کراچی؛ اجتماعی شادیوں کی سالانہ تقریب میں 100 سے زائد ہندو جوڑے شادی کے بندھن میں بندھ گئے
اشاعت کی تاریخ: 12th, January 2025 GMT
کراچی:
پاکستان ہندو کونسل اور ڈاکٹر پریم کمار سیتل داس میموریل ٹرسٹ کے زیر اہتمام اجتماعی شادیوں کی سالانہ رنگارنگ تقریب کا شہر قائد میں انعقاد ہوا جس میں نمایاں اقلیتی پارلیمنٹیرین ڈاکٹر رمیش کمار وانکوانی کی زیر سرپرستی سو سے زائد ہندو جوڑے شادی کے مقدس بندھن میں بندھ گئے۔
اس موقع پر پاکستان ہندو کونسل کے سرپرست اعلیٰ اور ڈاکٹر پریم کمار سیتل داس میموریل ٹرسٹ کے سربراہ ڈاکٹر رمیش کمار وانکوانی نے میڈیا سے گفتگو میں کہا کہ پاکستان میں اقلیتوں کو مکمل مذہبی آزادی حاصل ہے، ڈاکٹر رمیش کمار کا مزید کہنا تھا کہ غریب اور نادار جوڑوں کا گھر بسا کر روحانی سکون ملتا ہے، فخر ہے کہ اب تک باپ بن کر 1600 سے زائد ہندو جوڑوں کی شادیاں کرا چکا ہوں، ہر سال نئے برس کا آغاز ایک سو پچیس جوڑوں کی شادی کرا کر کرتا ہوں۔
برقی قمقموں اور رنگارنگ روشنیوں سے سجے ریلوے گراؤنڈ کراچی میں منعقدہ اجتماعی شادیوں کی سالانہ 18 ویں تقریب میں سندھ سمیت ملک بھر سے گاڑیوں، بسوں میں باراتی اور جوڑے پنڈال پہنچے جہاں شہنائیوں کی گونج اور ڈھول کی تھاپ پر ان کا پرجوش استقبال کیا گیا، کاروباری و سماجی اور غیرملکی سفراء سمیت مختلف شعبہ جات سے تعلق رکھنے والی نمایاں شخصیات کی بھرپور شرکت، نوبیاہتا جوڑوں میں جہیز کا سامان بھی تقسیم کیا گیا۔
اجتماعی شادیوں کی تقریب میں بڑی تعداد میں نوبیاہتا جوڑوں کے اہل خانہ بھی موجود تھے جنہوں نے اپنے بچوں کی شادی پر مسرت کا اظہار کرتے ہوئے پاکستان ہندو کونسل اور ڈاکٹر پریم کمار سیتل داس میموریل ٹرسٹ کا شکریہ ادا کیا۔
مہمانوں کا کہنا تھا کہ مہنگائی کے دور میں مستحق ہندو جوڑوں کے لیے ایسی شاندار تقریب منعقد کرانا بہت بڑا کارنامہ ہے، پاکستان کی ہندو کمیونٹی کو ہر سال شدت سے اس یادگاری تقریب کا انتظار رہتا ہے۔
ڈاکٹر رمیش کمار وانکوانی نے اجتماعی شادیوں کی تقریب کے دوران پاکستان کی ترقی و خوشحالی اور ملک بھر میں مذہبی ہم آہنگی کے فروغ کے لیے خصوصی دعا بھی کرائی جس میں تمام مہمانوں نے مذہبی تفریق سے بالاتر ہوکر بین المذاہب ہم آہنگی اور قومی یکجہتی کی ایک بہترین مثال پیش کی۔
.ذریعہ: Express News
کلیدی لفظ: اجتماعی شادیوں کی ڈاکٹر رمیش کمار
پڑھیں:
پاک بحریہ کیلیے مقامی طور پر تیار کردہ پی این ایس ساہیوال گن بوٹ کی لانچنگ تقریب، وائس ایڈمرل اویس احمد بلگرامی کی بطور مہمان خصوصی شرکت
راولپنڈی ( ڈیلی پاکستان آن لائن ) پاک بحریہ کے لیے مقامی طور پر تیار کردہ پی این ایس ساہیوال گن بوٹ کی لانچنگ تقریب کا کراچی شپ یارڈ اینڈ انجینئرنگ ورکس (KS&EW) میں انقعاد ہوا۔وائس چیف آف دی نیول سٹاف، وائس ایڈمرل اویس احمد بلگرامی اس موقع پر مہمان خصوصی تھے۔
آئی ایس پی آر کے مطابق مہمانِ خصوصی نے پاک بحریہ کے پلیٹ فارم ڈیزائن وِنگ(PDW) اور کراچی شپ یارڈ اینڈ انجینئرنگ ورکس (KS&EW) کی مشترکہ کاوشوں کو سراہا۔
وزیراعظم شہباز شریف کا14 اگست یوم آزادی پر ای بائیک سکیم کے باقاعدہ افتتاح کا اعلان
آئی ایس پی آر نے بتایا کہ مقامی طور پر تیار کردہ گن بوٹ میں طویل فاصلے تک مار کرنے والی سیمی آٹومیٹک گنز نصب کی جائیں گی۔یہ جدید ترین گن بوٹ مختلف بحری سیکیورٹی آپریشنز سرانجام دینے کی بھرپور صلاحیت رکھتی ہے۔پاک بحریہ مستقبل میں اس طرز کی مزید گن بوٹس بنانے پر غور کر رہی ہے۔
لانچنگ تقریب میں پاک بحریہ کے اعلیٰ حکام،وزارتِ دفاعی پیداوار, کراچی شپ یارڈ اینڈ انجینئرنگ ورکس اور شپ بلڈنگ انڈسٹری کے نمائندگان نے شرکت کی۔
مزید :
پاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا