمن عرف نونی، عمران عرف کمانڈو، نوید عرف مچھلی والا کا کالا دھندہ عروج پر ہیں، ان منشیات فروشوں کی وجہ سے نوجوان نسل برباد و تباہی کی طرف جا رہی ہے اور علاقائی تھانے کی پولیس ہفتہ اور ماہانہ رقم(رشوت) کے عوض اور کچھ باورچی جیسے افراد کے دباؤ میں آکر خاموش تماشائی و بے بس لاچار بنے ہوئے ہیں، سندھ رینجرز، آئی جی سندھ، ایڈیشنل آئی جی کراچی، ڈی آئی جی اسپیشل برانچ، ڈی آئی جی ویسٹ زون اور ایس ایس پی سینٹرل سے اہلیانِ علاقہ نے مطالبہ کیا ہے کہ خدارا ہم پر رحم کی نظر کریں اور ہماری ‘نوجوان نسل’ کو برباد ہونے سے بچائیں اور ان تمام جرائم پیشہ عناصر کیخلاف جلد سے جلد اور سخت سے سخت کاروائی کی جائے۔
.
ذریعہ
ذریعہ: Juraat
کلیدی لفظ: تھانہ شریف ا باد سرپرستی کرنے جرائم پیشہ
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار