اینکر محمد جنید دلہنیا کو بیاہ لائے
اشاعت کی تاریخ: 12th, January 2025 GMT
نکاح کے 7 ماہ بعدنجی ٹی وی کے معروف اینکر محمد جنید اپنی دلہنیا کو بیاہ کر لے آئے۔
محمد جنید نے گزشتہ سال 2 جون کو آمنہ نامی خاتون سے نکاح کیا تھا اور دلچسپ انداز میں اس کی اطلاع سوشل میڈیا پر دی تھی۔
انہوں نے خبریں پڑھنے کے آئیکونک اسٹائل کو اپنایا اور خوبصورت کیپشن بھی لکھا جو کچھ اس طرح تھا کہ ’آج رات 9 بجے کی خبر یہ ہے کہ الحمداللہ میں نے نکاح کرلیا ہے۔’
محمد جنید کا نکاح معروف مذہبی اسکالر مفتی مینب الرحمان نے پڑھایا تھا اور تقریب میں محمد جنید کے عزیز و اقارب اور قریبی دوستوں سمیت معروف شخصیات نے شرکت کی۔
گزشتہ ماہ دسمبر میں ان کی شادی کے سلسلے میں فنکشنز کا آغاز ہوا تھا اور اس سلسلے میں جو سب سے پہلی تصاویر سامنے آئیں وہ ان کی ڈھولکی کے فنکشن کی معلوم ہوتی تھیں۔
ڈھولکی میں ان کے ساتھی اینکرز ہما امیر شاہ، شاہزیب خانزادہ، اینکر مبشر ہاشمی اور دیگر رونق جماتے ہوئے نظر آئے تھے۔
جس کے بعد اب وہ باقاعدہ بارات لے کر دلہنیا کو رخصت کروا کر لے آئے۔
محمد جنید کی شادی کی تصاویر سب سے پہلے اینکر پرسن ماریہ میمن نے شیئر کی تھیں۔
اپنی انسٹاگرام اسٹوری میں محمد جنید اور ان کی اہلیہ کے ہمراہ تصویر شیئر کرتے ہوئے ماریہ میمن نے دلچسپ کیپشن میں لکھا کہ ‘ان پرانے جوڑوں کی طرح محسوس ہورہا ہے جو نئے نویلوں کو دعائیں دینے آتے ہیں’۔
شادی میں شرکت کے لیے ماریہ میمن نے اسلام آباد سے لاہور کا سفر کیا جس سے اندازہ ہوتا ہے کہ محمد جنید کی شادی کی تقریب لاہور میں منعقد ہوئی۔
بعدازاں محمد جنید نے اپنی انسٹاگرام اسٹوری پر اپنی اور دلہن کی تصویر شیئر کر کے کیپشن میں تحریر کیا کہ ‘ہیپیلی میریڈ، مسٹر اینڈ مسز’۔
بارات کے لیے محمد جنید نے کوٹ اسٹائل سیاہ شیروانی کا انتخاب کیا جبکہ سرخ رنگ کی بگڑی بھی پہے نظر آئے، ساتھ ہی ان کی بیگم روایتی سرخ رنگ کے غرارے میں ملبوس نظر آئیں۔
.ذریعہ: Daily Mumtaz
پڑھیں:
امریکی نائب صدر اور بزنس ویمن کے درمیان معاشقہ؟ ویڈیو نے تہلکہ مچادیا
امریکا کے نائب صدر جے ڈی وینس اور معروف بزنس ویمن ایریکا کرک کے معاشقے چرچے ہونے لگے ہیں۔
سوشل میڈیا پر وائرل ہونے والی ایک ویڈیو نے امریکی نائب صدر کی دوسری شادی کے بارے میں افواہیں گردش کرنے لگی ہیں۔
یہ ویڈیو مسیسیپی یونیورسٹی میں ہونے والے ایک ایونٹ کی ہے جس میں ایریکا کرک کو نائب امریکی صدر سے گلے ملتے ہوئے دیکھا جا سکتا ہے۔
اس ویڈیو پر پھیلنے والی افواہوں کو اس بات سے بھی تقویت ملی کہ نیویارک ٹائمز کی بیسٹ سیلر مصنفہ شانن واٹس نے بھی ایسی ہی پیشگوئی کر رکھی ہے۔
There’s a lot of controversy over this hug between Erika Kirk and JD Vance.
Imagine being outraged over a 2.5 second hug between friends?
Help me understand. pic.twitter.com/FIuYGpqsh7
انھوں نے کہا تھا کہ امریکی نائب صدر جے ڈی وینس آئندہ برس کے آخر تک ایریکا کرک سے شادی کریں گے۔
مصنفہ نے یہ پیش گوئی بھی کی تھی کہ جے ڈی وینس ایریکا سے دوسری شادی کرنے سے قبل اپنی پہلی بیوی کو طلاق دیدیں گے۔
یاد رہے کہ ایریکا صدر ٹرمپ کے دوست قدامت پسند چارلی کرک کی بیوہ ہیں جنھیں حال ہی میں ایک یونی ورسٹی میں لیکچر کے دوران قتل کردیا گیا تھا۔
چارلی کرک نے 2012 میں 'ٹرننگ پوائنٹ یو ایس اے' نام کی تنظیم قائم کی تھی جو طلبا میں قدامت پسندی کو فروغ دیتی تھی۔
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم