وفاقی دارالحکومت میں 4روزہ انسداد پولیو مہم کا آغازہوگیا
اشاعت کی تاریخ: 12th, December 2025 GMT
اسلا م آباد(نیوزڈیسک) مہم کا افتتاح ڈی سی اسلام آباد کی جانب سے فیض آباد بس اڈے پر مسافر بچے کو قطرے پلا کر کیا گیا پولیو مہم کا حدف 4 لاکھ 61 ہزار 125 بچے مقرر ،پولیو ٹیمز 80 یونین کونسلز میں گھر گھر قطرے پلانے جائیں گی۔ وفاقی دارالحکومت میں چار روزہ انسداد پولیو مہم کا باقاعدہ آغاز ہوگیا۔ مہم کا افتتاح ڈپٹی کمشنر اسلام آباد نے فیض آباد بس اڈے پر ایک مسافر بچے کو پولیو سے بچاؤ کے قطرے پلا کر کیا۔ اس موقع پر اے ڈی سی ایسٹ، اے سی سٹی، انسداد پولیو پروگرام اور ڈبلیو ایچ او کے نمائندے بھی موجود تھے۔
انتظامیہ کے مطابق پولیو مہم کا ہدف 4لاکھ 61ہزار 125بچوں کو حفاظتی قطرے پلانا ہے۔
مہم میں7ہزار 62پولیو ورکرز اور 805سپروائزرز شریک ہیں جو شہر کی 80 یونین کونسلز میں گھر گھر جا کر بچوں کو حفاظتی قطرے پلائیں گے۔ علاوہ ازیں تمام اسکولز، عوامی مقامات اور ہسپتالوں میں بھی پولیو ٹیمیں تعینات کی گئی ہیں۔ڈی سی اسلام آباد نے شہریوں سے اپیل کی کہ وہ پولیو ٹیموں کے ساتھ بھرپور تعاون کریں۔ انہوں نے کہا کہ والدین کے تعاون کے بغیر پولیو کا مکمل خاتمہ ممکن نہیں۔ ڈپٹی کمشنر نے کہا کہ اگر کسی علاقے میں پولیو ٹیمیں نہ پہنچ سکیں تو شہری ضلعی انتظامیہ کو فوری طور پر آگاہ کریں۔
ذریعہ
ذریعہ: Daily Mumtaz
کلیدی لفظ: پولیو مہم کا
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار