2026 میں مون سون بارشیں 26 فیصد زائد ہونے کا امکان
اشاعت کی تاریخ: 20th, November 2025 GMT
نیشنل ڈیزاسٹر مینجمنٹ اتھارٹی (این ڈی ایم اے) کے ڈائریکٹر جنرل نے 2026 کے مون سون سیزن میں معمول سے 22 سے 26 فیصد زائد بارشوں کی پیشگوئی کرتے ہوئے خبردار کیا ہے کہ ملک میں موسم کی شدت بڑھ رہی ہے اور اس کے اثرات سے نمٹنے کے لیے بھرپور تیاری ناگزیر ہے۔
ڈی جی این ڈی ایم اے کی جانب سے جاری بیان میں کہا گیا ہے کہ پاکستان میں موسمیاتی تبدیلی کے باعث موسم زیادہ شدت اختیار کر رہا ہے، اور آئندہ مون سون سیزن ملک کے مختلف حصوں میں شدید بارشیں لا سکتا ہے۔
یہ بھی پڑھیے وزیرِ اعظم شہباز شریف کی آئندہ مون سون سے قبل تیاری کی ہدایت، قلیل المدتی منصوبے کی منظوری
انہوں نے بتایا کہ رواں سال 31 لاکھ افراد کو ممکنہ سیلابی صورتحال کے پیش نظر محفوظ مقامات پر منتقل کیا گیا، جس سے این ڈی ایم اے کی بروقت کارروائی کی اہمیت واضح ہوتی ہے۔
ڈی جی این ڈی ایم اے کے مطابق بہت سے اہم اقدامات وفاقی اور صوبائی سطح پر مشترکہ طور پر کرنے کی ضرورت ہے۔
انہوں نے بتایا کہ دریاؤں میں ممکنہ طغیانی اور پانی کے بہاؤ سے متعلق سفارشات تیار کر لی گئی ہیں۔ این ڈی ایم اے 6 سے 8 ماہ قبل صوبوں کو ارلی وارننگ فراہم کرتا ہے، تاکہ پیشگی منصوبہ بندی ممکن ہو سکے۔
اگر ہفتوں کی بنیاد پر مؤثر رابطہ رکھا جائے تو صوبائی حکومتیں بہتر اقدامات کر سکتی ہیں اور انسانی جانوں اور املاک کے نقصان کو کم سے کم کیا جا سکتا ہے۔
وزیراعظم کی جانب سے قلیل المدتی ماحولیات بچاؤ منصوبے کی منظوریدوسری جانب وزیراعظم شہباز شریف نے ماحولیاتی تبدیلی سے پیدا ہونے والے خطرات سے نمٹنے کے لیے قلیل المدتی منصوبہ منظور کرتے ہوئے متعلقہ اداروں کو فوری عملدرآمد کی ہدایت کردی ہے۔
یہ بھی پڑھیے پاکستان قدرتی وسائل سے مالا مال، موسمیاتی تبدیلیوں کے اثرات کی وجہ سے بے بس ہیں، وزیراعظم شہباز شریف
وزیراعظم کا کہنا تھا کہ آئندہ مون سون کے ممکنہ نقصانات سے بچنے کے لیے ابھی سے تیاری ضروری ہے۔ وفاق اور صوبے موسمیاتی تبدیلی کے حوالے سے مشترکہ اور مربوط حکمتِ عملی اختیار کریں۔ ہنگامی صورتحال میں مؤثر رابطہ اور فوری فیصلے نقصان کو نمایاں طور پر کم کر سکتے ہیں۔
حکومتی فیصلے اور این ڈی ایم اے کی پیشگوئیاں اس بات کی نشاندہی کرتی ہیں کہ پاکستان کو آئندہ برس شدید موسمی حالات کا سامنا ہو سکتا ہے، جس کے لیے منصوبہ بندی اور بروقت اقدامات نہایت ضروری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے مون سون 2026 نیشنل ڈیزاسٹر مینجمنٹ اتھارٹی.
ذریعہ
ذریعہ: WE News
کلیدی لفظ: این ڈی ایم اے نیشنل ڈیزاسٹر مینجمنٹ اتھارٹی ڈی ایم اے کے لیے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ