190ملین پاؤنڈکیس کافیصلہ مؤخرہونے پر افواہیں سرگرم
اشاعت کی تاریخ: 14th, January 2025 GMT
اسلام آباد(طارق محمودسمیر)سابق وزیراعظم عمران خان اور ان کی اہلیہ بشریٰ بی بی کے خلاف 190ملین پاؤنڈریفرنس کا فیصلہ تیسری مرتبہ مؤخرکیاگیاہے،ماضی میں کسی بھی سیاسی شخصیت کے خلاف بننے والے مقدمات کے فیصلوں کو باربارمؤخرنہیں کیاگیا،یہ اپنی نوعیت کا پہلاموقع ہیکہ اہم سیاسی رہنما کے خلاف احتساب عدالت کے جج فیصلہ لکھنے کے باوجود نجانے کیوں سنانے سے گریزاں ہیں،کیااس کے پیچھے کوئی کہانی ہے؟کوئی ڈیل ہورہی ہییاکیس میں جان نہیں ہیکیونکہ باربار ایساکرنے سے افواہیں جنم لیتی ہیں حالانکہ گزشتہ رات تک عدالتی عملے اور حکومت کی طرف سے واضح طورپر یہ تاثردیاگیاتھاکہ آج اس کیس کافیصلہ ہرصورت سنادیاجائے گا،میڈیارپورٹس کیمطابق عدالت نے 11بجے کیس کافیصلہ سنانے کا وقت مقررکیااور احتساب عدالت کے جج ناصرجاویدرانانے یہ اعلان کیاکہ وہ صبح آٹھ بجے سے یہاں بیٹھے ہوئے ہیں ،نہ تو ملزمان عدالت میں پیش ہوئے اور نہ ہی وکلاء آئے لہذا ان کی عدم موجودگی میں فیصلہ نہیں سنایاجاسکتا،جب کہ قانونی ماہرین کاکہناہیکہ ہوسکتاہے کہ عدالت نے ملزمان کو ایک موقع دیاہیکہ وہ ہرصورت پیش ہوں،اگرآئندہ تاریخ کو ملزمان عدالت میں پیش نہ ہوئے تو عدالت کو فیصلہ سنانے سے کوئی نہیں روک سکتا،پی ٹی آئی کے وکیل بیرسٹرعلی ظفر کایہ موقف ہے کہ کیس بے جان ہے کوئی چیزثابت نہیں ہوئی ،عمران خان بری ہونے والے ہیں اور جج پر دباؤہے اسی وجہ سے باربارفیصلہ نہیں سنایاجارہا،بیرسٹرگوہرنے ڈیل کے تاثر کومستردکیاجب کہ وزیراطلاعات ونشریات عطاء تارڑاور سینیٹرطلال چوہدری نے پریس کانفرنس کرکے فیصلے میں تاخیر کا ذمہ دارتحریک انصاف کوقراردیامگرسوچنے کی بات یہ ہیکہ عمران خان توجیل کے اندرقید ہیں انہیں عدالت میں پیش کرناجیل حکام کی ذمہ داری بنتی ہے اور جیل کے سیل سے عدالت لانیمیں چارمنٹ لگتے ہیں ،جیل حکام نے کس کے اشارے پر انہیں عدالت میں پیش نہیں کیاجب کہ ماضی میں جب عمران خان نے ایک مواقع پر فردجرم عائد ہونے کے موقع تاخیرحربے استعمال کئے توجیل حکام انہیں سختی کرکے عدالت میں لائے تو آج ایساکیاہواکہ انہیں عدالت پیش نہیں کیاگیا،بشریٰ بی بی بھی پیش نہیں ہوئیں اس کا مطلب ہیکہ بیک گراونڈ میں کچھ نہ کچھ ہواہے،دوسری جانب سپیکر کی کوششیں کامیاب ہوئی ہیں اور حکومتی اور پی ٹی آئی مذاکراتی کمیٹی کی تیسری میٹنگ 16جنوری پیر کو طلب کرلی گئی ہے،جس میں تحریک انصاف اپنے تحریری مطالبات پیش کرے گی ،ہوسکتا ہے کہ مذاکرات کے عمل کو آگے بڑھانے کے لیے عدالتی فیصلیمیں تاخیرکرائی گئی ہو،دوسری جانب قومی اسمبلی میں آج تحریک انصاف کے ارکان نے وزیراعظم شہبازشریف کے بتائے ہوئے جاپانی طریقہ احتجاج اوو،اوو کرکے حکومت کے خلاف احتجاج کیا،عمران خان کے حق میں نعرے بازی بھی کی تاہم حیران کن بات یہ تھی کہ شیرافضل مروت جنہیں پارٹی ڈسپلن کی خلاف ورزی پر شوکاز نوٹس جاری کیاگیاوہ اس سارے معاملے پر لاتعلق رہے اور حکومت کے خلاف احتجاج کاحصہ نہیں بنے جب تحریک انصاف کے ارکان عمرایوب کی قیادت میں ایوان کی کارروائی کا بائیکاٹ کرکے اپوزیشن لابی میں گئے تو شیرافضل مروت دوسرے دروازے سے قومی اسمبلی ہال سے باہر نکل گئے جس پر یہ تبصرے کئے گئے کہ شیرافضل مروت نے آج پی ٹی آئی قیادت کو بتادیاہے کہ وہ ان کی باتوں میں نہیں آئیں گے۔
ذریعہ: Daily Mumtaz
کلیدی لفظ: عدالت میں پیش کے خلاف پیش نہ
پڑھیں:
عمران خان کی ویڈیو لنک پیشی پر عدالت نے سخت ایس او پیز نافذ کردیں
data-id="863a0a8" data-element_type="widget" data-widget_type="theme-post-content.default">
راولپنڈی : انسدادِ دہشتگردی عدالت نے پاکستان تحریک انصاف کے بانی عمران خان کی ویڈیو لنک کے ذریعے پیشی کے حوالے سے نہایت سخت ایس او پیز جاری کردی ہیں۔
عدالت نے یہ ہدایات ہائی کورٹ کے حکم کی روشنی میں جاری کیں، جو پیرا نمبر 11 اور 12 پر مبنی ہیں۔ ان ایس او پیز کو عدالت کے اندر اور باہر نمایاں مقامات پر آویزاں کرنے کا حکم دیا گیا ہے تاکہ تمام افراد ان سے آگاہ رہیں۔
عدالتی ہدایات کے مطابق ویڈیو لنک کے ذریعے ہونے والی کارروائی کی ریکارڈنگ صرف عدالت خود کر سکے گی۔ کسی بھی دوسرے شخص کو اس کی اجازت ہرگز نہیں ہوگی۔ اس کے ساتھ ساتھ عدالت کے اندر موبائل فون یا کسی بھی قسم کی ریکارڈنگ ڈیوائس لے جانے پر مکمل پابندی عائد کر دی گئی ہے۔
مزید برآں عدالت نے واضح کر دیا ہے کہ اگر کوئی شخص ویڈیو لنک کارروائی کی غیرقانونی ریکارڈنگ کرتے ہوئے پایا گیا تو اس کے خلاف فوجداری قوانین کے تحت کارروائی کی جائے گی۔ اس کے ساتھ ہی یہ بھی کہا گیا ہے کہ کوئی بھی شخص اس کارروائی کا ٹرانسکرپٹ حاصل کرنے کا اہل نہیں ہوگا۔
ان اقدامات کا مقصد یہ ظاہر کیا جا رہا ہے کہ عدالت ویڈیو لنک کے ذریعے پیشی کے عمل کو ہر طرح سے شفاف، محفوظ اور قانونی دائرے میں رکھنا چاہتی ہے۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم