وادی کشمیر کی خانقاہ حیدری میں یوم مولود کعبہ (ع) پر محفل جشن کا انعقاد
اشاعت کی تاریخ: 14th, January 2025 GMT
اسلام ٹائمز: محفل سے خطاب کرتے ہوئے ڈاکٹر پیر سمیر صدیقی شافعی نے کہا کہ اہل بیت علیہم السلام ہماری مشترکہ میراث ہیں اور تمام مسلمانوں کو ایسی مناسبتوں پر متحد ہو کر محافل و مجالس کا اہتمام کرنا چاہیئے اور دنیا کو پیغام دینا چاہیئے کہ ہم متحد ہیں اور اہل بیت (ع) ہی ہمارے اتحاد کے محور و مرکز ہیں۔ متعلقہ فائیلیںرپورٹ: جاوید عباس رضوی
جموں و کشمیر کے ضلع انت ناگ میں خانقاہ حیدری کے زیراہتمام حضرت امام علی علیہ السلام کی ولادت باسعادت کے موقع پر مولود کعبہ (ع) کی محفل جشن منعقد ہوئی۔ محفل میں شیعہ و سنی علماء کرام، مفتیان کرام، شعراء اور دانشوروں نے شرکت کی۔ محفل میں بڑی تعداد میں نوجوانوں نے شرکت کرکے مولائے کائنات حضرت علی (ع) کی تئیں اپنے عقیدت کا اظہار کیا۔ خانقاہ حیدری سالہا سال سے اہل بیت علیہم السلام کی ولادت اور شہادت کی مناسبت پر محافل و مجالس کا اہتمام کرتا آیا ہے۔ محفل جشن سے خطاب کرتے ہوئے ڈاکٹر پیر سمیر صدیقی شافعی نے کہا کہ اہل بیت علیہم السلام ہماری مشترکہ میراث ہیں اور تمام مسلمانوں کو ایسی مناسبتوں پر متحد ہوکر محافل و مجالس کا اہتمام کرنا چاہیئے اور دنیا کو پیغام دینا چاہیئے کہ ہم متحد ہیں اور اہلبیت (ع) ہی ہمارے اتحاد کے محور و مرکز ہیں۔ انہوں نے کہا کہ خانقاہ حیدری بلا تفریق مسلک و مشرب تمام مسلمانوں کے اتحاد کا داعی ہے اور ہمارے پروگراموں میں تمام مسالک کے لوگ شریک ہوتے ہیں اور ملنساری و بھائی چارگی کا درس دیتے ہیں۔ محفل میں ضلع اننت ناگ کے علاوہ کشمیر کے دور دراز سے آئے ہوئے عقیدت مندوں نے شرکت کی۔ اس دوران خانقاہ حیدری کے منتظم و روح رواں ڈاکٹر پیر سمیر صدیقی نے اسلام ٹائمز سے بات کرتے ہوئے مولائے کائنات کے تئیں اپنے عقیدت کا اظہار کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
ذریعہ: Islam Times
کلیدی لفظ: خانقاہ حیدری ہیں اور
پڑھیں:
امام حسین علیہ السلام اور شہدائے کربلا کا چہلم عقیدت و احترام سے منایا جا رہا ہے
لاہور سمیت ملک بھر میں حضرت محمد ﷺ کے نواسے حضرت امام حسین علیہ السلام اور شہدائے کربلا کو خراج عقیدت پیش کرنے کے لیے ان کا چہلم روایتی عقیدت و احترام کے ساتھ منایا جا رہا ہے۔ملک بھر سے علم اور ذوالجناح کے جلوس برآمد ہوں گے جن میں نوحہ خوانی اور ماتم برپا کر کے شہداء کو خراج عقیدت پیش کیا جائے گا۔
لاہور
لاہور میں چہلم حضرت امام حسین علیہ السلام اور صوفی بزرگ حضرت داتا علی ہجویری ؒ کے عرس کے آخری روز کے باعث سکیورٹی کے سخت انتظامات کیے گئے ہیں، عزاداری جلوسوں، مجالس اور عرس کی تقریبات کے لئے پنجاب پولیس ہائی الرٹ ہے۔آئی جی پنجاب ڈاکٹر عثمان انور نے کہا ہے کہ چہلم حضرت امام حسین علیہ السلام کے مقدس پروگراموں کا پرامن اور محفوظ انعقاد یقینی بنائیں گے، تمام مکاتب فکر سے تعلق رکھنے والے افراد مذہبی ہم آہنگی، بین المسالک اتحاد اور رواداری کو فروغ دیں۔انہوں نے کہا ہے کہ مجالس، عزاداری جلوسوں، عرس تقریبات کو بھرپور سکیورٹی انتظامات فراہم کر رہے ہیں، چہلم حضرت امام حسین علیہ السلام کے موقع پر 644 مجالس منعقد، 392 عزاداری جلوس برآمد ہو رہے ہیں جن کیلئے 37 ہزار سے زائد پولیس افسران اور اہلکار سکیورٹی پر تعینات ہیں۔
کراچی
ادھر کراچی میں چہلم امام حسین علیہ السلام کا مرکزی جلوس دن ایک بجے نشتر پارک سے برآمد ہوگا، جلوس کی سکیورٹی کے لئے ایم اے جناح روڈ اور اطراف کی گلیوں کو کنٹینرز لگا کر بند کردیا گیا ہے، جلوس کے راستے میں آنے والی مارکیٹوں کی دکانوں کو بم ڈسپوزل یونٹ نے سرچنگ کے بعد سیل کردیا۔کراچی کے مختلف علاقوں میں موبائل فون سروس بند کردی گئی اور موٹرسائیکل کی ڈبل سواری پر بھی پابندی عائد ہے۔جلوس کی سکیورٹی کے لئے 4 ہزار سے زائد پولیس اہکار تعینات کیے گئے ہیں جبکہ شہر میں دفعہ 144 بھی نافذ ہے اور امن وامان کی صورتحال کے پیش نظر سندھ بھر میں ریڈ الرٹ جاری کیا گیا ہے۔
پشاور
پشاور میں چہلم امام حسین علیہ السلام کے سلسلے میں آج سہ پہر 3 بجے دو مرکزی جلوس برآمد ہوں گے، جلوس ذوالجناح امام بارگاہ آخوندآباد محلہ نوبجوڑی کوہاٹی سے جبکہ دوسرا جلوس کوچہ رسالدار قصہ خوانی سے برآمد ہوگا۔دونوں جلوس اپنے مقررہ راستوں سے ہوتے ہوئے واپس اسی امام بارگاہ پر اختتام پذیر ہوں گے، جلوسوں کی سکیورٹی کیلئے سخت انتظامات کیے گئے ہیں۔
کوئٹہ
اسی طرح بلوچستان کے دارالحکومت کوئٹہ میں چہلم کا مرکزی جلوس مومن آباد امام بارگاہ علمدار روڈ سے برآمد ہوگا جس میں 22 دستے شامل ہیں۔جلوس کی حفاظت کے لیے پولیس، بی سی اور ایف سی کی 5 ہزار نفری تعینات ہے، جلوس کے روٹ کی سی سی ٹی وی کیمروں سے نگرانی کی جارہی ہے، جلوس روایتی راستوں سے ہوتا ہوا بہشت زینب ہزارہ قبرستان پہنچ کر اختتام پذیر ہو گا۔دوسرا جلوس ولی العصر امام بارگاہ ہزارہ ٹاؤن سے برآمد اور روایتی راستوں سے ہوتا ہوا ہزارہ قبرستان مغربی بائی پاس پر پہنچ کر ختم ہوگا۔
خیبر پختونخوا؛ گندم اسکینڈل میں گرفتار افسران کی ضمانت کی درخواستیں خارج