190ملین پاؤنڈکیس کافیصلہ مؤخرہونے پر افواہیں سرگرم
اشاعت کی تاریخ: 14th, January 2025 GMT
اسلام آباد(طارق محمودسمیر)سابق وزیراعظم عمران خان اور ان کی اہلیہ بشریٰ بی بی کے خلاف 190ملین پاؤنڈریفرنس کا فیصلہ تیسری مرتبہ مؤخرکیاگیاہے،ماضی میں کسی بھی سیاسی شخصیت کے خلاف بننے والے مقدمات کے فیصلوں کو باربارمؤخرنہیں کیاگیا،یہ اپنی نوعیت کا پہلاموقع ہیکہ اہم سیاسی رہنما کے خلاف احتساب عدالت کے جج فیصلہ لکھنے کے باوجود نجانے کیوں سنانے سے گریزاں ہیں،کیااس کے پیچھے کوئی کہانی ہے؟کوئی ڈیل ہورہی ہییاکیس میں جان نہیں ہیکیونکہ باربار ایساکرنے سے افواہیں جنم لیتی ہیں حالانکہ گزشتہ رات تک عدالتی عملے اور حکومت کی طرف سے واضح طورپر یہ تاثردیاگیاتھاکہ آج اس کیس کافیصلہ ہرصورت سنادیاجائے گا،میڈیارپورٹس کیمطابق عدالت نے 11بجے کیس کافیصلہ سنانے کا وقت مقررکیااور احتساب عدالت کے جج ناصرجاویدرانانے یہ اعلان کیاکہ وہ صبح آٹھ بجے سے یہاں بیٹھے ہوئے ہیں ،نہ تو ملزمان عدالت میں پیش ہوئے اور نہ ہی وکلاء آئے لہذا ان کی عدم موجودگی میں فیصلہ نہیں سنایاجاسکتا،جب کہ قانونی ماہرین کاکہناہیکہ ہوسکتاہے کہ عدالت نے ملزمان کو ایک موقع دیاہیکہ وہ ہرصورت پیش ہوں،اگرآئندہ تاریخ کو ملزمان عدالت میں پیش نہ ہوئے تو عدالت کو فیصلہ سنانے سے کوئی نہیں روک سکتا،پی ٹی آئی کے وکیل بیرسٹرعلی ظفر کایہ موقف ہے کہ کیس بے جان ہے کوئی چیزثابت نہیں ہوئی ،عمران خان بری ہونے والے ہیں اور جج پر دباؤہے اسی وجہ سے باربارفیصلہ نہیں سنایاجارہا،بیرسٹرگوہرنے ڈیل کے تاثر کومستردکیاجب کہ وزیراطلاعات ونشریات عطاء تارڑاور سینیٹرطلال چوہدری نے پریس کانفرنس کرکے فیصلے میں تاخیر کا ذمہ دارتحریک انصاف کوقراردیامگرسوچنے کی بات یہ ہیکہ عمران خان توجیل کے اندرقید ہیں انہیں عدالت میں پیش کرناجیل حکام کی ذمہ داری بنتی ہے اور جیل کے سیل سے عدالت لانیمیں چارمنٹ لگتے ہیں ،جیل حکام نے کس کے اشارے پر انہیں عدالت میں پیش نہیں کیاجب کہ ماضی میں جب عمران خان نے ایک مواقع پر فردجرم عائد ہونے کے موقع تاخیرحربے استعمال کئے توجیل حکام انہیں سختی کرکے عدالت میں لائے تو آج ایساکیاہواکہ انہیں عدالت پیش نہیں کیاگیا،بشریٰ بی بی بھی پیش نہیں ہوئیں اس کا مطلب ہیکہ بیک گراونڈ میں کچھ نہ کچھ ہواہے،دوسری جانب سپیکر کی کوششیں کامیاب ہوئی ہیں اور حکومتی اور پی ٹی آئی مذاکراتی کمیٹی کی تیسری میٹنگ 16جنوری پیر کو طلب کرلی گئی ہے،جس میں تحریک انصاف اپنے تحریری مطالبات پیش کرے گی ،ہوسکتا ہے کہ مذاکرات کے عمل کو آگے بڑھانے کے لیے عدالتی فیصلیمیں تاخیرکرائی گئی ہو،دوسری جانب قومی اسمبلی میں آج تحریک انصاف کے ارکان نے وزیراعظم شہبازشریف کے بتائے ہوئے جاپانی طریقہ احتجاج اوو،اوو کرکے حکومت کے خلاف احتجاج کیا،عمران خان کے حق میں نعرے بازی بھی کی تاہم حیران کن بات یہ تھی کہ شیرافضل مروت جنہیں پارٹی ڈسپلن کی خلاف ورزی پر شوکاز نوٹس جاری کیاگیاوہ اس سارے معاملے پر لاتعلق رہے اور حکومت کے خلاف احتجاج کاحصہ نہیں بنے جب تحریک انصاف کے ارکان عمرایوب کی قیادت میں ایوان کی کارروائی کا بائیکاٹ کرکے اپوزیشن لابی میں گئے تو شیرافضل مروت دوسرے دروازے سے قومی اسمبلی ہال سے باہر نکل گئے جس پر یہ تبصرے کئے گئے کہ شیرافضل مروت نے آج پی ٹی آئی قیادت کو بتادیاہے کہ وہ ان کی باتوں میں نہیں آئیں گے۔
ذریعہ: Daily Mumtaz
کلیدی لفظ: عدالت میں پیش کے خلاف پیش نہ
پڑھیں:
پی ٹی آ ئی کی پرانی قیادت ’’ریلیز عمران خان‘‘ تحریک چلانے کیلیے تیار،حکومتی وسیاسی قیادت سے ملاقاتوں کا فیصلہ
data-id="863a0a8" data-element_type="widget" data-widget_type="theme-post-content.default">
251102-01-26
لاہور (مانیٹرنگ ڈیسک /صباح نیوز) پی ٹی آئی کی پرانی قیادت ’’ریلیز عمران خان‘‘ تحریک چلانے کے لیے تیار ہوگئی‘ حکومتی و سیاسی قیادت سے ملاقات کا فیصلہ کیا گیا۔ تفصیلات کے مطابق پارٹی ذرائع کا کہنا تھا کہ تحریک انصاف کی پرانی قیادت ’ ریلیز عمران خان‘ تحریک چلانے کے لیے تیار ہے، تحریک میں فواد چودھری، عمران اسماعیل، علی زیدی، محمود مولوی، سبطین خان اور دیگر رہنما موجود ہوں گے۔ تحریک انصاف کے وائس چیئرمین شاہ محمود قریشی کو میڈیکل چیک اپ کے لیے پاکستان کڈنی اینڈ لیور انسٹیٹیوٹ (پی کے ایل آئی) اسپتال لاہور لایا گیا، جہاں پی ٹی آئی کے سابق رہنماؤں فواد چودھری، مولوی محمود اور عمران اسماعیل نے اُن سے ملاقات کی۔ذرائع نے بتایا کہ سابق قیادت نے بانی پی ٹی آئی کی رہائی کے لیے اہم فیصلے کیے، انہوں نے اسٹیبلشمنٹ سے رابطوں اور مسلم لیگ ن کی اعلیٰ قیادت سے بھی ملاقات کا فیصلہ کیا۔ اِسی طرح ملک میں سیاسی درجہ حرارت نیچے لانے کا فیصلہ کیا گیا، عمران خان سے ملاقات بھی کی جائے گی، پی ٹی آئی کی سابق قیادت شاہ محمود قریشی کی رہائی کے لیے بھی سرگرم ہے۔ ذرائع کا کہنا تھا کہ پی ٹی آئی کی سابقہ قیادت نے شاہ محمود قریشی کو بات چیت کے ذریعے معاملات کو حل کرنے اور سیاسی درجہ حرارت نیچے لانے کے لیے قائل کرنے کی کوشش کی، شاہ محمود قریشی کو تمام تر معاملات کو حل اور درست کرنے کے کردار ادا کرنے پر گفتگو ہوئی۔پارٹی ذرائع نے بتایا کہ سابق قیادت کا مؤقف ہے کہ پی ٹی آئی کی موجودہ قیادت عمران خان کو باہر نہیں نکال سکتی‘ سابق سینیٹر اعجاز چودھری، سابق صوبائی وزیر میاں محمود الرشید اور سابق گورنر پنجاب عمر سرفراز چیمہ سے بھی ملاقات کی گئی‘ ملاقات کے دوران موجودہ سیاسی صورتحال پر بھی تبادلہ خیال کیا گیا۔ فواد چودھری کی سربراہی میں 3 رکنی وفد مولانا فضل الرحمن سے بھی ملاقات کرے گا۔ فواد چودھری نے کہا کہ پی ٹی آئی سے شاہ محمود قریشی، اعجاز چودھری اور دیگر رہنماوں سے ملاقاتیں ہوئیں ہیں، پی ٹی آئی کی قیادت نے سیاسی قیدیوں کو باہر لانے کی کوشش کی تائید کی ہے۔ ’ایکس‘ پر جاری بیان میں میں سابق پی ٹی آئی رہنما نے کہا کہ حکومت کو ایک قدم بڑھانا اور پی ٹی آئی نے ایک قدم پیچھے ہٹنا ہے تاکہ ان دونوں کو جگہ مل سکے، پاکستان نے جو موجودہ بین الاقوامی کامیابیاں حاصل کیں، سیاسی درجہ حرارت زیادہ ہونے کی وجہ سے اس کا فائدہ حاصل نہیں ہو سکا۔لہٰذا جب تک یہ درجہ حرارت کم نہیں ہوتا، اس وقت تک پاکستان میں معاشی ترقی اور سیاسی استحکام نہیں آسکتا‘ اس وقت ہماری کوشش ہے کہ ایک ایسا ماحول بنایا جاسکے، جس میں کم از کم بات چیت کا راستہ کھولا جا سکے، پی ٹی آئی کے سینئر رہنما شاہ محمود قریشی، اعجاز چودھری اور باقی دوستوں کے سامنے دوران ملاقات اپنا یہی نقطہ نظر رکھا اور ہمیں خوشی ہے کہ وہ بھی اسی نقطہ نظرکے حامی ہیں۔ فواد چودھری نے مزید کہا کہ مجھے امید ہے اس کے لیے اقدامات ہوں گے، سیاسی ماحول کیسے بہتر ہوگا، وہ ایسے ہی بہتر ہو سکتا ہے کہ سیاسی قیدیوں کو ریلیف ملے، شاہ محمود قریشی کی ضمانتیں بغیر کسی وجہ کے نہیں ہو رہیں، اعجاز چودھری، یاسمین راشد، عمر چیمہ، محمود رشید، سیاسی ورکرز اور خواتین کا حق ہے کہ انہیں ضمانت ملے۔پی ٹی آئی کے سابق رہنما کا آخر میں کہنا تھا کہ (ن) لیگ کے اہم وزرا سے بات ہوئی ، وہ بھی مفاہمت کے حامی ہیں‘، ہم نے جو کوشش شروع کی ہے اگلے دو تین ہفتوں میں نتائج سامنے آنا شروع ہوں گے، یہ سارے معاملات ہوں گے تو سیاسی فضا بہتر ہوگی، عمران خان اور بشریٰ بی بی کی رہائی ممکن بنانا ہمارا بنیادی کام ہے، فوری طور پر عمران اسمٰعیل، محمود مولوی اور میں باہر نکلے ہیں، آئندہ ملاقاتوں میں آپ کو پی ٹی آئی کی مزید سینئر لیڈر شپ نظر آئی گی اور یہ ماحول مزید بہتر ہو گا۔
نارتھ ناظم آباد میں تجاوزات کے خلاف کارروائی ہورہی ہے