دانش اسکول کا سلسلہ وادی نیلم تک بڑھائیں گے: وزیراعظم شہبازشریف
اشاعت کی تاریخ: 20th, November 2025 GMT
ویب ڈیسک: وزیراعظم نے آزادکشمیر کے شہر ہاڑی گہل ضلع با غ میں دانش اسکول کا سنگ بنیادرکھ دیا، وزیراعظم نے اس موقع پر کہا دانش اسکول کا سلسلہ وادی نیلم تک بڑھائیں گے۔
باغ،وزیراعظم شہبازشریف نے سنگ بنیاد رکھنے کی تقریب سے خطاب کرتے ہوئے کہا کہ ’ آزادکشمیر میں دانش اسکول کا سنگ بنیاد رکھتے ہوئے بہت خوشی ہوئی، دانش اسکول کا سلسلہ ہم نے پنجاب سے شروع کیا۔
اگلے سال 23 مارچ کو دانش اسکول باغ کا افتتاح کریں گے،دانش اسکول کا سلسلہ وادی نیلم تک بڑھائیں گے،دانش اسکولوں میں غریب کے بچوں کو عالمی معیار کی تعلیم مفت فراہم کررہے ہیں، دانش اسکول ملک کے نامور تعلیمی ادارو ں کا ہم پلہ ہے۔
آئندہ برس مون سون کے نقصانات سے بچنے کیلئے ابھی سے تیاری کی جائے؛ وزیراعظم
دانش اسکول کے بچے فارغ التحصیل ہو کر دنیا بھر میں ملک کا نام روشن کریں گے۔
وزیراعظم آزاد کشمیر فیصل ممتاز راٹھور نےتقریب سے خطاب کرتے ہوئے کہا کہ وزیراعظم شہبازشریف کا دانش اسکول کا دائرہ پورے ملک تک بڑھانا خوش آئندہ ہے۔
دانش اسکول آپ کی علم دوستی کا واضح ثبوت ہے، معرکہ حق کے بعد پاکستان کا وقار بلند ہوا،ان شااللہ وہ دن دور نہیں جب کشمیرآزاد ہوگا۔
وفاقی وزیر منصوبہ بندی احسن اقبال نے تقریب سے خطاب کرتے ہوئے کہا کہ’پنجاب میں جب دانش اسکول شروع کئے گئے تو بہت مخالفت ہوئی۔
پنجاب حکومت کا غیر قانونی مقیم افغانیوں کی اطلاع دینے والوں کیلئے نقد انعام کا اعلان
وزیراعظم نے بطور خادم پنجاب دانش اسکول شروع کیا تھا،دانش اسکول قائم کرکے وزیراعظم نے ہونہار بچوں کیلئے بہترین فیصلہ کیا، ملکی ترقی کیلئے اڑان پاکستان جیسے منصوبے بہت ضروری ہیں۔
وفاقی وزیر امور کشمیر انجینئر امیر مقام کا اس موقع پر کہنا تھا کہ’دانش اسکول کاقیام تاریخ کا حصہ بنے گا، وزیراعظم ملک کے کونے،کونے میں دانش کا قائم کر رہے ہیں۔
.ذریعہ: City 42
کلیدی لفظ: دانش اسکول کا سلسلہ
پڑھیں:
وزیراعظم شہباز شریف کا باغ دانش سکول کا سنگِ بنیاد، افتتاح 23 مارچ 2026 کو ہوگا
باغ (نیوز ڈیسک) وزیراعظم شہباز شریف نے کہا کہ انہیں اس تاریخی موقع پر دلی مسرت ہے، کیونکہ یہ وہ تعلیمی سفر ہے جس کا آغاز پنجاب سے ہوا تھا اور جو اب اللہ تعالیٰ کے فضل و کرم سے پورے ملک میں تعمیر و ترقی کے ساتھ تیزی سے پھیل رہا ہے۔ انہوں نے کہا کہ باغ میں دانش سکول کی تعمیر کا کافی حصہ مکمل ہو چکا ہے اور محکمہ تعلیم کو یہ ہدف دیا گیا ہے کہ اس منصوبے کا افتتاح 23 مارچ 2026 کو کر دیا جائے گا۔ وزیراعظم نے اعلان کیا کہ وادیٔ نیلم میں بھی بہت جلد دانش سکول کا سنگِ بنیاد رکھا جائے گا اور آزاد جموں و کشمیر کی نئی قیادت کی درخواست پر ایک مزید دانش سکول کے قیام کی منظوری بھی دی جا رہی ہے۔
باغ دانش سکول کا سنگِ بنیاد رکھنے کی تقریب سے خطاب کرتے ہوئے وزیراعظم نے کہا کہ دانش سکول ایسے ادارے ہیں جن کا تعلیمی معیار ملک کے بہترین اداروں ایچیسن کالج، لارنس کالج، برن ہال ایبٹ آباد اور دیگر ممتاز درسگاہوں—سے کسی طور کم نہیں۔ انہوں نے کہا کہ ان اداروں میں جدید تعلیم، تربیت یافتہ اساتذہ، معیاری خوراک، بہترین رہائش، کھیلوں کے میدان، ڈیجیٹل لائبریریاں اور سمارٹ بورڈز جیسی سہولیات فراہم کی جا رہی ہیں۔ وزیراعظم نے کہا کہ یہ ادارے بانیٔ پاکستان قائد اعظم محمد علی جناح اور علامہ اقبال کے اس خواب کی تعبیر ہیں جس میں ایک ایسے پاکستان کا تصور پیش کیا گیا تھا جہاں ہر بچہ اور بچی صرف محنت، امانت اور دیانت کی بنیاد پر ترقی کا حق رکھتا ہو۔
انہوں نے اس موقع پر پنجاب کے ایک دانش سکول کی ایک طالبہ کا واقعہ بھی سنایا، جو یتیم تھی اور معاشی مشکلات کے باوجود ڈاکٹر بننے کا خواب رکھتی تھی۔ وزیراعظم کا کہنا تھا کہ یہ صرف ایک بچی کی کہانی نہیں، بلکہ آج ہزاروں طلبہ اور طالبات دانش سکولوں سے تعلیم حاصل کرکے ڈاکٹر، انجینیئر، محقق اور دیگر اہم شعبوں میں اپنا لوہا منوا رہے ہیں، جن میں وہ طالبعلم بھی شامل ہیں جو اس وقت کیمبرج یونیورسٹی میں زیر تعلیم ہیں۔ انہوں نے امید ظاہر کی کہ آزاد کشمیر کے بچے بھی انہی اداروں سے فارغ التحصیل ہو کر ملک و قوم کا نام روشن کریں گے۔
وزیراعظم نے اپنی تقریر میں ملکی سلامتی کے حوالے سے کہا کہ پاکستان کی مسلح افواج نے حالیہ مختصر جنگ میں دشمن کو واضح پیغام دیا اور دنیا نے پاکستانی افواج کی صلاحیتوں کا اعتراف کیا ہے۔ انہوں نے کہا کہ امریکہ کی کانگرس کی حالیہ رپورٹ میں بھی اس جرات مندانہ کارکردگی کی تائید کی گئی ہے۔ وزیراعظم کا کہنا تھا کہ یہ کامیابیاں اللہ تعالیٰ کے فضل اور افواجِ پاکستان کی بہادری کا نتیجہ ہیں، اور اسی عزم کے ساتھ حکومت معاشی میدان میں بھی دن رات محنت کر رہی ہے۔
انہوں نے کہا کہ جس طرح باغ میں یہ ادارے تعمیر ہو رہے ہیں، اسی طرح ایک دن مقبوضہ کشمیر کے بچے بھی آزاد فضا میں انہی سہولیات سے فائدہ اٹھائیں گے۔ پاکستان گزشتہ سات دہائیوں سے کشمیریوں کی اخلاقی، سیاسی اور سفارتی حمایت کر رہا ہے اور یہ تعاون اس وقت تک جاری رہے گا جب تک انہیں ان کا حق خودارادیت نہیں مل جاتا۔ وزیراعظم نے امید ظاہر کی کہ جلد وہ وقت آئے گا جب کشمیر آزاد ہوگا اور وہاں بھی ایسے تعلیمی ادارے تعمیر ہوں گے جو نئی نسل کے مستقبل کو روشن کریں گے۔
خطاب کے اختتام پر وزیراعظم نے کہا کہ حکومت آزاد کشمیر کے ساتھ ہونے والے تمام فیصلوں پر مکمل عملدرآمد کرے گی اور انہوں نے آزاد کشمیر کی قیادت سے توقع ظاہر کی کہ وہ گورننس کے اعلیٰ معیار قائم کریں گے تاکہ ترقی کے ثمرات ہر گھر تک پہنچیں۔ انہوں نے شرکا کے نعروں کے ساتھ خطاب مکمل کرتے ہوئے کہا کہ پاکستان زندہ باد، آزاد کشمیر پائندہ باد۔
افغان پھلوں کی ایران کے راستے درآمد کرنے کی کوشش ناکام