جوڈیشل کمیشن نہیں بنتا تو مذاکرات کا سلسلہ آگے نہیں چل سکے گا، حامد رضا
اشاعت کی تاریخ: 12th, January 2025 GMT
دو مطالبات تحریری شکل میں فراہم کردیں گے، صاحبزادہ حامد رضا - فوٹو: فائل
پاکستان تحریک انصاف (پی ٹی آئی) کی جانب سے مذاکراتی کمیٹی کے رکن صاحبزادہ حامد رضا نے کہا کہ ہم تیسرے راؤنڈ کے مذاکرات کےلیے تیار ہیں، آپ جوڈیشل کمیشن کے حوالے سے ورکنگ کرکے آئیں، ابھی تک مذاکرات میں پیشرفت نہیں ہوسکی۔
صاحبزادہ حامد رضا اور پی ٹی آئی رہنماؤں نے راولپنڈی میں اڈیالہ جیل کے باہر بانی پی ٹی آئی سے ملاقات کے بعد میڈیا سے گفتگو کیا۔
اس موقع پر حامد رضا نے کہا کہ تیسری میٹنگ میں پیشرفت کرنا ہوگی، دو مطالبات تحریری شکل میں فراہم کردیں گے۔
بانی پی ٹی آئی سے ملاقات کرنیوالوں میں علی امین گنڈاپور، اسد قیصر، عمر ایوب، صاحبزادہ حامد رضا اور علامہ راجہ ناصر عباس شامل تھے۔
انہوں نے کہا کہ اسیروں کی رہائی ہمارے مین مطالبات کا حصہ ہیں، اگر جوڈیشل کمیشن نہیں بنتا تو مذاکرات کا سلسلہ آگے نہیں چل سکے گا، مذاکرات کی حتمی تاریخ 31 جنوری ہی ہے۔
صاحبزادہ حامد رضا نے کہا کہ اگر آپ سمجھتے ہیں کہ ہم ذمہ دار ہیں تو سی سی ٹی وی فوٹیج لائیں، مذاکرات کو منطقی انجام تک پہنچانے کی گیند حکومت کے کورٹ میں ہے۔
انہوں نے کہا کہ بانی سے ملاقات ہماری خواہش کے مطابق نہ ہوئی، ہم نے کنٹرولڈ ماحول میں ملاقات کی، بانی پی ٹی آئی سے ملاقات کنٹرولڈ ماحول میں کروائی گئی۔
پاکستان تحریکِ انصاف (پی ٹی آئی) کے رہنما شوکت یوسفزئی نے وزیر دفاع اور گورنرخیبرپختونخوا کے بیانات پر اپنے ردِعمل کا اظہار کر دیا۔
صاحبزادہ حامد رضا کا کہنا تھا کہ بانی پی ٹی آئی سے ملاقات کےلیے رات کو دیر سے آگاہ کیا گیا، پی ٹی آئی مذاکراتی کمیٹی کے 2 اراکین فوگ کی وجہ سے نہیں پہنچ سکے۔
انہوں نے کہا کہ بانی پی ٹی آئی نے آج پھر کہا کہ 9 مئی اور 26 نومبر پر غیر جانبدار جوڈیشل کمیشن بنایا جائے۔ جو ذمہ داروں کا تعین کرے، جوڈیشل کمیشن نہیں بنتا تو مذاکرات کا سلسلہ نہیں چل سکتا۔
حامد رضا نے کہا کہ پی ٹی آئی کی کمیٹی تیسرے مذاکراتی راؤنڈ کےلیے تیار ہے، تیسری ملاقات میں حکومت کو مذاکرات میں پیش رفت دکھانا ہوگی۔
انکا کہنا تھا کہ اسیران کی رہائی ہمارے مطالبات کا حصہ ہیں، بانی پی ٹی آئی نے اسیروں کا معاملہ ایچ آر سی پی میں اٹھانے کی ہدایت کی ہے۔
سینیٹر فیصل واوڈا نے کہا ہے کہ بانی پی ٹی آئی جن کے لیڈر ہیں وہ اُن کی جان کی فکر کریں،اُن کے اپنے ہی لوگوں نے مروانے کی منصوبہ بندی کی ہے۔
رکن پی ٹی آئی مذاکرات کمیٹی نے کہا کہ 31 جنوری کی ڈیڈلائن میں بانی پی ٹی آئی ہی توسیع کرسکتے ہیں۔ اگر کوئی پیشرفت ہوئی تو ہم بانی پی ٹی آئی تک پہنچا دیں گے۔
حامد رضا کا کہنا تھا کہ ہم کوئی این آر او یا ایگزیکٹو آرڈر نہیں چاہتے، ہم چاہتے ہیں بانی پی ٹی آئی عدالتوں سے سرخرو ہو کر نکلیں۔ ہم چاہتے ہیں ہمارے اسیران کی ضمانتوں میں پراسیکیوشن رکاوٹ نہ بنے۔
انہوں نے کہا کہ کل ایک فیصلہ آرہا ہے ہم سمجھتے ہیں یہ فیصلہ پاکستان کی بدنامی کا باعث بنے گا۔ القادر کیس میں کوئی مالی فوائد کا الزام نہیں۔
.
ذریعہ
ذریعہ: Jang News
کلیدی لفظ: بانی پی ٹی آئی سے ملاقات حامد رضا نے کہا کہ انہوں نے کہا کہ جوڈیشل کمیشن ئی سے ملاقات پی ٹی ا ئی کہ بانی
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم