ناظم آبادد ٹاؤن میں ترقیاتی سفر دن بدن آگے بڑھ رہا ہے‘وجیہ حسن
اشاعت کی تاریخ: 14th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)امیر جماعت اسلامی ضلع وسطی سیدوجیہ حسن نے چیئر مین ناظم آباد ٹاؤ ن سید محمد مظفر اور وائس چیئر مین محمد نعمان صدیقی اور میونسپل کمشنر اطہر سعید خان کے ہمراہ یونین کمیٹی نمبر04 مبین آٹوز روڈ اور یونین کمیٹی نمبر 01 بورڈ آفس روڈ(ایجوکیشنل ماڈل اسٹریٹ) کا پیور بلاک کے ذریعے تعمیر مکمل کر نے کے بعد باقاعدہ افتتاح کیا۔ اس موقع پر یو سی چیئرمینز، وائس چیئرمینز،ڈائریکٹر سینی ٹیشن ظہیر احمد، ڈائر یکٹر انفارمیش فہیم مصطفی، فوکل پرسن کلک عثمان غنی،ڈائریکٹر پارکس آصف حسین ودیگر افسران بھی ان کے ہمراہ موجود تھے۔افتتاح کا آغاز ربن کاٹ کے ہوا۔ افتتاح کے بعد عوام سے گفتگو کرتے ہوئے امیر جماعت اسلامی ضلع وسطی سیدوجیہ حسن نے کہا کہ ناظم آبادد ٹاؤن میں ترقیاتی سفر دن بدن آگے بڑھ رہا ہے۔ مبین آٹوز روڈ اور بورڈ آفس روڈکو اعلیٰ معیار کے مطابق پیور بلاک کے ذریعے مکمل کرنا عوامی خدمت کے عزم کا واضح ثبوت ہے۔انہوں نے مزید کہاکہ ناظم آباد کے پمپنگ اسٹیشن ٹاؤن انتظامیہ کی اپنی مدد آپ کے تحت فعال ہو چکے ہیں۔ انہوں نے بتایا کہ چیئرمن ناظم آباد ٹاؤن کی جانب سے واٹر کارپوریشن کو باقاعدہ خط لکھا گیا ہے، تاہم جواب نہ ملنے کی صورت میں یہ پمپ ناظم آباد ٹاؤن خود ہی چلانے اور ان کا انتظام سنبھالنے پر مجبور ہوگا، ٹاؤن انتظامیہ اپنے اختیارات سے بڑھ کر عوامی مسائل کے حل کے لیے کام کر رہی ہے۔تقریب سے خطاب کرتے ہوئے چیئرمن ناظم آباد ٹاؤن سید محمد مظفر نے کہا کہ ماضی میں ان سڑکوں کی خستہ حالی کی بڑی وجہ زیرِ زمین واٹر اینڈ سیوریج کے بگڑے ہوئے نظام اور طویل عرصے سے بروقت مرمت نہ ہونا تھا، جس کے باعث عوام کو شدید مشکلات کا سامنا تھا۔ انہوں نے کہا کہ ٹاؤن کے محدود وسائل کے باوجود ناظم آباد ٹاؤن کے فنڈز سے سڑکوں کی تعمیر و بحالی کے ساتھ ساتھ پانی کی فراہمی اور نکاسی آب کی پرانی و ناکارہ لائنوں کو بھی تبدیل کیا گیا ہے تاکہ مستقبل میں سڑکیں دوبارہ ٹوٹ پھوٹ کا شکار نہ ہوں۔چیئرمن سید محمد مظفر نے اس عزم کا اظہار کیا کہ ناظم آباد ٹاؤن میں پائیدار ترقیاتی کاموں کو ترجیح دی جا رہی ہیوائس چیئر مین محمد نعمان صدیقی نے بھی چیئرمین سید محمد مظفر کی خصوصی توجہ اور تعاون کو سراہتے ہوئے کہا کہ مبین آٹوز روڈ اور بورڈ آفس روڈ کا پیور بلاک کاکام شہریوں کے لیے ایک اہم سہولت ہے۔
ذریعہ
ذریعہ: Jasarat News
کلیدی لفظ: ناظم ا باد ٹاو ن کہا کہ
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار