سڑکوں پر دھند سے حادثات میں 5 جاں بحق، کئی موٹرویزبند
اشاعت کی تاریخ: 12th, December 2025 GMT
سٹی42: دھند کے باعث سڑکوں پر ٹریفک کے حادثات بڑھ گئے، دھند کے سبب ہونے والے حادثات میں5 افراد جاں بحق 20 سے زائد زخمی ہوگئے، موٹر وے کئی مقامات پر بند کر دی گئی۔
موسم سرد ہوتے ہی پنجاب اور سندھ میں دھند کے سائے گہرے ہونے لگے ہیں۔ کہر کے باعث حد نگاہ کم ہونے سے حادثات میں اضافہ ہو گیا ہے جب کہ انسانی جانوں کے تحفظ کے لیے موٹر وے کو مختلف مقامات پر بند کر دیا گیا ہے۔
کشمیر میں بارش نہ ہونے کے سبب خشک سالی, خطرے کی گھنٹی بجا دی گئی
سندھ میں دنیا پور میں نیشنل ہائی وے پر دھند کے باعث تیز رفتار ٹرالر ٹول پلازہ بوتھ سے ٹکرا گیا، جس کے نتیجے میں ایک شخص جاں بحق جب کہ دو زخمی ہوگئے۔
خیرپور میں ٹنڈومستی قومی شاہراہ پر دھند کے باعث ٹریفک حادثے میں خواتین اور بچوں سمیت 12 افراد زخمی ہوگئے۔ زخمیوں کو اسپتال منتقل کیا گیا، جہاں 5 کی حالت تشویشناک بتائی جاتی ہے۔
سجاول دھند کے باعث ٹرک نے موٹر سائیکل کو ٹکر مار دی جس کے نتیجے میں موٹر سائیکل سوار موقع پر دم توڑ گیا۔
انگاروں پر چلنے والے آٹھ انسانوں کے ساتھ "سوشل میڈیا انصاف" کے بعد کیا ہوا؟
پنڈی شیخ روڈ پر موٹر سائیکل اور چنگچی میں ٹکر کے نتیجے میں دو افراد جاں بحق اور دو زخمی ہوئے جب کہ صادق آباد قومی شاہراہ پر دھند کے باعث بس کھڑے کنٹینر سے ٹکرا گئی، جس کے نتیجے میں ایک شخص جان سے گیا اور تین زخمی ہوئے۔
دھند کے دوران حدِ نظر کو بہتر بنانے کے لئے استعمال کی جانے والی فوگ لائتس بھی ھادثات کا باعث بن رہی ہیں۔ بعض لوگ فوگ لائٹ کی اتنی شدید بیم استعمال کر رہے ہیں جو سامنے آنے والوں کے لئے سڑک پر کچھ نطر آنا ممکن نہیں رہنے دیتی۔
موٹروے ایم 5 بند
دوسری جانب پنجاب میں شدید دھند کے باعث انسانی جانوں کے تحفظ کے لیے موٹر وے کے مختلف سیکشنز بند کر دیے گئے ہیں۔
ترجمان موٹروے کے مطابق موٹروے ایم ٹو لاہور سے ہرن مینار تک دھند کی وجہ سے بند کیا گیا ہے۔ موٹر وے ایم تھری فیض پور سے درخانہ تک، لاہور سیالکوٹ موٹر وے ایم الیون، موٹر وے ایم فور گوجرہ سے ملتان تک، موٹر وے ایم فائیو ملتان شیر شاہ انٹرچینج سے ظاہر پیر تک بند کیا گیا ہے۔
سندھ میں موٹروے ایم فائیو گڈو انٹر چینج سے روہڑی تک، موٹر وے ایم فائیو ملتان سے ظاہر پیر تک اور موٹر وے ایم فائیو گھوٹکی سے روہڑی تک دھند کی وجہ سے بند ہے۔
بلغاریہ میں پر تشدد احتجاج، وزیراعظم نے استعفیٰ دے دیا
Waseem Azmet.
ذریعہ
ذریعہ: City 42
کلیدی لفظ: کے نتیجے میں دھند کے باعث وے ایم فائیو موٹر وے ایم گیا ہے
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ