امریکی فائربریگیڈ حکام لاس اینجلس آگ پر بے بسی کی تصویر بن گئے
اشاعت کی تاریخ: 13th, January 2025 GMT
امریکی ریاست کیلیفورنیا کے شہر لاس اینجلس میں لگی آگ تاحال نہیں بجھائی جاسکی، جس پر فائر فائٹرز بے بسی کی تصویر بن گئے ہیں۔
امریکی میڈیا کے مطابق آگ بجھانے میں مصروف فائر فائٹرز آگ پر مکمل طور پر قابو پانے اور اسے پھیلنے سے روکنے میں ناکام رہے ہیں جس کی ایک وجہ تیز ہواؤں کا چلنا بھی ہے، تیز ہواؤں کے باعث آگ مزید پھیلتی جارہی ہے۔
یہ بھی پڑھیں: لاس اینجلس آتشزدگی: فائر فائٹرز کی طلب اور معاوضوں میں ہوشربا اضافہ
کیلیفورنیا فائر ڈیپارٹمنٹ کے نائب سربراہ نے کہا ہے ’ہمیں قدرت کے رحم کی ضرورت ہے،ہمارے پاس فائر فائٹر ہیں، پانی ہے، ہمیں بس وقت چاہیے۔
یاد رہے کہ امریکی ریاست کیلیفورنیا کا شہر لاس اینجلس گزشتہ کئی دنوں سے آگ کی لپیٹ میں ہے، جس کو بجھانے کے لیے 12 ہزار سے زائد فائر فائٹرز، 11 ہزار 500 فائر انجن، 60 طیارے اور 143 واٹر ٹینکر آگ بجھانے میں مصروف ہیں، تاہم آگ ہے کہ بجھنے کا نام نہیں لے رہی اور فائر فائٹرز کی تمام کوششیں رائیگاں جارہی ہیں۔
اس آگ سے اب تک 24 افراد ہلاک، متعدد لاپتا ہوگئے ہیں، 12 ہزار سے زائد مکان اور عمارتیں خاکستر ہو گئیں ہیں، اعداد و شمار کے مطابق 2 لاکھ سے زائد افراد علاقہ چھوڑ کر محفوظ جگہ منتقل ہونے پر مجبور ہوئے ہیں۔
یہ بھی پڑھیں: لاس اینجلس کی آگ بھڑکی کیسے؟
دوسری طرف لاس اینجلس امریکا کی فلم اور ٹیلی ویژن انڈسٹری کا مرکز ہے، تو ایسے میں اس آگ نے ہالی ووڈ کی مشہور شخصیات کو بھی بے گھر کردیا ہے۔
امریکی میڈیا کے مطابق اس آگ سے ہالی ووڈ اداکار اور ان کی رہائشگاہیں ہی متاثر نہیں ہوئیں بلکہ اکیڈمی ایوارڈ کے لیے پیش کی جانے والی نامزدگیاں، فلموں کی ریلیز اور دیگر سرگرمیاں بھی مؤخر ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آگ امریکا فائر بریگیڈ فائر فائٹرز لاس اینجلس ہالی ووڈ.ذریعہ: WE News
کلیدی لفظ: امریکا فائر فائٹرز لاس اینجلس فائر فائٹرز لاس اینجلس
پڑھیں:
انٹر بورڈ کوآرڈینیشن کمیشن کے وفد کی برطانوی ای سی سی ٹِس حکام سے ملاقات
فوٹو بشکریہ فیس بُک اکاؤنٹانٹر بورڈ کوآرڈینیشن کمیشن کا کہنا ہے کہ پاکستانی طلبہ کو برطانیہ میں داخلے سے قبل فاؤنڈیشن کورس کرنا پڑتا ہے، امید ہے گریڈ 12 جَلد برطانیہ کے لیول 3 کے برابر تسلیم کیا جائے گا۔
انٹربورڈ کوآرڈینیشن کمیشن کے وفد کی انگلینڈ میں برطانوی ای سی سی ٹِس حکام سے ملاقات ہوئی۔
ملاقات میں پاکستانی تعلیمی اسناد کو عالمی سطح پر تسلیم کروانے پر بات چیت کی گئی۔
پاکستان کے گریڈ 12 کو برطانیہ کے یونیورسٹی انٹری فریم ورک سے ہم آہنگ کرنے پر بھی غور کیا گیا۔
ملاقات میں گریڈ 12 کو یوکے کے لیول 3 کے مساوی قرار دینے کی کوشش کے تحت آئی بی سی سی وفد کی جانب سے ای سی سی ٹِس کو جامع دستاویزات بھی فراہم کی گئیں۔
آئی بی سی سی وفد نے کہا ہے کہ اس اقدام سے پاکستانی طلبہ براہِ راست برطانوی یونیورسٹیوں میں داخلہ لے سکیں گے۔
چینی صدر کا تیان ہوا سمیت 8 فلمی فنکاروں کے نام جوابی خط